Yakkobo 2:5 - NEAJEEDA EESH BEA BUUNEESSEAN

⁵ Oalleaydiit fuga eaduupcheewi abwariinyi. Heappi Aseetta ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugochcheandumeeda ghayi helleesa fuga bwariiyi?

Bibliyeeda Ghaydit

⁵ Oaleaydiit fuga eaduupcheewi aabwariinyi. Heapi ASEETA ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugoocheanduumeeda ghayi heeleesa fuga bwariiyi?

Yakkobo 2:5 Referans Kwoze

Mattayo 5:3

“Ghang'wana fuga barbari guroruunat, aba gideaba sugoochcheandumeeda humng'eeda daanyaawa.

Lukka 6:20

Iiduw gagatgat gheanyangaaschi goong'weersa ginealangaaschi, ak gwayeeshsha: “Ghoang'wani agogeeda barbari, aba gideaba sugoochcheandumeeda Aseetta deang'wa.

Giidaheechta 2:9

Ghaanalli sawanadeadaang'u ea barbarandaang'u, (ak guwosi meanang'oochcheanda), ak ghaanalli eara ging'weakeaba fiisu eena geewochi fuga Yahuudi nea mawosean, nea saawa ea ghooriida sinnealshachcheewa bea Shattaani.

2 Goriinto 8:9

Aba gideaba noanalli dagheerjeandumeeda Ng'uttamiideanya was Yeesu Gristo, earappeadi baruuriin, hean ghabwarbwariit appadahuukkeagwa, ak abeeda aba barbarandaannyi ghoahuuyi baruurji.

Lukka 12:21

Asi nii giduurji siida adiiwwiisa geaw gheaseeda, “Nea meabarursiina gea Aseetta.”

1 Betro 1:4

ak geanyaschi hearanda may ghwadattasa, mandeawana ririnnyeanda, nea mayghwasis, sighamwat aba humng'eeda appadahuukkeagwa,

Yakkobo 1:12

Ng'wanaweagaaschi siida riyeeng'da iisimsim, aba gideaba iing'atta nea nijoar simsimda gayghwanyas shiipka eaweega mammuudeana ghayi bay gwahelleesa Aseetta fukka bwariiy ninyiin.

Ebraniya 11:26

Ak ghwanung' ghoaw ging'weakka ea sawanadeeda Gristo meanang'oochcheandumeeda haw mawuurji maghasuukka sittiing'da bea ng'eanyiida Misri, aba gideaba ghoamuughu gimearda.

Lukka 12:32

“Adoabealli agoogeeda ng'ay, aba gideaba gagasa Ghweandeang'wa gideaba gahaguuw gagoneegwa sugoochcheandumeeda.

1 Goriinto 2:9

gawuurji gissung'waarda, “Haleanjeeda manda gheang'da nidaa, ghana iitta niyiiy, ghana ghoapkaat guroorooda siida, haleanjeeda nigeawiit gwasissin Aseetta appadahuukka fuga bwariiy niny.”

Mattayo 25:34

“Ng'atta gaygwayeeshsha sugoochcheanda fukka mida meatkweadaannyi bea geattinda dugwean, ‘Abeenni agoogeeda ghayi nugooneegwa Bwaabwa ghawooda ahearana sugoochcheandumeeda ghayi sibay erarseegwa ghang'eada dea ghayi subwada ng'eanyiida;

Giidaheechta 21:7

Nea dea jooriischi gaygwahearan haleanjeeni, ak gaydoaw Aseettaannyi nea niny gayghoaw balleandeanyu.

Yakkobo 1:9

Anung'waada oorjeeda giyeanya mwanang' ghaghwar geaw aba jeeda hooseaneagaaschi,

2 Dimoteo 4:8

ama ng'atta suu geegoonan shiipka aba doobiiwnatta dea iiduw eaweetta jea gagoonan Nguttamiida nea niny ea dea doobiiwaat girgweaga ak ea mii aniini gil akghwahit eara fukka sean gasa gidaheachtannyiin.

2 Goriinto 6:10

geewuurjeewi fuga giisan, nea ghana gehoosannyi galeagasean; nea geewuurjeewi fuga barbari, nea ghana geepparuurji fuga saang'a; geewuurjeewi fuga mandeawana gil, nea ghana geendeawi haleanjeessean.

Giidaheechta 3:18

Ak gaydayeeshshiineey, shaaha aba heedeanyu lagheanga meeng'meeng'i siihuuna beasta, ak abeeda gaywosa meanang'oochcheanda, nea giikwealli hang'weakka eashish, ak ea meadaaha baspaseega dawiishnattaang'u, ak gaynyasa meajooda jea eashana gheanyangaagu ak abeeda gingweardi.

