Yohaana 11:2 - NEAJEEDA EESH BEA BUUNEESSEAN

² Mariyaheani diitta ghayi easha Ng'uttamiida nagheeda ng'andit ama ng'atta gobuus geeshanga aba budeagaaschiin gil, nea abeeda ghamnyaan oorjeeda ghaamwat suguura Lasaaro.

Bibliyeeda Ghaydit

² Mariyaheani diita ghayi easha Ng'utamiida nagheeda ng'andit ama ng'ata goobuus geeshanga aba buudeagaaschiin gil, nea abeeda ghamnyaan orjeeda ghaamwat siguura Lasaro.

Yohaana 11:2 Referans Kwoze

Yohaana 12:3

Ng'atta gageanu Mariya nagheeda ng'andit suguura nardo mida gideeshteayda sikkuuyi bureetta bissa gaba sheayeeda haw, ak ghwayeasha geeshanga Yeesu ak gobuusa budeegaaschi; gang'andiit gheassean aba shearooda nagheeda.

Marko 14:3

Yeesu abeeda gwanda ng'eanyiida Beettaniya. Gwanda gheeh Simoneeda ghayi beardooschi udamusuura. Iiduw nea goopteada gweagiischi ghwahidu headaannyi Gatmooni eattuuna geadi dabichcheanda nyiit nagheeda haw sheayeat suguura nardo biissa ea ng'andit. Hidu goodalealsa uhuuda Yeesu nagheedida ng'andidiin.

Lukka 7:13

Daa Ng'uttamiida gatmoodida ghabwayda ak gwayeeshsha, “Adiiyyeawudi.”

Lukka 7:19

Hean gaguursa Yohaana ginealangaaschi iyyeenya ak gojeakta heeda Ng'uttamiida ghoanyaash gideaba, “Ang'iing'i guwosi siida ghayi jea ghwaani ghana jea eammuukghuna nuut?”

Yohaana 11:3

Hean gojeaksa Haweega ghaamwat nea geyeeshsha, “Ng'uttamiida, siida ibwariinyi ghamnyaan.”

Yohaana 11:21

Gwayeeshsha Marta Yeesu, “Ng'uttamiida inyeeda heetta gindi hiji ghwanyawa oorjeeda giyeanya gajea miighami.

Yohaana 11:32

Hitta Mariya heeda mida Yeesu ghwadaa ak gwatkuy aba madeadaannyi ak gwayeeshsha, “Ng'uttamiida, heetta inyeeda gindi hiji orjeediyya gajea mii ghami.”

Yohaana 13:13

Agooga gogurewanean Ginealshochcheanda ea Ng'uttamiida; ak ghwadoabiiw, aba gideaba geawoschi.

Yohaana 13:14

Asi aniini iyeawoschi Ginealshochcheanda ea Ng'uttamiida ak gajoohhuuna geeshangeagwa, asi gammiiseegwa earagooga gideaba ohhuunna geeshangeaba geat.