Yakkobo 2:14 - NEAJEEDA EESH BEA BUUNEESSEAN

¹⁴ Fuga eaduupcheewi, gayghwaloat naaha, iyayi siida geandeawi masaweega ak ea mandeawana gadiyeeda? Masaweekka ikkaaschiin gayghoammu gwalealu?

Bibliyeeda Ghaydit

¹⁴ Fuga eaduupcheewi, gayghwaloat naaha, iyayi siida geandeawi masaweega ak ea mandeawana gadiyeeda? Masaweegiga ikaaschiin gayghoamu gwalealu?

Yakkobo 2:14 Referans Kwoze

Lukka 6:49

Nea siida iiy ng'asheegeasu ak ea masna gawuurji siida deeksa gheeda badayda ng'eanyiida nea manda sindeetta; hidu guldeayda, deagheatta ghabwaay, ak habitkweedeaba gheetta ahaw muuchchi.”

Ditto 1:16

Iissa gwargu gideaba geanalli Aseetta, nea iissa ghwashaang' aba sinaweega nyaawa, nea gwandeawa sichcheeda, ak ea mandeawana mureeda, mammiisiina sinooda gadiyeeda miy.

2 Betro 1:5

Aba sareani asna badiida ak ghoahhaadi masaweegeagwa aloheeda, ak ghoabwadi aloheeda fughareeda,

Yakkobo 2:26

Aba gideaba gawuurji saseeda iimanda gurorooda animi, gwasnu eara masaweega iimandeawana gadiyeeda animi.

Ebraniya 11:17

Abrahaamu aba masaweega, eaweetta sisimsima, ghoadayda Isakka, nea ninnyeeda ghayi nyas helleesiinda hean gagasa ghoadayda balleandaannyi was haghasheeda,

Ebraniya 13:9

Adiiduw ghoayaachchi geeshta ng'asheega saang'a ea ginealshajeega hidu; aba gideaba ghwahit geemmajeek gurorooda aba dagheerjeandumeeda, nea mii aba hamichchoojiga gil, ak ea mwanyagaada aba gidaat geeshta.

Galattiya 5:6

Aba gideaba siida iimiida jeeda Gristo Yeesu gawa ghasmeahooda ghana ea mawa ghasmeahooda aba headaannyi mii gili, gidahaw masaweega mideawa bariinyeega gil.

Yakkobo 2:18

Ak gaygwayi siyagi, “Ang'iing'i gindeawi masaweega ak geandeawi aniini gadiyoojiga.” Ahiimnaan masaweegaagu mandeawana gadiyoojiga, ak gaydaahiimneey masaweegeasu aba gadiyoojigeasu.

Gadiyeeda Giijasoodiga 8:21

Ak ang'iing'i ea mibwaheasa nea meebareannyeeni aba ng'asheanji, aba gideaba guroroadaang'u mwadoabiiwa aba madeeda Aseetta.

Mattayo 5:20

Aba gideaba geayeeshshiineegwa, doobiiwnatteang'wa iimaburdeawana dea ng'oorshoodiga ea dea Farisayajeega, majaghannyi aweayeena jeeda sugoochcheandumeeda humng'eeda.”

Ditto 3:8

Ng'asheanji earguun huumwa gil. Ak geagasayi rukta ng'asheesu nea giimajeegi, aba gideaba fukka mwas Aseettean goobiida jeeda sinooda ng'asheega miyaas; nea suuh ea miyaas nea ghwadoabiiw aba heeda buuneeda.

1 Dimotteo 1:5

Gidasibaysiina digheanji ea bariinyeega leabu jeedeesh ea ng'asheega rinna ghuuta miy gil ea masaweega manda gimitunoodabwageaw.

1 Desaloniikke 1:3

nea ghapkachcheegwa aba madeeda Aseetteanya was Ghweanda, gadiyeedeang'wa bea masaweega ea bariinyeegeagwa gadiiyi ea milikghteaydeang'wa bea rarooda aba jeeda Ng'uttamiideanya was Yeesu Gristo.

Galattiya 5:13

Aba gideaba geeguurneegwa anyasa giibaldeaba geat, oorjoogiyya; ak ea adoanung' ghoaw giibaldeang'wa bea geat nyasitta gheatta ng'asheega gasa saseeda, nea aba barinyeega ea daba siisi huuw soomjeamba nuut.

1 Goriinto 15:2

amaduu geelealneegwa, aba iyoang'ng'waanyi muuchchi ak geaghus gaba masaweegeagwa mwadaagha.

Gadiyeeda Giijasoodiga 15:9

ak ea masna shiitmeeda aba aseasa ea saawa, ak goohuun guroruunatka nyaawa aba masaweega.

Yakkobo 2:16

ak gwayeeshsha siyagi aba jeedeang'wa saawa, “Aweayeena nea gobeayi weayda ak gojooyi beasta ak golang'uuchchi,” nea moattawi haleanjeeda gasa saseeda, gayghwaloat naaha?

1 Dimotteo 4:8

Aba gideaba deangheeda nung ghwanyas saseeda uurda ghwahit gilmwanang', ak baditta Aseetta ghwahit aba haleanjeesean, aba gideaba gindeawi heelleeda eaweegeaba ghamneawa ea diitta iiduw jea ghwahiduun.

Gadiyeeda Giijasoodiga 8:13

Simon eara niny iiduw ghamwas, ng'atta giibattiisandaannyi hean goodeayi Filippo. Ak ghwadaa ng'asheega deamdeameadi ea gwadeagwajeega hees sisin, ak ghahamng'eanyi.

1 Goriinto 16:22

Siida wassean mwabwariinya Ng'uttamiida, gagasa eamwaashta. Ng'uttamiideanya ghwaan!

Ruumi 2:25

Aba gideaba ghasmeahooda gammiisa iwosi siida sissa mureeda deaweeda ama inuusi deaweeda abeeda ghasmeahoadaang'u aniiw gideaba mii una ghasmeahooda.

Lukka 3:11

Ghwasha niny nea gwayeeshsha, “Siida mideawa hang'weak iyyeenya, dadawa hang'agi siida mandeawana, nea siida mideawa hamitta ea dasindunu.”

Yakkobo 1:16

Adereenganneegwa, fuga eaduupcheewi abwariinyi.