Mattayo 5:7 - NEAJEEDA EESH BEA BUUNEESSEAN

⁷ Ghang'wana fuga mideawa baydeayda, aba gideaba eara saawa gajeabwayda.

Bibliyeeda Ghaydit

⁷ “Ghang'wana fuga mideawa baydeayda, aba gideaba eara saawa gajeabwayda.

Mattayo 5:7 Referans Kwoze

Efeeso 4:32

asi awosa innyeani jeesin aba heedabuuneeda suurja, bayyiida buuneeda, sammiisa geat, gawuurji gidasamsiindaneegwa Aseetta aba jeeda Gristo.

Yakkobo 2:13

Aba gideaba girgweaksiinda mayghabwayda siida mandeawana baydeayda; asi baydeayda iissa ghwajoar girgweageeda.

Yakkobo 3:17

Duukku weaghumeeda leabu heettiyeada gidamadeeda aamiy, nuut gaba weayda, ak ea garbabu, nea iissa goleeysiit ng'asheega buuneeda, nea gwandeawa haghweega miyaas, ak ea mayamiisachchi ghana gwareengani buuneeda.

Golosaayi 3:12

Asi okkwealsheatta fuga niloat Aseetta, ghaydiidi subwariiy, bea jeesinga bayyiida buuneeda, ea ng'eeninda, eattoodeaba geat bea ng'eanyi, miyinda ea milighteayda,

Lukka 6:35

Asi abwariinya weajoodigeagwa, nea goosinnyi gea miyaas, nea ghoanung' goleakshi, nea adoofurdi godelneegwa gil; abeeda gimeardeang'wa gajaahaw, ak gajahuuwa balloojiga Aseetta haw mida humng'eeda; aba gideaba niny aamiy aba fuga mabadiischeesiina ea gea geawwi gheanyan.

Ebraniya 6:10

Aba gideaba Aseetta mandeawana ghwanooda ea ghoanaawa ghaang' gadiyoojigeagwa ea bariinyeega ghayi oahhiimu appadaydaannyi aba gadiyeesiinda fuga ghaydidi, duu asna eara ghamneawa.

Ebraniya 4:16

Asi gagasa eneekkiida aba gissirarji eapkaana heeda hoorgeeda ghambiidaat bea dagheerjeandumeeda, ak abeeda geanyaschi baydeayda ak geanyaschi dagheerjeandumeeda jea ghaweat fih damanda sigasseewa.

1 Betro 2:10

Ammadeeda ghayi moowosi buuneeda ak ghamneawa eanoowoschi fuga Aseetta; ammwadi ghayi miyanyasa baydeayda ak ghamneawa eanoanyaschi baydeayda.

Marko 11:25

Ghabwada iyoaminaadi nea gajamwaasha gil, daba siisi samsa gidinyeanda wassean deeppa ea nismaneey sih. Abeeda eara ghweandeang'wa mida humng'eeda gaygwasamsa gidinyeannyeekkeagwa. [

1 Dimotteo 1:13

Abeeda aniini ghayi amwali nyeesa geanyareesay buuneeda nea geang'eaway, nea geasawanyi ak ghanyaschi baydeayda aba gideaba geasinyi ng'asheesu aba leendeeda, aba gideaba meandeawani masaweega.

1 Goriinto 7:25

Asi ghamneawa aba fuga miigageeshshi, meandeawani digheanda Ng'uttamiida, geargu aba fughareedeanyu aniineeda nubwaydanaan Ng'uttamiida aba gideaba geawoschi doabiiwaat.

1 Dimotteo 1:16

Ak aba seareeni ea naanyaschi baydeada aba gideaba aniineani bea madeedean, ghoadaajiit Yeesu Gristo milightaydaanyi sean, aba heedeanyu, nea ghaahuyi siida iiduw jea etteaschi ak aba heeda fuga jea ghamwas ak ghwanyas eaweega manda mudeanooda.

2 Goriinto 4:1

Asi aba sareani, iinukwa gendeawi gadiyeeni aba baydeayda Aseetta, ghanyea meabealbeali.

Ruumi 11:30

Gawuurji gidaghayi moosissiindani Aseetta mureeda iiduw ghamneawa anoanyaschi baydeayda aba nyootta nyaawa bea mureeda;