Yakkobo 3:2 - NEAJEEDA EESH BEA BUUNEESSEAN

² Aba gideaba aseasa eesasean iissa gearamwaschi gasaang'a, ama deeppa ea mwaramwasta siida wassean aba ng'asheega rugu abeeda siisi adoabiiwaat, ak ghoammu ghwarat eara saseadaannyi sean.

Bibliyeeda Ghaydit

² Aba gideaba aseasa eesa sean iissa gearamwaschi gea saang'a, ama deepa ea mwaramwasta siida wassean aba ng'asheega rugu abeeda siisi ea doabiiwaat, ak ghoamu ghwarat eara saseadaanyi sean.

Yakkobo 3:2 Referans Kwoze

Yakkobo 1:26

Siida iyeeshsha geaw gideaba gwandeawa diini, nea mwarada ng'ushaptaannyi, nea gwareengani guroroadaannyi, diineedeaba siisi marachchi gil.

1 Betro 3:10

Aba gideaba “Gili was sih bwariiy eaweega ak gwadaa askwearjoojiga miyaas, dadeala ng'ushaptaannyi adagwargu ng'asheanda muy ak eara ghuuttaannyi adagwargu milmilanda;

Mattayo 12:37

aba gideaba aba ng'asheagaagu gajeegoonnyi doabiwnatta, ak aba ng'asheegaagu gajeergweakseay.”

Ruumi 3:10

gawuurji gissung'waaarda; “Manda siida doabiiwaat, mandana eara akkalealla;

Yakkobo 1:4

Nea alooheeda gagasa gweadu gadiyeeda majeek nea gowoschi, hidaat nea mwashoadeeweegwa gil.

Yakkobo 2:10

Nea siida wassean iyang'ng'waay deaweedajeega sean amaduw gwaruusa ng'asheanjagi nidiiy appadahuukkeaba sean.

1 Goriinto 9:27

aba sareani geasawannyi saseedeanyu nea geagadiiyi, ak amwahuuwi siida rukkwiisa giijasta buneessuurja, amaduu ghaahuuyi aniini siida jea eaheawa.

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

Golosaayi 4:12

Epafrayda was siida jeedeang'wa was soomjeanda Gristo Yeesu, ghoaghadeagwa nea goopkeatteegwa galeagasean nea gwasin badiida aba moashtaannyi bea Aseetta, ak ghoamiinaadi nea sumwaseagwa aba haleanjeetta gasa Aseettean.

Golosaayi 1:28

Niny geergu aseasa, nea gereekusi giliwas sih nea geannaalji giliwas sih aba weaghuumeeda sean, ak geeyeadu giliwas sih nihissa heeda aba jeeda Gristo.

Galattiya 3:22

Nii nibean gwargu Ng'ooruutka gideaba nijooriischi ring'eeda aba ng'eanyiisean geettaajiitunu aba gideaba fukka mwas Yeesu Gristohiin gayghwanyas heelleesiindida ghayi siruksean aba masaweega.

Ruumi 7:21

Asi naadaayi deaweedeani gideaba aniineeda gasa gwasin ng'asheanda miyiin iissa gwaneawu ng'asheanda muy.

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

Galattiya 5:17

Aba gideaba saseeda gagasa gitta magassa Guroroodean, ak eara Gurorooda gagasa gitta magassa saseedean; aba gideaba suu gwasheang'nyi ak ea mwajoammuusa asna gidoogasayi.

Mattayo 12:34

Ea dayeega udang'usheega! Gajoammuustaan rukunooda ng'asheega miyaas nea goowoschi munyas? Aba gideaba siida iissa gwargu ng'asheega nyiit guroroadaannyiin.