Yohaana 1:11 - NEAJEEDA EESH BEA BUUNEESSEAN

¹¹ Niny ghwahidu gheannyi, ak ea mwadeapta fugaaschi.

Bibliyeeda Ghaydit

¹¹ Niny ghwahidu gheanyi, ak ea mwadeapta fugaaschi.

Yohaana 1:11 Referans Kwoze

Lukka 19:14

Ak siisi ghwasit fuga ng'eang'da nyaawa ak gechcheaksa buuneeda eyeeshsha, ‘Aseasa meegassi siisi ghoahaaghwaneassa.’

Yohaana 3:32

Niny iissa gamuuwwu ng'asheega daa ea gea iiy, ak ghanyeamanda siida mwas muwwunoadaannyi;

Mattayo 15:24

Ghwasha nea gwayeeshsha, “Meechcheaksean buuneessean geechcheaksean gisilga roodeadi bea gheeh Israeeli.”

Ruumi 15:8

Aba gideaba geayeeshshiineegwa, Gristo ghoaw soomjeanda aba heeda fuga ghasmeahooda appadayda ng'asheega huumwa bea Aseetta, ak abeeda ghoadaajiit heelleeda ghayi siittaw ghweanigeagwa,

Gadiyeeda Giijasoodiga 13:46

Gabalool Baulo ea Barnaba aba meaynatta nea gwayi, “Gammiisa gideaba gayghanyi erukuneegwa ammadeeda ng'asheanda Aseetta. Amaduw nea ghoaheawi ak gohindi geat gili mammiiseegwa eaweega manda muudeanooda, ang'ulla, gajeeyamsiina geat Emoojiga.

Ruumi 9:5

aba geannyaawa gwanda gheamba ghweaniga, bea emeannyaawa, aba saseeda, aba heannyaawa Gristohi. Aseetta haweawa haleanjeessean gagasa eebadiischeesa ea ghoaw damanda manda muudeanooda. Amin.

Galattiya 4:4

Iiduw nea ghwahitta damanda, hean goojeagu Aseetta Balleandaannyi, jiilu gatmooda, aba jeeda deaweeda,

Gadiyeeda Giijasoodiga 13:26

“Fugeaduupcheewi, balloojiga dooshta Abrahaamu, ea buuneessean mida jeedeang'wa awali gheang'da Aseettean, giijasi bea lealnoodean siyanneasa.

Ruumi 9:1

Asi geargu huumwa aba jeeda Gristo, mearukuni ng'uyyeega; nea eara fughareedeanyu gamuuwwu ng'asheega badaydeanyu aba jeeda Gurorooda Ghaydit,

Yohaana 1:10

Niny ghayi abeeda gwanda jeeda ng'eanyiida, nea ng'eanyiida geesin appadaydaannyi ak amwanala ng'eanyiida.

Yohaana 1:12

Nea fukka sean deapta ninyiin, ak ghamwas aba gheawungaaschiin, ghoadaw uurda jea ghoaweawa diibiga Aseetta;

Yohaana 19:27

Hit gwayeeshsha ginealaneetta, “Ng'ulla geamadu!” Ghang'eada damandida ghwaat ginealaneetta gwandeawa aba gheannyi.

Gadiyeeda Giijasoodiga 21:6

Hean iiduw geeheeli ak geeding'di maleambooda nea gabiikta saawa ghoah.