Mattayo 5:18 - NEAJEEDA EESH BEA BUUNEESSEAN

¹⁸ Aba huumwa geayeeshshineegwa; eara ghang'atta humng'eeda ea ng'eanyiida, ghanyeamanda eara hiji mwanang', ghana roobadeanagi mwanang', muuchchi bea deaweeda majeegeanda ea gwasa ng'asheega sean.

Bibliyeeda Ghaydit

¹⁸ Aba huumwa geayeeshiineegwa; eara ghang'ata humng'eeda ea ng'eanyiida, ghanyea manda eara hiji mwanang', ghana roobadeanagi mwanang', muuchi bea deaweeda majeegeanda ea gwasa ng'asheega sean.

Mattayo 5:18 Referans Kwoze

Lukka 16:17

Gajeawussus ng'atteayda jea ghang'atta huumng'eeda ea ng'eanyiida, mayghwasam gideaba gayghwasuunya ng'ashaanjagi mwanang'a was deaweeda.

1 Betro 1:25

ak ng'asheanda Ng'uttamiida gayghwashng'u ea ghoaw damanda manda muudeanooda.” Ak ng'asheanji ea Giijasta Miy surukuneegwa gil.

Marko 13:30

Gearukuneegwa aba huumwa, Seaygeani bea ghamneawean mayghwanaawda nea miyadaaha ng'asheesu.

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaannyi gamng'aw ng'eanyiida ea humng'eeda, ak ea meadaaha heeda jea goobiida.

Yohaana 5:19

Gwayeeshsha Yeesu saawa, “Aba huumwa, aba huumwa, geayeeshshineegwa, Balleanda mwoammu gwasin gida nea gaba geaw ghoammu gwasin gitta daa nea gwasin Ghwaaniin; aba gideaba gitta sin Ghweandean, eara Balleanda abeeda gaygwasin.

Mattayo 17:20

Gwayeeshsha Yeesu, “Gwasin gheashooyda masaweegeagwa. Geayeeshshineegwa aba huumwa, inyeeda goondeawi masaweega deenna ghajilleanda haradaali, gajoammusa ayeeshshiina giijeeni, ‘Loadadawana hiji ak guwi hoowa,’ ak gaygawa, ak ghannyi ea manda ng'asheanda hang'waay mwajoammuusa sinooda.

Mattayo 16:28

Aba huumwa geayeeshshineegwa, gwanda hiji bea jeedeang'wean fuga maygameewa, ea eaghus anidaah Balleanda Siida nea ghwaana jeeda sugoochcheandumeadaannyi.”

Mattayo 13:17

Aba huumwa geayeeshshineegwa sibanga saang'a ea fuga doobiiweadi ghayi gagaseadayi deakteaba ng'asheesu ghamneawa oadayiin, ak ea mwadaaha, nea ghwayiiy ng'asheesu ghamneawa oayinyiin ak ea mwayiinya.

Mattayo 10:23

Ighabwaseagwa buuneeda aba mujiineani, goomng'awsi mujiineannuut. Aba huumwa geayeeshshineegwa majaduulni mujiinajeega ng'eanyiida Israeeli nea miighwahidu Balleanda Siida.

Mattayo 6:2

Asi ang'iing'i iidaydi haleanjeeda iiweadi fuga barbari adidiing'u geaw ak gisindi gidasinniida fuga ammiitu geat aba jeesinga ghorajeega siinnealshachcheewa ea ghuusiga naweadinga, gagwarsa buuneeda. Aba huumwa, geeyeeshshineegwa suuh ninyas gimearda nyaawa.

Mattayo 5:26

Aba huumwa geayeeshshineey, mayrinnana jeeni ea eaghus aniidayda heelajeanda huydean.”

