Yohaana 10:1 - NEAJEEDA EESH BEA BUUNEESSEAN

¹ “Aba huumwa, aba huumwa, geayeeshshineegwa, siida wassean maska gidaghuut ak gawa jeeda gheeda gisilga amaduw ghamwaasta ak ghwala nawa nuut, siisi mareanghweanda gil nea goreedi fii haleanjeeda;

Bibliyeeda Ghaydit

¹ “Aba huumwa, aba huumwa, geayeeshiineegwa, siida wassean masiga gidaghuuta ak gawa jeeda gheeda gisilga amadu ghamwaasta ak ghwala nawa nuut, siisi mareanghweanda gil nea gooreedi fih haleanjeeda;

Yohaana 10:1 Referans Kwoze

Mattayo 7:15

“Ashageada sibanga ng'uyyeega fuga iissa ghapka heedeang'wa nea niikwa eagweega gisilga, nea aba jih ea suyeekka ng'weani.

Ruumi 16:18

Aba gideaba fuga sina ng'asheesu magadiyeesiina Ng'uttamiideanya was Gristo, saawa gagadiyeesa jeesinga nyaawa, nea gaba geat aba ng'asheega nyaawa bea ng'uyyeega iissa gwareengani guroruunatka fuga manang'i fughareeni.

1 Yohaana 4:1

Fuga abwariinnyi, adoamwaschi giliwas gurorooda, iissa ghoonyoo asma guroruunatsu ak ghoadaayi ea gaba Aseetta; aba gideaba nihidu jeeda ng'eanyiida sibanga saang'a bea ng'uyyeega.

Ebraniya 5:4

Ea manda siida ammu gwanyaksa geaw mureani, geaghus gaguursa Aseetta, gawuurji gidaguursiinda Haruuni.

2 Betro 2:3

Nea aba shidooda nyaawa bea ghaang' gaygoheadeesa haleanjeeda appadahuukkeagwa aba ng'asheega ng'uyyeega; ghang'eada garayi girgweageeda nyaawa ghanyea maygafuuf, nea nyariida nyaawa ghanyea maygwalil.

2 Betro 2:1

Ng'atta gwarina jeeda buuneeda sibanga ng'uyyeega earappeadi jea gwanda giinealshoodiga ng'uyyeega aba jeedeang'wa, fuga jea gweadu ginealshooda nyariida aba makcheameeda, ak ghwashaang' Siida haw ghayi shaang' saawa, ak gweassa geat nyariida.

1 Betro 1:10

Sibanga ghayi ramoaran dagheerjeandumeeda jea ghoaw deang'wa gagaseadayyi nea goonyearriida iitteaba lealeanoani;

Ruumi 10:15

Ak gay gwarukkwiidaaydaan siida ii miyeechcheakta? Gawuurji gissung'waarda bea gideaba, “Amiyaastaan geeshanga fuga rukkwiida Giijasta miy!”

Yohaana 3:3

Ghwasha Yeesu ak gwayeeshsha niny, “Aba huumwa, aba huumwa geayeeshshineey siida imebiikta eeji deaba iyyeennya ea mayghwadaah sugoochcheandumeeda Aseetta.”

Ditto 1:11

gidabal gearat ghuusiga nyaawa aba gideaba fiisu inyeesa gahutteawi buuneeda aba ginealshooda ak ghwanyas haleanjeeda aba ginealshooda mwadaagha.

Yohaana 10:7

Gabiikta Yeesu gichcha ak gwayeeshsha, “Aba huumwa, aba huumwa, geayeeshshineegwa, aniini geawoschi gidaghuutta gisilga.