Yakkobo 3:6 - NEAJEEDA EESH BEA BUUNEESSEAN

⁶ Ak ng'ushapta ea beasta. Nea ng'ushapta ea gidamiidoabiiwaat gil aba jeeda fugaasa, iissa ghang'uda saseessean ririnnyeanda, iissa gong'eessa beasta haleanjeedeaba garayi, ak ghoang'eat jeeda beasta hang'weaniidooda.

Bibliyeeda Ghaydit

⁶ Ak ng'ushapta ea beasta. Nea ng'ushapta ea gidamiidoabiiwaat gil aba jeeda fugaasa, iissa ghang'uda saseesean ririnnyeanda, iissa goong'eesa beasta haleanjeedeaba garayi, ak ghoang'eat jeeda beasta hang'weaniidooda.

Yakkobo 3:6 Referans Kwoze

Marko 7:15

Manda gichchea gawa jeessiida leabu jarooda, jea ghang'uda siida ririnnyeanda. Amadukku ng'asheanda leabu jeessiida ea gea ng'utta siida ririnnyeanda gil.” [

Lukka 16:24

Gaguurda nea gwayeeshsha, ‘Bwaabwa Abrahaamu, samsean ajeakni Lasaaro ghang'uda moanneadannyi jeeda beega, googarbiit ng'ushapteanyu aba gideaba geasawani aba jeedeappeasi.’

3 Yohaana 1:10

Asi iyaawunnyi, gaydeadu iitta gissin, aba gideaba iissa goojuur nea gwarukuna badaydeanyu ng'asheega munyas. Ea mabeachchi suu, ghaheawa niny ghwadeapta fuga eaduupcheewi, ak ghoaghuum eara fukka gasa ghwadeapta saawaan ak gooruutteawa jeeda ganiisa.

Yakkobo 2:7

Nea marukunana ng'asheega munyas gheawungiga miyaas ghayi sugoneegwean?

Gadiyeeda Giijasoodiga 6:13

geesin muushoodiga ng'uyyeega ak gwayeeshsha, “Siisi moang'ng'wa ea marukuna ng'asheega munyas appadaydeaba hiji ghaydidiin ea deaweeda;

Gadiyeeda Giijasoodiga 5:3

Ghwalamda Betro ak gwayeeshsha, “Ananiya ghwasaan andaginung' goobal guroroadaang'u Shattaani ea ghwanung' reenganna Gurorooda Ghaydit ak gifunyi haleanjeeda mwaatkwa bea madamnyeandean?

Mattayo 12:24

Iiy Farisayajeega ng'asheesu gwayi, “Siisi ghahoan meangeenda aba gideaba gwandeawa uurda Belsebuuli, meang'nyeandida bea eenda hawiin.”

Mattayo 5:22

Ak aniini geayeeshshineegwa, siida wassean jea gwanyareeksa oorjeeda ghaamwat gamiisa giirgweaksiinda; ama dea ang'eawi oorjeeda ghaamwaat gamiisa eatta madeeda gweargwa, ama dea eeshsha oorjeeda ghaamwat, ‘Guwosi leekghteanda!’ Gammiisa beasta maloonghajeega.

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 18:23

ak eara weeshinda gheaboong'nyeanda ea maygudu gabiikta ghoabwaay aba jeadaang'u earahay; ak eara ghuutta siida geeshshi ea dea gatmooda sighi maygudu ebiikta eyiing'sa jeadaang'u earahay; aba gideaba fiisu ikaagu ageakshiin ghayi saawa fuga hees bea ng'eanyiida gil, ak emoojiga sean easireengani aba beneetkweandumeadaang'u.

Giidaheechta 13:14

nea aba gwadeagwajeega siittaw gwasin aba madeeda diyeaydean, hean gwareengani fukka mida ng'eanyiidean, ak ghwanung' gwasin giduurji diyeayda silasa bwaanga ak ea gudugwanda;

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

2 Betro 3:3

Gidamadeeda geagasayi anala ng'asheanji bea gideaba damanda huydean gay ghapka fuga bwariiy shikkooda nea gay gwashikeagwa, nea ghwaat geeshta gidagasa sasanuukka nyaawa

Ditto 1:11

gidabal gearat ghuusiga nyaawa aba gideaba fiisu inyeesa gahutteawi buuneeda aba ginealshooda ak ghwanyas haleanjeeda aba ginealshooda mwadaagha.

Gadiyeeda Giijasoodiga 20:30

nea aba jeedeang'wa agooga gaygwarinna fuga jea gwargu ng'asheega ng'ooweatta, jea ghwanung' ghwaat ginealanga geeshta nyaawa.

Yakkobo 3:7

Aba gideaba gilinyoo ea heluutka diyeanga gil ea dea dariidakka, ea dea diyeanga badiinna ng'eanyi ea dea haleanjeeda mida jeeda basooda, geammu eefur, ak ea nigeawiit buuneeda ghoahaaghwa.