Yakkobo 5:9 - NEAJEEDA EESH BEA BUUNEESSEAN

⁹ Fuga eaduupcheewi, adonnikkiisi geat, aba gideaba gajiiduw gergweakseegwa; ang'ulla siida laja girgweaguutka ghamiinaada aba gidaghuudajeega.

Bibliyeeda Ghaydit

⁹ Fuga eaduupcheewi, adooniikiisi geat, aba gideaba gajiidu geergweakseegwa; ang'ula siida laja girgweaguutka ghamiinaada aba gidaghuudajeega.

Yakkobo 5:9 Referans Kwoze

1 Goriinto 4:5

Asi iissa ea adoorgweaksi ng'asheanda nea miighwahitta damanda nea miighwahidu Ng'uttamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda Aseetta.

Yakkobo 4:11

Fuga eaduupcheewi adoobeerayi geat. Siida beash oorjeeda geannyaawa ghana goorgweaksa oorjeeda geannyaawa, ghabeash deaweeda nea gorkgweaksa deaweeda. Nea irgweaksi deaweeda abeeda ea muwosi siida sina deaweeda abeeda ea nuhuuwi siida laja girgweaguutka.

Mattayo 24:33

Gwasnu eara agooga iyoadaayi ng'asheesu seaniin nean ghwahidu ghoanalli gideaba ninekkiissa gidaghuut.

1 Betro 4:9

Adeepiida geat nea ghoanung'waadi sichcheeda aba jeedeang'wa.

Galattiya 5:26

Adeegwaray geat mwadaagha, ak ea adeesadayi geat, nea adeeng'ulli geat gheanyanga munyas.

1 Betro 4:5

ak gayghoadayda iitta gidaniibideatta aba madeeda siitta jea goorgweaksa giikka duugwandachchiin ea giikka nimeewean.

Galattiya 5:14

Aba gideaba deaweedajeega sean geemmajeek aba jeemba ng'asheanjagi, “Nea nii gil, bea gideaba, bwariyda gischeewoochchandaang'u gidibwariydi geaw.”

1 Goriinto 10:11

Asi ghamneawa, ng'asheesu ghwanyas nea gawuurji reekusiinda, ak geang'waar ghoahiimu gichchea eabeada, aba heeda fuga jeagweadu mudeanooda gweannyeekka.

Marko 13:29

Gwasnu eara agooga iyoadaayi ng'asheesu nea ghwahindu, anala gideaba Balleanda Siida nineekkiit muuchchi.

2 Goriinto 9:7

Daba siisi sinda gadiyeeda gidagassiida aba uhuudaannyi, adagwasin nea magassa ghana eediing'sa, aba gideaba Aseetta ghabwariiy siitta adayyiida haleanjeeda aba jeedeeshiini.

Marko 6:19

Hean ghwasit Herodiya muuchchi Yohaana ea gidabal gwanuus. Geaghus gideaba mwoammu.

Giidaheechta 3:20

Ng'ulla, ghaamiinaadi aba gidaghuut nea geagulgulli; siida jea ghwayiiny ghuutteanyu ak ghwajaat gidaghuut gaydoan headaannyi ak geambuuchcheewi, nea eara niny goombuuchcheewean.

Yakkobo 4:12

Gwanda siyagi goona deaweeda nea goorgweakkiisa, ak ghoammu gwalealu ghana gwanuus. Ak guwosi ng'eaha inyas girgweaksi gischewoochcheandaang'u?

Yakkobo 5:7

Asi fuga eaduupcheewi, amilikghta ea ghwahitta damanda jea ghwahinna Ng'uttamiida. Ang'ulla, siida bwar ng'eanyi iissa gafurda haghweega ng'eanyiida bea sheayeeda haw, iissa ghamilikghta ea ghanyi ghwanyas roopta madeeda ea dea huydean.

Yakkobo 5:10

Aba gideaba gichchea agalana was sawanadeeda ea milikghteayda, fuga eaduupcheewi, oapkaada sibanga ghayi rugu ng'asheega aba gheawunga Ng'uttamiida.