Yohaana 21:18

Aba huumwa, aba huumwa, geayeeshshineey, ghayi nea guduwosa gheareemaneeda iissa gimmuusi rada manandaang'u ak guwi heeda wassean igasayi; amaduw nea nihuwi gweargweeda, gajadoabiiwa geattingaagu, ak ghwarannyi siinuut ak ghwaannyi heeda ghwanyawa migassi una.”

Yohaana 16:23

Eaweettida manda ng'asheanda jea oannyaashaan. Aba huumwa, aba huumwa, geayeeshshineegwa, gidawassean oomushchi Bwaabwa gaygagoneegwa aba gheawungeasu.

Yohaana 16:20

Aba huumwa, aba huumwa, geayeeshshineegwa, agooga gajooyyeawda nea goguttu heareega ak gaygang'weela ng'eanyiida, gajoogiisana amaduw gayghwayamwa giseaneegeagwa ak ghoaw hoseaneega.

Yohaana 14:12

Aba huumwa, aba huumwa, geayeeshshineegwa, siida mwasan gaygwasin gadiyoojusu easinnyi aniiniin; asi gaygwasin eara gadiyoojiga hees muuchchi, aba gideaba aniini geawi heeda Bwaabwa.

Yohaana 13:38

Hean ghwasha Yeesu nea gwayeeshsha, “Gajaghaashta eaweegaagu appadaydeanyu? Aba huumwa, aba huumwa, geayeeshshineey, damanda migoguula nghaghooda gajanishaang'nyaan niba samwagu.

Yohaana 13:16

Aba huumwa, aba huumwa, geayeeshshineegwa, soomjeanda mii haweawa siidaannyi haw, ghana siida sichcheakta mii haweawa siida ajeakta.

Yohaana 12:24

Aba huumwa, aba huumwa, geayeeshshineegwa, gheang'nyeanda ngano iissa gobiida damwanagi ea eaghus gobissa jeessigeeda ak ghami. Iing'atta miyeeda gwaji haghweega saang'a.

Yohaana 10:7

Gabiikta Yeesu gichcha ak gwayeeshsha, “Aba huumwa, aba huumwa, geayeeshshineegwa, aniini geawoschi gidaghuutta gisilga.

Yohaana 10:1

“Aba huumwa, aba huumwa, geayeeshshineegwa, siida wassean maska gidaghuut ak gawa jeeda gheeda gisilga amaduw ghamwaasta ak ghwala nawa nuut, siisi mareanghweanda gil nea goreedi fii haleanjeeda;

Yohaana 8:58

Gwayeeshsha Yeesu saawa, “Aba huumwa, aba huumwa, geayeeshshineegwa, dea mii gwandeewa Abrahaamu, abeeda aniini geandi.”

Yohaana 8:51

Aba huumwa, aba huumwa, geayeeshshineegwa, siida jea ghoang'ng'waay ng'asheandeanyu ea mayghwadaa miyeeda eara hay.”

Yohaana 8:34

Ghwasha Yeesu nea gwayeeshsha saawa, “Aba huumwa aba huumwa, geayeeshshineegwa, gilinyoo ea sihi nyoo gwasna ring'eeda soomjeanda ring'eeda.

Yohaana 6:53

Gwayeeshsha Yeesu saawa, “Aba huumwa, aba huumwa, geayeeshshineegwa, imoayaagi saseeda Balleanda Siida, ak ghoaleayi foojandaannyi, ea maygwanda jeesingeagwa eaweega;

Yohaana 6:47

Aba huumwa, aba huumwa, geayeeshshineegwa, siida mwas gwandeawa eaweega manda mudeanooda.

Yohaana 6:32

Gwayeeshsha Yeesu saawa, “Aba huumwa, aba huumwa, geayeeshshineegwa, mii Muusa gil dea goneegwa mukkatteyda leabu humng'eeda; Bwaabwa dea gooneegwa mukkatteyda huumwa leabu humng'eeda.

Yohaana 6:26

Ghwashsha Yeesu nea gwayeeshsha saawa, “Aba huumwa, aba huumwa, geayeeshshineegwa, mogaseadayyean, aba gideaba ghayi noadaayi gwadeagooda, gogassean aba gideaba ghayi ghoayaaji mukkatte ak golang'uuchchi.

