Yakkobo 1:22 - NEAJEEDA EESH BEA BUUNEESSEAN

²² Nea gagasa ahuuwa fuga sina ng'asheanda, adoobeachcheewi iing'da akghwahit, nea goreenganayi geat.

Bibliyeeda Ghaydit

²² Nea gagasa ahuwa fuga sina ng'asheanda, adoobeacheewi iing'da ak ghwahit, nea gooreenganayi geat.

Yakkobo 1:22 Referans Kwoze

Ruumi 2:13

Ak ea mii fuga iiy deaweeda gil gea jea ghwanyas doobiiweadi aba madeeda Aseetta, geaghus fukka sina deaweeda jea eattaw doobiiwnatta.

Yohaana 13:17

Asi iyoonalli ng'asheesu abeeda ghang'wana iyoosinnyi.

Yakkobo 4:17

Asi siida nal gidadoabiiw sinooda ak ea masna, aba heedaannyi niiw ring'eeda.

1 Yohaana 2:3

Appdaydeaba nii abeeda geanalli gideaba geanalli niny, ising'ng'waanyi digheannyeekkaaschi.

Lukka 11:28

Hean gwayeeshsha, “Ghang'wana fukka iiy ng'asheega Aseetta nea ghoang'waayiin!”

Mattayo 12:50

Aba gideaba siida wassean nyoo gwasin gitta bwariiy Bwaabwa mida humng'eedean, siisi abeeda oorjeeda giyyeanya gil, ea huda giyyeanya, ea iyya.”

Golosaayi 3:17

Nea gilwassean osinyi, aba ng'asheanda ghana sinooda, asna sean aba gheawunga Ng'uttamiida was Yeesu, nea goobadischeesi Aseetta was Gheanda aba naweedeaba niny.

Giidaheechta 22:7

Ak ging'ulayi, gaydahidu nea ghaalamwajaannyi.” Ghang'wana siida ang'ng'waay ng'asheega siramoaran aba jeedeaba gittaaboani.

1 Yohaana 3:7

Diibiga manang'i, adagwareenganneegwa sih; siida sina ng'asheega doobiiweadi gwandeawa doobiiwnatta, gawuurji gidamideayeatta doobiiwnatta.

Yakkobo 1:26

Siida iyeeshsha geaw gideaba gwandeawa diini, nea mwarada ng'ushaptaannyi, nea gwareengani guroroadaannyi, diineedeaba siisi marachchi gil.

Galattiya 6:7

Adereenganneegwa, Aseetta meereenganna, aba gideaba siida gayghwalach gidawassean ghayi hista.

3 Yohaana 1:11

Fugeabwariinyi, adoogali sinooda ng'asheega munyas, anala geaw alooheeda. Siida sina alooheeda siisi gaba Aseetta; ak dea sina ng'asheega munyas ea mii ghwadaa Aseetta.

Galattiya 6:3

Ak siida iiyeeshsha geaw guwosi gil, nea mii gili, adagwareengani geaw.

1 Goriinto 6:9

Ghana moanali gideaba fuga mii doobiiweadi maygwahearan sugoochcheandumeeda Aseetta? Adeereenganneegwa; fuga munyas searooji gil, ghanea fuga bada haleanjeeda gidamawosa Aseetta, ghanea fuga mealuuli, ghanea fuga ashiigi suurja,

Mattayo 28:20

Oannaala ghoang'ng'waay ng'asheega sean eagoonnyeegwa. Ang'ulla aniini geendeayi sea agooga galeega sean ea gagul mudeanooda ng'eanyiida.”

1 Yohaana 1:8

Isiyeeshshi geat meendeawani ring'eeda, gereenganayi geat, nea ea manda humeanda jeedeanya.

Filippi 4:8

Asi oorjoogiyya gidahuydean jea otteemsheesiina nii, ng'asheega sean was gea huumwa, ea gea mideawa mureeda, ea gea doobiiweadi, ea gea miyaasi, ea gea subwariiyi, ea dagheerjeandumeeda iimida miyinda wassean, ghana giigheambiitta miy wassean, otteemsheesiina ng'asheesu.

1 Goriinto 15:33

Adeereenganneegwa, “Baloolda muy iissa gwanuus searoojiga miyaas.”

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

2 Betro 2:13

ak gwasawana aba gidiinyeanda aba gidinyeanda nyaawa. Ak ghwanung' ghoaw miyeenooda leeshooda askwearda. Asi gwandeawa washta ea agitta badayda, gwaleeshi nea gwareengani geat, aba jeeda ghweelmeeda nyaawa bea leeshooda sea agooga.

Ditto 3:3

Aba gideaba ghayi ammwadi geewoschi dasheahi, ak ea meendeawani mureeda ak geewoschi roodanga, ea ging'ng'oonyanga aba miyeenooda muunda ng'eanyiida, nea geeppiidi jeeda ng'asheega munyas, ea lajoodeaba ghuut, nea ghwasteagwa buuneeda nea goostayi geat agooga;

1 Goriinto 3:18

Siida adagwareengani geaw. Siida idaah geaw, gideaba gwandeawa weaghuumeeda aba jeedeang'wa aba gweannyeeksu adadashahiida ak abeeda ghwanyas weaghuumeeda.

2 Dimoteo 3:13

Ak fuga munyasearooji ea gea ng'uyyeega gayghang'atta mwadi ak ghwaranya buuneeda nea eara saawa geereengani.

Yakkobo 4:11

Fuga eaduupcheewi adoobeerayi geat. Siida beash oorjeeda geannyaawa ghana goorgweaksa oorjeeda geannyaawa, ghabeash deaweeda nea gorkgweaksa deaweeda. Nea irgweaksi deaweeda abeeda ea muwosi siida sina deaweeda abeeda ea nuhuuwi siida laja girgweaguutka.