1 Dimotteo 6:18

Dasna ng'asheega miyaas ak ghoaw meanang'oodiga aba sinooda gaamiyaas, ak ghoadayda haleanjeenyaawa nea gabareanyi sea buneesuurja aba jeeda miy,

Lukka 16:25

Gwayeeshsha Abrahaamu, ‘Balleandeanyu, apkaada gideaba ang'iing'i ninyasi haleanjeeda miyaas aba jeeda aweagaagu, nea Lasaaro ghwanyas gea munyas, ak ghamneawa niny geenung' ghahawda, nea ang'iing'i gindi jeeda hang'weanidooda.

Mattayo 11:5

fuga ng'oawwi ghoang'wearda, fuga badeeda gaweelweel, gea bearji udamusuura geammidu, gea miinyi gwayiing'shi, fuga meewa gwaduuttu nea fuga barbari geerukusa Giijasta Miy.

2 Betro 1:11

ak gajanyasa muuchchi beatta jeeda sugoochcheandumeeda manda muudeanooda bea Ng'uttamiideanya ea lealnoochcheandeanya was Yeesu Gristo.

2 Dimoteo 4:18

Ak gaygwalealneani Ng'uttamiida aba ng'asheanda wassean muy, ak gayghaghamwadan ea dahitta gheambalmeedanyi bea humng'eeda. Gigheambiita daanyi gil ea ghwoaw eaweega manda mudeanooda. Amin.

2 Desaloniikke 1:5

Nii gwadeagooda girgweageeda huumwa bea Aseetta, ak abeeda geanung' ahuuwa fuga miisa gheambalmeeda Aseetta, was dea ghamneawa sisawasseegwa,

Efeeso 3:8

Aba aniini, earappeadi eawoschi mwanang'eawa fuga sean ghaydidin, abeeda geegu dagheerjeandumeani, ak gearukkwiiisi fuga Emoojiga meanang'oochcheandumeeda meesikkideawana bea Gristo,

Ruumi 8:17

ama suwooschi diibiga, adabeeda geewooschi fuga jea gwahearaniischi, fuga adaw Aseetta hearaniischooda, jea gwahearaniischi sea Gristo, asaha, iisisawaneasa sea niny abeeda iimuchchu geakghambiideasa sea niny.

Lukka 16:22

Ghami siitta bwarbwariin, ak ghwaat malykajeega ea ghoahiitta madeeda Abrahaamu. Muchchu ghami eara meanang'oochcheandida ak geebuy;

Yakkobo 1:16

Adereenganneegwa, fuga eaduupcheewi abwariinyi.

1 Desaloniikke 2:12

ak ghoabeadi gidahaguuwdaneegwa aba madeeda Aseetta, ghayi guurneegwa agooga ak abeeda goweayi jeeda sugoochcheandumeadaannyi ea gigheambiittaannyi.

Efeeso 1:18

Gheanyanga mida jeesingeagwa gagasa eayyeat, ak ghoanalli rarooda gidaguurdeaydaneegwa giduurji, ea meanang'oochcheandumeadaannyi ea giigheambiitta hearaniischoodaannyi aba heeda fuga ghaydidi,

2 Goriinto 4:15

Aba gideaba ng'asheega sean gaba badahuukkeagwa nea gidahadaatta dagheerjeandumeeda muuchchi, ghoahaada badiischeesiinda aba heeda fuga saang'a, aba gigheambiitta Aseetta.

Yohaana 7:48

Ghoang'ng'wa adaaha earea siyagi gil aba jeeda fuga ambaliischi dea mwas ghana Farisaayu dea mwas niny?

Lukka 22:29

gawuurji gidaghayi gondaneani Bwaabwa sugoochcheandumeeda, earaniini gaydagooneegwa,

Marko 7:14

Ghabwadageat Yeesu emeeda ama hit gwayeeshsha, “Oalleaydiit oagasean ak gojeeng'u.

Gadiyeeda Giijasoodiga 7:2

Ghwasha Stefano ak gwayeeshsha, “Fugeaduupcheewi ea ghweanigeasu, oleeysean iit. Aseetta ghaambiidaat ghayi gabussiinnyi sea ghweandeanya was Abrahaamu, damanda mideewa ng'eanyiida Mesopotamiya, nea mii gawa goobiida Haraani,

Yakkobo 1:19

Hean nea ghoanalli ng'asheesu, fuga eaduupcheewi abwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea miiassas nyaras,