Yohaana 1:51 - NEAJEEDA EESH BEA BUUNEESSEAN

⁵¹ Hean gwayeeshsha niny, “Aba huumwa, aba huumwa, geayeeshshineegwa, gajadaaha nea ghwajaada humng'eeda, ak gajadaaha malaykajeega Aseetta heeda mwascheeng'da suurja ghwararang'aan ghapka heeda Balleanda Siida.”

Bibliyeeda Ghaydit

⁵¹ Hean gwayeesha niny, “Aba huumwa, aba huumwa, geayeeshiineegwa, gajadaaha nea ghwajaada humng'eeda, ak gajadaaha malaykajeega ASEETA heeda mwascheeng'da suurja ghwararang'aan ghapka heeda Orjeeda Siida.”

Yohaana 1:51 Referans Kwoze

Gadiyeeda Giijasoodiga 7:56

Ak gwayi, “Ang'ulla, ghaadaayi humng'eeda nea ghwajaada, nea Balleanda Siida ghamiinaada aba meatkweeda geattinda dugwa bea Aseetta.”

Lukka 22:43

Hean ghwahidu malaykajeanda leabu humng'eeda ak ghoadaw uurda.

Lukka 2:13

Deagheatta gwandeayi sea malaykajeanji lugooda saang'a bea humng'eeda ak gwaduumsheesa Aseetta nea gwayi,

Marko 14:62

Gwayeeshsha Yeesu, “Ea ada geawoschi. Ghabwada nii gajadaaha Balleanji bea Siidean nea gobideada aba meatkweeda geattinda dugwa bea Aseetta hoauur, nea godeana shamoghuutka humng'eeda.”

Marko 1:10

Siyeeng'na jeedeenda deagheetta ghwadaa nea ghwajaada bugusta humng'eeda ak gwashubeesa Yeammeeda Ghaydit nea gawuurji ghariibajeanda.

Mattayo 3:16

Ng'atta giibaattiisanda Yeesu, nea gwascheeng'na jeeda beega; hean ng'ulla ghwajaada humng'eeda ak ghwadaa Gurorooda Aseetta nea gwashubeanda gharibajeanda, ak goobissa uhuudaannyi;

Gadiyeeda Giijasoodiga 10:11

ak ghwadaa nea ghwajaada humng'eeda, ak geerareang'u giduurji hang'da haw, nea geeng'waanyaan meatkwajeega sean asang'wan ea ghwahidu ng'eanyi.

Lukka 3:21

Hit gibattiisanda buuneeda sean, ea dea Yeesu nea ghamwaash Aseetta ghajaada bugusta humng'eeda,

Mattayo 4:11

Hean ghwanung'wa heeda Meang'nyeandeenda ak ghapka malaykajeega ak gagadiyeesa.

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraseedeesh! Nea gwanda badaydaannyi siida suguura Doobiiwnatta ea Huumwa, ak niny aba doobiiwnatta goorgweaksa nea gwasin ng'uchcheeda.

Giidaheechta 4:1

Iing'atta ng'asheesu ghang'weardi, ama deagheatta gwanda humng'eeda gidaghuutta jaadaat. Hean ghuutta gwachchi ayiinyi bea madeedean goobaloolan nea ghwanyaashta giguuleanda, nea gwayi, “Beenni hiji, ak gaydahiimneey gichchea ghwahidu iing'atta ng'asheesu.”

2 Desaloniikke 1:7

ak gagooneegwa fuufta sea aseasa agoogeeda sisawan, damanda jea eattahaaja Ng'uttamiida was Yeesu jea gwaleabu humng'eeda sea malaykajeegaaschi mideawa uurjeenga beasta yeat,

Lukka 2:9

Gabussa saawa Malaykajeanda Ng'uttamiida, ak ghoabwaay murdajeega nyaawa sean gigheambiitta Ng'uttamiida, ak ghang'ut muuwda.

