Yakkobo 4:1 - NEAJEEDA EESH BEA BUUNEESSEAN

¹ Gweaduuni ng'uchcheeda, ak gweaduuni bearjeeda aba jeedeagwa? Mii ng'asheekka bea geawunda gheang'da ng'uchchi aba sasanuukkeagweani?

Bibliyeeda Ghaydit

¹ Gweaduuni ng'ucheeda, ak gweaduuni bearjeeda aba jeedeang'wa? Mii ng'asheegiga bea geawunda gheang'da ng'uchi aba sasanuukeagweani?

Yakkobo 4:1 Referans Kwoze

1 Betro 2:11

Fugabwariinyi, geamuscheegwa nea goowuurjeewi rabasta ea fuga mang'aw mulsa haleanjeeda gasa saseeda ng'uchchi sea guroruunatkeagwa.

Galattiya 5:17

Aba gideaba saseeda gagasa gitta magassa Guroroodean, ak eara Gurorooda gagasa gitta magassa saseedean; aba gideaba suu gwasheang'nyi ak ea mwajoammuusa asna gidoogasayi.

Ruumi 7:23

amaduw ghaadaayi aba saseedeanyu deaweeda nuut nea gang'uchchi sea deaweedeeda fughareedeanyu ak ghwanung' doaw ging'ng'oonyaneeda deaweedeeda ring'eeda mida jeeda saseedeanyuun.

Ruumi 8:7

Nea fughareeda sikkeal ng'asheega saseeda ea muy aba heeda Aseetta; ghanyea mwamwasa deaweedeeda Aseetta, nea aba huumwa ghanyea maygwasissa mureeda;

Yakkobo 1:14

hean giliwas sih iissa geesimsim damanda sigassa nea geaghurghur aba gitta gasean.

1 Betro 1:14

Awuurjeewana diibiga mideawa mureeda, ak adagudoobiiksi jeeda ng'asheegeagwa munyas bea mwadi bea leendeedeang'wa,

Golosaayi 3:5

Asi anung'waada ng'asheega munyas bea munda ng'eanyiida mida saseenuukkeagwa: was hiseadayeandumeeda, ririnnyeanda, geawunda gheang'da muyi, giitteemshooda muy, ea shidoodeaba ghaang', ea ghadoowanda gidamawosa Aseetta.

2 Betro 3:3

Gidamadeeda geagasayi anala ng'asheanji bea gideaba damanda huydean gay ghapka fuga bwariiy shikkooda nea gay gwashikeagwa, nea ghwaat geeshta gidagasa sasanuukka nyaawa

Yakkobo 4:3

Eara amusa ghanyea mwajanyasa, aba gideaba gommunyiichchi musooda, ak abeeda goosni gitta ogasayiin.

2 Betro 2:18

Aba gideaba iissa gwargu ng'asheega hees bea ghwarjeeda, aba haleanjeeda gasa saseeda aba munyinda iissa gwareengani buuneeda mang'awa heeda fuga abiida jeeda ramaseanda.

Ditto 3:3

Aba gideaba ghayi ammwadi geewoschi dasheahi, ak ea meendeawani mureeda ak geewoschi roodanga, ea ging'ng'oonyanga aba miyeenooda muunda ng'eanyiida, nea geeppiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

Ditto 3:9

Ak giing'aami geaw ng'asheega jaleadinga, ea ng'asheega suroaproabwaada, ea foolayda ea sheang'nyeeda appadayda deaweeda, aba gideaba mayghwaloat gil ak ea mwahida.

Ruumi 7:5

Aba gideaba damanda duweeppiideewana saseeda aba gassooda ring'eeda, mida appadayda deaweeda, sin gadiyeeda aba sasanuukaasa ak iiduw gwajiilsa miyeeda haghweega.

Mattayo 15:19

Aba gideaba jeeda gurorooda gwarittuuna gittemshajeega munyas, nuusta siida, mealuleega, hiseadayeandumeeda, mareanghumeeda, muuwunooda ng'uyeega, ea beeshta siida.

Yohaana 8:44

Agooga gobeayi ghweandeang'wa was Meang'nyeandeenda ak iissa googasayi asna gitta bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madobiiwsiina humeanda aba gideaba manda jeadaannyi humeanda. Iissa irugu ng'uyyeega gwargu aba gitta biit siratta ninyiin, aba gideaba niny gaba ng'uyya, ak ea ghweanda ng'uyyeega.

2 Dimoteo 2:23

Asi heawana sheang'nyeeda leendeeda manda jeeda fughareeda, ak ginali gideaba sheang'nyeeni gaygwaji jaliida.