Yakkobo 1:19 - NEAJEEDA EESH BEA BUUNEESSEAN

¹⁹ Hean nea ghoanalli ng'asheesu, fuga eaduupcheewi abwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea miiassas nyaras,

Bibliyeeda Ghaydit

¹⁹ Hean nea ghoanali ng'asheesu, fuga eaduupcheewi aabwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea mii asas nyaras,

Yakkobo 1:19 Referans Kwoze

Efeeso 4:26

Anyareasa ak ea adiidu goosinnyi ring'eeda; ak ea adagamikta nea gudawosa nyareeseadi,

Golosaayi 3:8

Ak ghamneawa ghoanung'waadi ng'asheesu seaniin; nyarasta, ea ng'weaninda, munyinda, ea beeshta, ea ging'weakka aba ghuusigeegwa.

Efeeso 4:31

Asi ageandeana geat ng'asheega sean ng'weani was mukkunooda ea nyarasta ea gijuureanda ea nappooda ng'uyyeega nea gooshsheagiidi geat gea munyas sean,

Golosaayi 3:15

Ak ghoanung' goombalischi hoyyoo Gristo aba jeesingeagwa, aba gideaba agooga geeguurneegwa awasa saseanagi. Nea ghoahuuyi fuga badiischooda.

Mattayo 5:22

Ak aniini geayeeshshineegwa, siida wassean jea gwanyareeksa oorjeeda ghaamwat gamiisa giirgweaksiinda; ama dea ang'eawi oorjeeda ghaamwaat gamiisa eatta madeeda gweargwa, ama dea eeshsha oorjeeda ghaamwat, ‘Guwosi leekghteanda!’ Gammiisa beasta maloonghajeega.

Yakkobo 1:26

Siida iyeeshsha geaw gideaba gwandeawa diini, nea mwarada ng'ushaptaannyi, nea gwareengani guroroadaannyi, diineedeaba siisi marachchi gil.

1 Desaloniikke 2:13

Nea iissa geebadiischeesi Aseetta galeagasean appadaydeaba ng'asheanji, gideaba deanoang'ng'waanyi ng'asheanda Aseetta ghayi oyiing'si heedeanya, ea moang'ng'waaydani ng'asheanda buuneeda ghoanung' gawuurji ng'asheanda Aseetta, biissa gagadiyi aba jeedeang'wa agoogeeda mideawa masaweega.

Gadiyeeda Giijasoodiga 17:11

Fugeaba ng'eanyiitta gooleehiidiit muuchchi mawuurji fuga ng'eanyiida Desalonikke, aba gideaba ghwadeapta ng'asheanda aba hooseaneega, ak ghwasikkiideawa ng'ooruutka ghaydidi galagasean ghwadaa gideaba ng'asheega huumwa gil.

Lukka 19:48

ak ea meanyaasa gichchea eesin aba gideaba gelleeysiit buuneessean.

Marko 2:2

Goweameesa Fuga saang'a ghoah ea gwadukuta eara seawadeeda gidaghuut. Gwarukkwiida Yeesu Giijastaannyi.

Gadiyeeda Giijasoodiga 10:33

Ak geajeagu buuneeda aba geeshangiga ak eara ang'iing'i gidoabiiwi muuchchi aba gideaba guwuuni. Asi ghamneawa aseasa geendi hiji bea madeeda Aseettean, elleeysiiniit ng'asheega sean indeawi gonnyi Ng'uttamiida.”

Gadiyeeda Giijasoodiga 2:42

Ak goodeaga geat ginealshooda giijasoodiga nea gabareannyi, aba banachta mukkatte ea mooshta Aseetta.

Lukka 15:1

Eaweechcha gaweesa Fuga ang'ng'oonyi gwaadi ea fuga ring'eega gooleeysiit niny.

1 Yohaana 2:21

Geang'oorneegwa nea meakna gideaba moanali humeanda gil, gweagu gideaba ghoanalli, ak ginali gideaba manda ng'uyyeega jea gwaleabu jeeda huumeanda.

Gadiyeeda Giijasoodiga 13:48

Iiy fuga Emoojiga ng'asheanji, gahoosan ak geakghambiit ng'asheanda Aseetta; nea giikka ghayi sirarsean ghwanyas eaweega manda muudeanoodean hean ghamwas Aseetta.

Marko 12:37

“Dawdi niny gaguura Gristo Ng'uttamiida. Asi abeeda Gristo gayghoawattaan jeaptaannyi?” Abeeda Emeeda goleeysiit ng'asheega Yeesu nea gahoosan.

Gadiyeeda Giijasoodiga 1:15

Aba eawoojikka ghang'eat Betro ghamiinaada aba jeeda fuga siduupcheewi (nea abeeda monneeda buuneeda ghwahitta bughala ea diktam), ak gwayeeshsha,

Yakkobo 1:2

Anung' ghoaw haleanjeessean hooseaneega, fuga eaduupcheewi, aba isisimsimeegwa aba gilakkil,

Yakkobo 1:16

Adereenganneegwa, fuga eaduupcheewi abwariinyi.

Yakkobo 2:1

Fuga eaduupcheewi, adiiduw ghoahhiimu shiitmeeda nea ghoong'ng'waanyi masaweega Ng'uttamiideanya was Yeesu Gristo, Ng'uttamiida gigheambiita.

Yakkobo 2:5

Oalleaydiit fuga eaduupcheewi abwariinyi. Heappi Aseetta ghayi mii ghwaloat fuga barbari bea muunda ng'eanyiida ak ghwanung' gabaruura masaweega nea gwahearan sugochcheandumeeda ghayi helleesa fuga bwariiyi?

Yakkobo 3:10

Aba ghuuttida assagiin iissa gwarinna ghawooda ea mooshteada. Fuga eaduupcheewi, ng'asheesu mwahida gideaba gaygwasnu.

Yakkobo 4:11

Fuga eaduupcheewi adoobeerayi geat. Siida beash oorjeeda geannyaawa ghana goorgweaksa oorjeeda geannyaawa, ghabeash deaweeda nea gorkgweaksa deaweeda. Nea irgweaksi deaweeda abeeda ea muwosi siida sina deaweeda abeeda ea nuhuuwi siida laja girgweaguutka.

Yakkobo 5:12

Fuga eaduupcheewi, aba haleanjeessean, adiiduw giyaagi habeawooda, aba humng'eeda ghana aba ng'eanyiida, ghana aba habeawooda wassean, iyoyeennyi eah gagasa ghoaw eah, nea iyoyeennyi manda gagasa ghoaw manda, ak abeeda ea moppedeaysiini jeeda girgweaksiinda.

Yakkobo 5:19

Fuga eaduupcheewi, siida wassean aba jeedeang'wa ineeyi ea gwasheagiida huumeanda ak godeelu sih nuut gabiigu,