Ebraniya 1:14

Neada malaykajeega gadiiyi ghayi sichcheagu gagadiiyeesa, appadahuukka fuga jea ghwanyas lealeanoodeani?

1 Dimotteo 3:16

Ak ea huumwa gil gideaba makcheameeda baditta Aseetta ahaw. Aseetta geetaajiiti aba saseeda Ak doobiiwnataanyi ghoohiimu Guroorooda Ak ghwadaa giijasoochcheanda humng'eeda Ak geerukwiida iitaanyi aba jeeda emoojiga, Ak geamwas aba jeeda ng'eanyiida, Ak geeyaat humng'eeda heeda ghambiidaat.

Yohaana 10:1

“Aba huumwa, aba huumwa, geayeeshshineegwa, siida wassean maska gidaghuut ak gawa jeeda gheeda gisilga amaduw ghamwaasta ak ghwala nawa nuut, siisi mareanghweanda gil nea goreedi fii haleanjeeda;

Lukka 22:69

Nea gidang'eada ghamneawa Balleanda Siida gaygoopteada aba meatkweeda geattinda dugwa bea Aseetta hoauur.”

Mattayo 25:31

“Damanda jea ghwahinna Balleanda Siida aba jeeda gigheambiittaannyi, nea goodeana malaykajeega, hean gaygoopteada aba uhuuda hoorgda giigheambiittaannyi.

Yuuda 1:14

Appadaydeaba suu Enokki aba seaygeedeaba ispwa ng'eada Adamu gayghwaramoaran, nea gwayi, “Ng'ulla, Ng'uttamiida ghwaan nea goodeana malaykajeagaaschi meammu eyiida, gwanuuseada aba girgweaksiinda,

2 Desaloniikke 1:9

Ak gaygwasawana aba ghoorjooda nyariida manda mudeanooda ak geegeandeawa madeeda Ng'uttamiida ea heeda gigheambiitaannyi mideawa uurda,

Yohaana 14:12

Aba huumwa, aba huumwa, geayeeshshineegwa, siida mwasan gaygwasin gadiyoojusu easinnyi aniiniin; asi gaygwasin eara gadiyoojiga hees muuchchi, aba gideaba aniini geawi heeda Bwaabwa.

Yohaana 6:47

Aba huumwa, aba huumwa, geayeeshshineegwa, siida mwas gwandeawa eaweega manda mudeanooda.

Lukka 24:4

Damani duuw ghahamwang'eanyi aba ng'asheanjiin, hean ghamiinaada fii iyyeenya aba murdeannyaawa nea gookwa hang'weakka meang'meang'i;

Mattayo 26:24

Balleanda siida gaygawa, gawuurji gidaghayi sing'oorsiinda, amaduw eadashageada siidida jea ghwala bwadaw Balleanda Siidean! Siisi ghang'wana gwachchi ea meeji.”

Yohaana 21:18

Aba huumwa, aba huumwa, geayeeshshineey, ghayi nea guduwosa gheareemaneeda iissa gimmuusi rada manandaang'u ak guwi heeda wassean igasayi; amaduw nea nihuwi gweargweeda, gajadoabiiwa geattingaagu, ak ghwarannyi siinuut ak ghwaannyi heeda ghwanyawa migassi una.”

Yohaana 8:51

Aba huumwa, aba huumwa, geayeeshshineegwa, siida jea ghoang'ng'waay ng'asheandeanyu ea mayghwadaa miyeeda eara hay.”

Yohaana 6:32

Gwayeeshsha Yeesu saawa, “Aba huumwa, aba huumwa, geayeeshshineegwa, mii Muusa gil dea goneegwa mukkatteyda leabu humng'eeda; Bwaabwa dea gooneegwa mukkatteyda huumwa leabu humng'eeda.

Yohaana 3:5

Ghwasha Yeesu ak gwayeeshsha, “Aba huumwa, aba huumwa, geayeeshshineey, siida imiyeejiilna beega ea Gurorooda ea mayghoammu gawa jeeda sugoochcheandumeeda Aseetta.