Yohaana 3:11

Aba huumwa, aba huumwa, geayeeshshsineey, aseasa geerukku gida sinalli ak geemuwwu gidaghayi sidaayi; amadukku agooga ghanyea mwoamwasi ng'asheega simuuwwu.

Yohaana 3:5

Ghwasha Yeesu ak gwayeeshsha, “Aba huumwa, aba huumwa, geayeeshshineey, siida imiyeejiilna beega ea Gurorooda ea mayghoammu gawa jeeda sugoochcheandumeeda Aseetta.

Yohaana 3:3

Ghwasha Yeesu ak gwayeeshsha niny, “Aba huumwa, aba huumwa geayeeshshineey siida imebiikta eeji deaba iyyeennya ea mayghwadaah sugoochcheandumeeda Aseetta.”

Yohaana 1:51

Hean gwayeeshsha niny, “Aba huumwa, aba huumwa, geayeeshshineegwa, gajadaaha nea ghwajaada humng'eeda, ak gajadaaha malaykajeega Aseetta heeda mwascheeng'da suurja ghwararang'aan ghapka heeda Balleanda Siida.”

Lukka 23:43

Ak gwayeeshsha, “Aba huumwa geayeeshshineey askweareeni, gajendeayesiina nyeamus.”

Lukka 18:29

Hean gwayeeshsha saawa, “Aba huumwa geayeeshshineegwa, manda siida nung'wa heeda gheannyi, ghana gatmoadaannyi, ghana oorjooga ghaamwat, ea fuga jiilu ghana diibiga aba sugoochcheandumeeda Aseetta,

Lukka 18:17

Aba huumwa gearukuneegwa gideaba, siida mwadeaptaayda sugoochcheandumeeda Aseetta jeepta maygawa jeeda.”

Lukka 13:35

Ang'ulla, ghaheang'wa sinung'usa heeda. Ak geayeeshshineegwa, maygudu abiikta adaahaan ea eaghuus ayeena, “Sibadiischeesa siida wuna gheawunga Ng'uttamiida!”

Lukka 12:37

Ghang'wana soomjookka hiitta ghweanda nyaawa nea ghoang'wearuun; aba huumwa geayeeshshineegwa, gaygwaradiischi ak gagoneegwa hamitta, nea gagadiyeeseegwa.

Lukka 11:51

ghang'eada gihiideayda foojeanda Habiili ea gagul foojeanda Sakkariya, ghayi sinuuksa dageascheeda heeda wagiida ea heeda Ghaydiit. Asi humwa gil geayeeshshineegwa, gajeegasa aba heedeaba jeachcheeng'su.

Marko 14:30

Ghwalamda Yeesu ak gwayeeshsha, “Aba huumwa geayeeshshineey, aweani bea ghamneawean heeda mii goguula nghaghooda niba iyyeenya, gajeaniheawanaan niba samwagu.”

Marko 14:25

Aba huumwa, Mayguttali difaayeani was mideega haghweega musabiibuun, ea eaghus galannya dawa dali gea eashish aba jeeda Gheambalmeeda Aseetta.”

Marko 14:18

Iiduw nea geyeagiischi gwayeeshsha Yeesu, “Aba huumwa ghamneawa geayeeshshineegwa jeedeang'wa gwanda siida eambuchcheewi jea ghwalaabwan bwadaw.”

Marko 14:9

Ak ghamneawa aba huumwa ghoanung' darukuneegwa, heeda wassean aba muunda ng'eanyiida jea eweay ak gerukkwiida Giijasta Miy, ng'asheanji sin gatmooniin gajeerukku ghoaw gichchea epkkeatta niny.”

