Yakkobo 3:14 - NEAJEEDA EESH BEA BUUNEESSEAN

¹⁴ Nea iyondeawi lajoodeaba ghuut ng'waan ea gassooda shidoodeaba ghaang' aba jeeda guroruunatkeagwa, adoaghwarji geat ak ghoahuuyi ng'uyyeega aba heeda huumeanda.

Bibliyeeda Ghaydit

¹⁴ Nea iyoondeawi lajoodeaba ghuut ng'waan ea gasooda shidoodeaba ghaang' aba jeeda gurooruunatkeagwa, adoaghwarji geat ak ghoahuuyi ng'uyyeega aba heeda huumeanda.

Yakkobo 3:14 Referans Kwoze

Yakkobo 3:16

Aba gideaba heeda mida lachng'eanyiida ea gassooda shidoodeaba ghaang', gaygwanda mittagheasta ea giliwas ng'ashaan muy nyoo eesna.

1 Goriinto 13:4

Bariinyeega iissa ghamilikghta nea innya jih; bariinyeega mandeawana lachng'eanyiida ghana ghwarjeeda;

Filippi 2:3

Adisni ng'asheanda aba shidoodeaba ghaang' ghana aba ghwarjeeda, sina aba eatteaba geaw bea ng'eanyi nea ginung' ghoaw buuneeda suurja fuga miyaas ea ghang'alleagwa.

1 Goriinto 3:3

aba gideaba agooga gudabeaha saseeda. Nea iimida jeedeang'wa lachng'eanyiida ea ng'alealleeda, abeeda mowosi fuga saseeda, nea ghoabeadi fuga geallaani?

Ruumi 13:13

asi eara aseasa gagasa eabeada fuga mida heedeesh, mii geawunda gheang'da gil ea booktumeeda, mii ng'asheega munyas gil ea hiseadayeandumeeda, mii jaliida gil ea lajoodeaba ghuut.

2 Goriinto 12:20

Aba gideaba ghaawalli dahidu ak ea moowuurjeewani gideagassiidi dahidu nea goowuurjeewi, ak ea moahiimni nea geewuurjeewi gitta moogassiidaniin; ea gideaba gwadeeppa gwanda jaliida, geawunda gheang'da, ea nyarasta, shidoodeaba ghaang', giheakteayda, soomeanda baloolda, rengaweega ea deakghuyandeeda.

Filippi 1:15

Aba huumwa gwanda fuga inyeesa gwarukwiida iitta Gristo aba lajoodeaba ghuut ea foolayda, nea suuk gearukwiida aba gidamiy sigasa.

Yakkobo 5:19

Fuga eaduupcheewi, siida wassean aba jeedeang'wa ineeyi ea gwasheagiida huumeanda ak godeelu sih nuut gabiigu,

Gadiyeeda Giijasoodiga 5:17

Ng'atta ghang'eat ashoohoochcheanda haw sea fuga sean mideawa, nea fuga mwaatkwa was Sadukayajeega, hean gwashissa ghaang'

Ditto 3:3

Aba gideaba ghayi ammwadi geewoschi dasheahi, ak ea meendeawani mureeda ak geewoschi roodanga, ea ging'ng'oonyanga aba miyeenooda muunda ng'eanyiida, nea geeppiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

1 Dimotteo 6:4

nii nung'ut ghwarjeeda ak ea manda gil nal, ak gaba geeska gittemshooda badayda ginyeeshteayda ng'asheega ea galleadayda ng'asheega nea aba jeedeaba suu gwarinna ng'ullooda siida aba gheangda muy, jalliida ea ging'weaka ea meannyooda muy bea siida,

1 Goriinto 5:2

Ak ghoaghwarji geat! Gwachchi mang'wana gogiisannyi? Siida nisin ng'asheanji oang'ng'aamwana jeedeang'wa.

Ruumi 2:8

nea fukka aheakkiida suurjeaniin biissa ea moawalla ng'asheega huumwaan, nea gwasinniisa mureeda ng'asheega munyas, gay ghwanyas nyarasta ea gharbeeda.

Galattiya 6:13

Ak eara gea siyaat ghasmeahooda, mwaada geeshta deaweeda, saawa gagasa gideaba gajeeyaadeagwa ghasmeahooda, ak ghaghwar geat aba sasanuukkeagwa.

Galattiya 5:26

Adeegwaray geat mwadaagha, ak ea adeesadayi geat, nea adeeng'ulli geat gheanyanga munyas.

Galattiya 5:21

ng'ullooda siida aba gheang'da muy, booktuumeeda, leeshooda, ea ng'asheega uurji suh. Neabean damiin gheang'deang'wa gawuurji gidaghayi eareekusiindi gideaba fuga sina ng'asheega sunu maygaweay jeeda Gheambalmeeda Aseetta.

Galattiya 5:15

Asi iighanyaadi nea ghoanyeannyeahaadi geat gooshageachchi adagaba siisi ak nuut.

1 Goriinto 5:6

Ghwaroodeang'wa bwaageat miimiy. Moanali gideaba gidamwanang mwattaw ghoammu ghoamwattawiit murmurjeanda seani?

Ruumi 2:17

Ak ang'iing'i iguuri geaw siida Yahuudi nea gikghusi deaweeda ak gighwari geaw aba gidindeayeatti Aseetta

Ruumi 1:29

Ninnyiit jeesinga nyaawa ng'asheega sean munyas, munyinda, ea shidoodeaba ghaang; geawunda gheangda. Lajoodeaba ghuut, ea nuusta buuneeda, ea jaleadinga, ea reengaweega, sichcheeda, fuga aga badahuukkeaba geat,

Gadiyeeda Giijasoodiga 26:9

Aba huumwa aniini ghayi geadeaksi geaw gideaba gamiisean dasin haleanjeesean, maweapchi sea gheawunga Yeeseeda ng'eanyiida Nasareetti.

Gadiyeeda Giijasoodiga 13:45

Hean ghwadaa fuga Yahuudi fuga saang'a, nea ghapka gwashissa ghaang', hean geeheawa ng'asheega gwachchi rukku Baulo, nea geebiissa eng'ng'eawi.

Yohaana 16:2

Gaygohelleweegwa Buuneeda ghorajeega sinnealshachcheewa; aba huumwa, aba gideaba ghwaan damanda ama siida nuseegwa jeaghaghay gili bwat Aseetta.

Mattayo 27:18

Ghoanyashtaydunu nea ghwanal gideaba geayaat headaannyi aba lachng'eanyiida.

Gadiyeeda Giijasoodiga 7:9

“Nea balloojisu inyeesa gwashissa ghaang' Yoseefu, ak geeshaayda aba ng'eanyiida Misri; nea Aseetta gwandeayi sea niny,

Galattiya 5:20

mealuuleega, benetkweandumeeda, furjeeda, jaliida, geawunda gheangda, nyarasta, shidoodeaba ghaang', dardeayda, nabitta ng'uyyeega,

1 Dimotteo 2:4

nea gasa gideaba gay ghwalolon buuneesseaniin, ak ghwanal gitta was humeandean.

Yakkobo 1:18

Aba gidabwariiyda niny gwajiileasa aseasa aba ng'asheanda huumwa ak gewuurjeewi haghweega madeeda aba jeeda haleanjeedaannyi ghayi sin.