Yohaana 16:20

Aba huumwa, aba huumwa, geayeeshshineegwa, agooga gajooyyeawda nea goguttu heareega ak gaygang'weela ng'eanyiida, gajoogiisana amaduw gayghwayamwa giseaneegeagwa ak ghoaw hoseaneega.

Yohaana 13:16

Aba huumwa, aba huumwa, geayeeshshineegwa, soomjeanda mii haweawa siidaannyi haw, ghana siida sichcheakta mii haweawa siida ajeakta.

Yohaana 10:7

Gabiikta Yeesu gichcha ak gwayeeshsha, “Aba huumwa, aba huumwa, geayeeshshineegwa, aniini geawoschi gidaghuutta gisilga.

Yohaana 6:53

Gwayeeshsha Yeesu saawa, “Aba huumwa, aba huumwa, geayeeshshineegwa, imoayaagi saseeda Balleanda Siida, ak ghoaleayi foojandaannyi, ea maygwanda jeesingeagwa eaweega;

Yohaana 5:27

ak gabiissa ghoadaw gheambalmeeda jea gorgweaksiina buuneeda, aba gideaba niny Balleanda Siida gil.

Yohaana 5:19

Gwayeeshsha Yeesu saawa, “Aba huumwa, aba huumwa, geayeeshshineegwa, Balleanda mwoammu gwasin gida nea gaba geaw ghoammu gwasin gitta daa nea gwasin Ghwaaniin; aba gideaba gitta sin Ghweandean, eara Balleanda abeeda gaygwasin.

Yohaana 3:3

Ghwasha Yeesu ak gwayeeshsha niny, “Aba huumwa, aba huumwa geayeeshshineey siida imebiikta eeji deaba iyyeennya ea mayghwadaah sugoochcheandumeeda Aseetta.”

Mattayo 9:6

Geagasayi anala gideaba, Balleanda Siida gwandeawa gheambalmeeda aba badayda ng'eanyiida jea gwasamsiina ring'eega;” ak gwayeeshsha siitta abittu damealgean, “Ng'eada, sareana muundaang'u ak guwi ghoah.”

Mattayo 8:20

Gwayeeshsha Yeesu, “Fureayoonga gwandeawa shoomeanga, dariidakka gwandeawa ghoorajeega; nea Balleanda Siida ea mandeawana heechea ghwayiin uhuudannyi.”

Yohaana 16:23

Eaweettida manda ng'asheanda jea oannyaashaan. Aba huumwa, aba huumwa, geayeeshshineegwa, gidawassean oomushchi Bwaabwa gaygagoneegwa aba gheawungeasu.

Yohaana 13:38

Hean ghwasha Yeesu nea gwayeeshsha, “Gajaghaashta eaweegaagu appadaydeanyu? Aba huumwa, aba huumwa, geayeeshshineey, damanda migoguula nghaghooda gajanishaang'nyaan niba samwagu.

Yohaana 8:58

Gwayeeshsha Yeesu saawa, “Aba huumwa, aba huumwa, geayeeshshineegwa, dea mii gwandeewa Abrahaamu, abeeda aniini geandi.”

Yohaana 8:34

Ghwasha Yeesu nea gwayeeshsha saawa, “Aba huumwa aba huumwa, geayeeshshineegwa, gilinyoo ea sihi nyoo gwasna ring'eeda soomjeanda ring'eeda.

Yohaana 6:26

Ghwashsha Yeesu nea gwayeeshsha saawa, “Aba huumwa, aba huumwa, geayeeshshineegwa, mogaseadayyean, aba gideaba ghayi noadaayi gwadeagooda, gogassean aba gideaba ghayi ghoayaaji mukkatte ak golang'uuchchi.

Yohaana 1:50

Ghwasha Yeesu nea gwayeeshsha, “Ghamneawa gumwasi aba gideaba geayeeshshineey ghwanyawa ghadayeay nea gudumidana guumda shabogheechcheanda? Asi gaydaaha ng'asheega hees naawa suh.”