Marko 12:43

Hean gaguursa Yeesu ginealangaaschi ak gwayeeshsha, “Aba huumwa geayeeshshineegwa, gatmoani was masiinung'weanda bwarbwariin, nii ghamneawa ghoadayda gidahaw ea ghwalaabwa hoowa buuneessean iin lappiya jeeda sandakwajeanda siyiina haleanjeeda ghadooweedean.

Marko 11:23

Aba huumwa Gaydarukuneegwa gideaba, ‘Ghamneawa siida eashsha,’ gijeeni loadaadawana hiji ak guwi jaksiina geaw jeeda basooda nea siisi gwarukuta ng'asheanji nea mwanyeaha jeadaannyi, ak ghamwas gideaba ng'asheega sean rugu gaygwasa, ng'asheanji gajeesissa.

Marko 10:29

Ghwalamda Yeesu ak gwayeeshsha, “Aba huumwa geayeshshineegwa, Siida wassean nung'usa heeda gheeda, ghana oorjooga ghaamwat ghana haweega ghaamwat, ghana ghaamwat, ghana ghwaan, ghana diibiga, ghana madameega appadaydeanyu ea Giijasta miy,

Marko 10:15

Aba huumwa Gearukuneegwa gideaba siida mwamwastta ng'asheega Aseetta jeepta mwanang' siisi maygawa jeedeaba Gheambalmeani.”

Marko 9:41

Ama siida wassean jea gagoonaneegwa beega jea aleaha gideaba gowoschi fuga Gristo siisi aba huumwa eara niny majaghanyi amwanyasa gimeardaannyi.”

Marko 9:1

Gabiikta Yeesu ak gwayeeshsha, “Aba huumwa gaydarukuneegwa gideaba aba jeani hiji gwanda fuga maygameewa ea eaghus anidaah gheambalmeeda Aseetta gidahittaayda nea gweadu uurda.”

Marko 8:12

Gagiisan Yeesu aba guroroadaannyi aba ng'asheanji ak gwayi, “Anda fiisu bea seaygeaniin gagassiidunu gwadeagooda? Adiiduw. Aba huumwa fiisu bea seaygeaniin mwajeattaw gwadeagooda.”

Marko 6:11

Nea iyoahitti ng'eanyiida deeppa ea meadeaptaneegwa nea ghanyea mealeyseegwa eara iit, iyoabeawi ng'eang'da nyaawa alalakta birjeanda geeshangeagwa. Abeeda gajea gibuhanda nyaawa gil.”

Marko 3:28

Aba huumwa Gearukuneegwa, ring'oojiga sean sina buuneeda manda dea majeesamsa, eara ng'asheega munyas rittuuna ghuusiga buuneeda gaygwasamsa Aseetta.

Mattayo 25:45

Ak gaygwayeeshsha niny, gaydayeeshshineegwa, ‘Aba huumwa, ghayi iissa iyoaheawi asissiina ng'asheesu siyagi aba jeedeaba orjoosu manang'iin, abeeda ghoaheawi asinnean aniini.’

Mattayo 25:40

Ghwasha Sugoochcheanda nea gwayeeshsha, ‘Aba huumwa gaydayeeshineegwa, gili wassean noosissi siyagi aba jeedeaba orjoosu bea giyeanya manang'iin goosinnean aniini.’

Mattayo 25:12

Ghwasha nea gwayeeshsha; ‘Aba huumwa, geayeeshshineegwa, agooga mwanaleagwa.’

Mattayo 24:47

Aba huumwa, gaydayeeshshineegwa, gaygageanu ak ghwayiin haghweeda halanjeadannyi sean.

Mattayo 24:2

Ghwasha niny ak gwayeeshsha, “Moong'ulli haleanjeeni seaniin? Aba huumwa geayeeshshineegwa, manda eara lagheaneanagi jea ghoabit aba uhuudeaba niirja jea ea majeeng'ng'adeadu.”

Mattayo 23:36

Aba huumwa geayeeshshineegwa ng'asheesu seaniin gayghwahidu badaydeaba seaygeani.”

