Mattayo 6:1 - NEAJEEDA EESH BEA BUUNEESSEAN

¹ “Ashageada adiidu goosinnyi alooheedeang'wa aba madeeda buuneeda nea goobaysiini ghwadaheagwa saawa, aba gideaba iyosinindunu ea mwajanyasa giimearda aba heeda Ghweandeang'wa mida humng'eeda.

Bibliyeeda Ghaydit

¹ “Ashageada adiidu goosinyi alooheedeang'wa aba madeeda buuneeda nea goobaysiini ghwadaheagwa saawa, aba gideaba iyoosindunu ea mwajanyasa giimearda aba heeda Ghweandeang'wa mida humng'eeda.

Mattayo 6:1 Referans Kwoze

Mattayo 23:5

Gichcha sinaweega nyaawa sean inyeessa gwasin ghwadaa buuneeda aba gideaba iissa gooheettu barawajeegeagwa bea mooshta ghawooda, nea googeawiidi seapseata nyaawa.

Yohaana 12:43

Aba gideaba ghabwariiy dumshesiinda Buuneeda moasaamwa gideaba gaygwadumsheesa Aseetta.

Ebraniya 6:10

Aba gideaba Aseetta mandeawana ghwanooda ea ghoanaawa ghaang' gadiyoojigeagwa ea bariinyeega ghayi oahhiimu appadaydaannyi aba gadiyeesiinda fuga ghaydidi, duu asna eara ghamneawa.

Lukka 16:15

Ng'atta gwayeeshsha saawa, “Agooga goohindi geat gili oowoschi miyaas aba madeeda buuneeda, nea Aseetta ghwanal guroruunatkeagwa; nea gilinyoo goodiing'u geaw aba madeeda buuneeda, gayghoanyarees Aseetta.

Galattiya 6:12

Suu fukka gasa gideaba gayghoahiimu geediin gil jea gwadiing'seegwa eata ghasmeahooda, aba gideaba ea meesawana saawa aba beehiida Gristo.

Yohaana 5:44

Abeeda gajamwastaan, siida nyasa gigheambiitta hichpa siinuut ak ea magassa gigheambiitta leabu heeda Aseetta?

2 Yohaana 1:8

Ang'ulla sasanuukkeagwa, adoohutteawayi geanoosinnyi, ak ghoanyaschi gimearda hidaat.

Marko 8:15

Iiduw gwareekusa Yeesu ginealangaaschi nea gwayeeshsha, “Ashageada mattawanda Farisaayajeega ea dea Heroode.”

Mattayo 6:16

“Gichcha iyoolluuldi geat, ea adoowuurjeewi fuga ammittu geat, saawa iissa gookkaroomnyi gheamamuunatka nyaawa ghoahiimu geat ghwadaa buuneeda gideaba niluudi geaw. Aba gideaba geayeeshshineegwa suuh ninyas giimearda nyaawa.

Mattayo 16:6

Gwayeeshsha Yeesu, “Ang'ulla nea gooshageachchi geat aba hamiiraayda Farisayajeega ea dea Sadukkayajeega.”

Lukka 12:15

Ak gwayeeshsha saawa, “Afra geat aba geawunda gheang'da; aba gideaba eaweega siida manda jeeda haleanjeeda saang'a mideawa.”

Mattayo 5:48

Awosa hidaat awuurjeewana gidahidaatta Ghweandeang'wa mida humng'eeda.”

Mattayo 5:16

Asi eara weeshindeang'wa gagasa ghoabwaay buuneessean, amaduw nea ghwadaa gadiyoojigeagwa miyaas ghoaghambiit Ghweandeang'wa mida humng'eeda.”

Lukka 11:35

Asi amilmiliitta adiiduw ghoaw weeshinda mida jeadaang'u misaneeda.

Lukka 12:1

Damandida bwadeewa geat emeeda nyiit sagalamnyoojiga ea goolleabi geadiin hean gwayeeshsha niny ginealangaaschi, “Afura geat aba hamirayda fuga Farisaayajeega was gimmiitunodeaba geadiin.

Mattayo 25:40

Ghwasha Sugoochcheanda nea gwayeeshsha, ‘Aba huumwa gaydayeeshineegwa, gili wassean noosissi siyagi aba jeedeaba orjoosu bea giyeanya manang'iin goosinnean aniini.’

Mattayo 5:46

Aba gideaba iyoabwariinyi gea bwariinyeagwa agooga, gajanyasa anagiimwaar? Neada eara fuga ang'ng'oonyi gwaadi saawa ea masinniidunu?

Mattayo 23:13

“Eamuy deang'wa ng'oorshoodiga ea Farisayajeega, ammiittu geat! Aba gideaba ghoakghuumi buuneeda gidaghuutta sugoochcheandumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Mattayo 6:9

Asi amwaashtunu Aseetta: Ghweandeanya mida humng'eeda, Ghaawungaagu eakghambiida.

Ebraniya 2:1

Asi gammiiseasa gideaba gajeeng'ulla muuchchi ng'asheega ghayi siyiinyi, ghana esheagiidana.

Ebraniya 11:26

Ak ghwanung' ghoaw ging'weakka ea sawanadeeda Gristo meanang'oochcheandumeeda haw mawuurji maghasuukka sittiing'da bea ng'eanyiida Misri, aba gideaba ghoamuughu gimearda.

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Gadiyeeda Giijasoodiga 3:12

Daa Betro fugiga goorgweaksa buuneeda, “Ea fuga Israeeli, andagooga ghahameagwa ng'eanyi aba ng'asheanji, ak ghwasaan anda gong'ulleasa, nea ghoaghanyi gideaba siisi ghoahaap uurdeanya ghana doobiiwnatteanya ak geenung' gawa?