Yakkobo 1:4 - NEAJEEDA EESH BEA BUUNEESSEAN

⁴ Nea alooheeda gagasa gweadu gadiyeeda majeek nea gowoschi, hidaat nea mwashoadeeweegwa gil.

Bibliyeeda Ghaydit

⁴ Nea alooheeda gagasa gweadu gadiyeeda majeek nea goowooschi, hidaat nea mwashoadeeweegwa gil.

Yakkobo 1:4 Referans Kwoze

1 Betro 5:10

Iiduw nea ghang'atta sawanadeedida gilimwanang', hean Aseetta mideawa dagheerjeandumeeda sean, ghayi guurneegwa apkaani jeeda gigheambiiittaannyi manda muudeanooda aba jeeda Gristo, gaygoodeelu niny, ak goomajeegideegwa.

Lukka 21:19

Ak agooga aba milikghteaydeang'wa gajookghuuha eaweegeagwa.

Mattayo 5:48

Awosa hidaat awuurjeewana gidahidaatta Ghweandeang'wa mida humng'eeda.”

2 Dimoteo 3:17

Abeeda aahidaat siida gadiyeeda Aseetta nea sinung ghwahit ak gwasin giliwas gadiyeeda miy.

Ebraniya 13:21

gagasa gagooneegwa haleanjeessean miyaas ak abeeda goosinnyi gidagasa, nea gagadiiyi aba jeedeang'wa gidagasa niny aba gheanyangaaschi aba naweeda Yeesu Gristo; nea giigheambiitta ea daannyi damanda manda muudeanooda. Amin.

Galattiya 6:9

Ak ea adeeburji aba sinooda ng'asheega miyaas aba gideaba gajeelaja iihitta damanda imiyeepra.

Yakkobo 3:2

Aba gideaba aseasa eesasean iissa gearamwaschi gasaang'a, ama deeppa ea mwaramwasta siida wassean aba ng'asheega rugu abeeda siisi adoabiiwaat, ak ghoammu ghwarat eara saseadaannyi sean.

Yakkobo 1:5

Asi siida wassean mida jeedeang'wa isuunyeewa weaghumeeda, ea damwaash Aseetta, adawi buuneessean haleanjeeda aba innyeanda jeeda, nea maygwareekusa ak gajeattaw.

1 Goriinto 2:6

Nea jeeda fuga nihittiisa heeda aba masaweega ginaali weaghuumeeda, earappeadi mii weaghuumeedeaba damani ghana dea fuga ambaliischi aba damani, was gea jea gammuudean gil.

Golosaayi 4:12

Epafrayda was siida jeedeang'wa was soomjeanda Gristo Yeesu, ghoaghadeagwa nea goopkeatteegwa galeagasean nea gwasin badiida aba moashtaannyi bea Aseetta, ak ghoamiinaadi nea sumwaseagwa aba haleanjeetta gasa Aseettean.

Lukka 8:15

Nea giikka abitpissa jeeda sigeeda miyaasiin, giikka ama iiy ng'asheanda, gabay ghoang'ng'waay muuchchi aba gurorooda miyiini, ak gwaji haghweega aba milikghteayda.

Mattayo 10:22

Nea gayghwasteagwa buuneassean aba gheawungeasu. Nea siichchea ghamilikghta ea gammudean abeeda ea siichea eelealu.

2 Betro 1:9

Aba gideaba siida mandeawana ng'asheesu ang'oaw, aba gideaba mayghwadaah haleanjeeda mida hoosheagiin, ak ea niroosa gidaghayi simiteayda ring'eegaaschi bea garayi.

Yohaana 17:23

aniini gaydeabiida jeannyaawa nea gibiidi ang'iing'i jeedeanyu; gideaballi gemmajeek ak ghoaw gilagi ak abeeda ghwanal ng'eanyiida gideaba ghayi giijeaknean ea gideaba gibwariinyi saawa gawuurji gidubwariiydanaan aniini.

Lukka 18:22

Iiy Yeesu ng'asheesu gwayeeshsha niny, “Ghwashoadeweey ng'ashaanjagi. Shaayda halanjeadaang'u indeawi sean ak gilakkiisi fuga barbari, ak gaynyasa gheaseeda aba humng'eeda, ak guwuni eanni geeshteanyu.”

Marko 10:21

Hean gong'weersa Yeesu siidida nea nubwariiy ak gwayeeshsha, “Ghwashoadeaweey gilagi, una akkishaaydi halanjeadaang'u indeawi sean amahit gigeanu lappiyeedida ak gidawaadi fuga barbari. Abeeda gaynyasa baruureega aba humng'eeda. Hit ginyuunyi eanni geeshtteanyu.”

Mattayo 19:20

Gwayeeshsha gheareemaneedida, ng'asheesu seaniin nigeawiit dang'ng'waay; abeeda gudu ghwashoadeawan naaha gichcha?

1 Desaloniikke 5:23

Gagasa ghoammiidu Aseetta mideawa weayda sasanuukkeagwa sean, nea gaba geaw; ak gagasa gahamiyaasiit gamiyeasiidi guroruunatkeagwa ea jeesingeagwa ak geemmajeek nea meerukunana badayda ng'asheega munyas aba damanda hinnooda Ng'uttamiideanya was Yeesu Gristo.