Yakkobo 5:7 - NEAJEEDA EESH BEA BUUNEESSEAN

⁷ Asi fuga eaduupcheewi, amilikghta ea ghwahitta damanda jea ghwahinna Ng'uttamiida. Ang'ulla, siida bwar ng'eanyi iissa gafurda haghweega ng'eanyiida bea sheayeeda haw, iissa ghamilikghta ea ghanyi ghwanyas roopta madeeda ea dea huydean.

Bibliyeeda Ghaydit

⁷ Asi fuga eaduupcheewi, amilikghta ea ghwahita damanda jea ghwahina Ng'utamiida. Ang'ula, siida bwar ng'eanyi iissa gafurda haghweega ng'eanyiida bea sheayeeda haw, iissa ghamilikghta ea ghanyi ghwanyas roopta madeeda ea dea huuydean.

Yakkobo 5:7 Referans Kwoze

Galattiya 6:9

Ak ea adeeburji aba sinooda ng'asheega miyaas aba gideaba gajeelaja iihitta damanda imiyeepra.

Golosaayi 1:11

Gagasa gagooneegwa gimusta sean bea uurdaannyi gheambiidaat, jea oammuusa nea ghoammuughu haleanjeesean nea goobeayi hoseaneega,

Ebraniya 6:15

Gwasnu eara Abrahaamu, aba riyeeng'deayda, ghwanyas helleesiinda.

Ruumi 2:7

aba heeda fuga milikghta aba sinooda gadiyoojiga miyaasiin gagaseadayyi gigheambiitta ea mureeda ea ng'asheega maygameewa, gayghoadaw eaweega manda muudeanooda;

Galattiya 5:5

Aba gideaba aba gurorooda aba naweeda masaweega geammuughu gissirarji aba doobiiwnatta.

1 Desaloniikke 2:19

Neada raroodeanya ea naaha ghana hooseaneega ghana shiipka jea daghwara geaw aba madeeda Ng'uttamiideanya was Yeesu aba hinnoadaannyi? Neada ea mii agoogea?

Mattayo 24:44

Gwasnu eara agooga asissina geat, aba gideaba Balleanda Siida gayghwahidu damanda morarsiini.”

1 Desaloniikke 3:13

ak gomajeek guroruunatkeagwa ea meyeatteeweegwa ghuusi aba ghaydidanda aba madeeda Aseetteanya was Ghweanda, aba damanda jea ghwahinna Ng'uttamiideanya was Yeesu sea fugaaschi sean ghaydidi.

Mattayo 24:27

Aba gideaba gawuurji dadamandeetta abwaay heeda ghayeawa ea gagul heeda biyearean nii abeeda gichchea gawuurji hinnooda Balleanda Siida.

Ruumi 15:4

Aba gideaba ng'asheega sean ghayi sung'waar aba askwearjoojigeaba mwadiin geang'waar ak abeeda ghoadoabiiweasa, ak aba alooheeda ea gidamajeektaneasa ng'ooruutka abeeda geanyaschi gissirarji.

2 Betro 3:4

nea gwayi, “Gwandeanu gissiheelleatta ghayi bea hinnoadaanyi? Aba gideaba ghang'eada damandida iimeewa gheambaghwaanigaasa, goobiideatta haleanjeessean gideawoojusu ghang'eada deaghayi subwada ng'eanyiida.”

1 Desaloniikke 1:3

nea ghapkachcheegwa aba madeeda Aseetteanya was Ghweanda, gadiyeedeang'wa bea masaweega ea bariinyeegeagwa gadiiyi ea milikghteaydeang'wa bea rarooda aba jeeda Ng'uttamiideanya was Yeesu Gristo.

1 Goriinto 1:7

ak abeeda ea mwashoadeewaneegwa haleanjeeda sugu bea guroorooda, nea ghoammuughu giidaheachta Ng'uttamiideanya was Yeesu Gristo;

Lukka 21:27

Ak gajeadaah Balleanda Siida nea ghwaana jeeda shamoghooda nea gwandeawa uurda ea gigheambiitta haw.

Lukka 18:8

Geayeeshshineegwa, Gayghwalamwachi ghoadaw gidamiisa, nea Balleanda Siida ihiidu gayghwadaah masaweega aba jeeda ng'eanyiida?”

Lukka 8:15

Nea giikka abitpissa jeeda sigeeda miyaasiin, giikka ama iiy ng'asheanda, gabay ghoang'ng'waay muuchchi aba gurorooda miyiini, ak gwaji haghweega aba milikghteayda.

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Mattayo 16:28

Aba huumwa geayeeshshineegwa, gwanda hiji bea jeedeang'wean fuga maygameewa, ea eaghus anidaah Balleanda Siida nea ghwaana jeeda sugoochcheandumeadaannyi.”

Yohaana 21:22

Gwayeeshsha Yeesu niny, “Iyeagasayi gobiida badayda ng'eanyiida ea dabiigu gwasawannyi naaha? Ang'iing'i eanni geeshteanyu!”

Yohaana 21:23

Hean ghaghayda iittida aba jeedeaba oorjookka gideaba ginealaneetta mayghami; nea Yeesu niny ea mii gwayeeshsha, ginealaneani mayghami geaghus gideaba gwayeeshsha, “Iyeagasayi gobiida badayda ng'eanyiida ea dabiigu, gwasawannyiini?”

Yakkobo 4:11

Fuga eaduupcheewi adoobeerayi geat. Siida beash oorjeeda geannyaawa ghana goorgweaksa oorjeeda geannyaawa, ghabeash deaweeda nea gorkgweaksa deaweeda. Nea irgweaksi deaweeda abeeda ea muwosi siida sina deaweeda abeeda ea nuhuuwi siida laja girgweaguutka.

Yakkobo 5:3

Lagheangeagwa meeng'meeng'i ea lappiyeedeang'wa ning'ut girgweatka, nea girgweatka nyaawa gaygamuuwwu ng'asheega badahuukkeagwa ak gayghwaak sasanuukkeagwa gawuurji beasta. Gowweamsi haleanjeeda heeda ottiiwshachcheewi aba eawoojiga huydean.

Yakkobo 5:10

Aba gideaba gichchea agalana was sawanadeeda ea milikghteayda, fuga eaduupcheewi, oapkaada sibanga ghayi rugu ng'asheega aba gheawunga Ng'uttamiida.