Mattayo 21:31

Heappi! Aba jeedeaba fiisu assiyyeenyean gwasin anneeda gidagasa ghwaan?” Gwayeeshsha saawa, “Diitta bea madeedeani.” Ng'atta gwayeeshsha Yeesu saawa, aba huumwa, geayeeshshineegwa, fuga ang'ng'oonyi gwaadi ea fuga hiseada gaygoosheedeaweegwa beatta jeeda sugoochcheandumeeda Aseetta.

Mattayo 21:21

Ghwasha Yeesu nea gwayeeshsha saawa, “Aba huumwa geayeeshshineegwa, iyondeawi masaweega nea manda jeesingeagwa machmajeega, ghoammuuschi nea majeaghus nii bea shaboogheechcheandean akghwahit, gajoammusa eara gideaba gajayeeshshiina giijeeni, loadaada ak geejakseey jeeda basooda, ak gaygwasa.

Mattayo 19:28

Gwayeeshsha Yeesu saawa, “Aba huumwa, geayeeshshineegwa, agoogeeda oyeadu geeshteanyu aba ng'eanyiideesh, jea ghwahidu eaweeda jea goopteadawa Balleanda Siida hoorgeadaannyi ghambiidaat, abeeda earagooga gajooppiidana hoorgajeekka attamaniyyeenyean ak goorgweaksi eemoojikka attamaniyyeenya bea Israeeliin.

Mattayo 19:23

Gwayeeshsha Yeesu giinealangaaschi, “Aba huumwa geayeeshshinegwa gajahang'waay beatta jea gawa meanang'oochcheanda jeeda sugoochcheandumeeda humng'eeda.

Mattayo 18:18

“Aba huumwa, geayeeshshineegwa, gida wassean oarachchi aba hiji bea ng'eanyiidean abeeda gajeasirat aba hoowa bea humng'eedean, nea gidoottinnyi aba hiji bea ng'eanyiidean gajeasiittin aba hoowa bea humng'eedean.

Mattayo 18:3

ak gwayi, “Aba huumwa geayeeshshineegwa, imwoayami geat ea awuurjeewana diibiga, ea majaghannyi aweayeena jeeda sugoochcheandumeeda humng'eeda.

Mattayo 11:11

Aba huumwa geayeeshshineegwa, manda siida wassean aba gea jii gadeemga dea haweewa Yohaaneeda Abattiisachchi eara siitta siyi amwanang'eawa sean aba jeeda sugoochcheandumeeda humng'eedean ahaweewa niny.

Mattayo 10:42

Siida wassean jea ghoadaw siiyagi aba jeedeaba fiisu manang'iin beega garbappi aba gideaba giinealaneeda, aba huumwa geayeeshshineegwa eara niny mayghwaroat giimeardaannyi.”

Mattayo 10:15

Aba huumwa geayeeshsheegwa eaweetta girgweaksiinda gajeawussus ng'eanyiida Sodooma ea Gomoora gamilikghteaysa ghorjooda eaweetta girgweaksiinda ea ghang'al mujiineetta.”

Mattayo 8:10

Iiy Yeesu ng'asheesu, ghahamng'eanyi ak gwayeeshsha fukwachchi aat geeshta, “Aba huumwa geayeeshshineegwa, miidadaah aba jeeda ng'eanyiida Israeeli siida mideawa masaweega uurji nih.

Mattayo 6:16

“Gichcha iyoolluuldi geat, ea adoowuurjeewi fuga ammittu geat, saawa iissa gookkaroomnyi gheamamuunatka nyaawa ghoahiimu geat ghwadaa buuneeda gideaba niluudi geaw. Aba gideaba geayeeshshineegwa suuh ninyas giimearda nyaawa.

Lukka 4:24

Ak gwayeeshsha, “Aba huumwa geayeeshshineegwa manda sibaneeda jea eamwas aba jeeda ng'eanyiidaannyi.