Mattayo 5:11 - NEAJEEDA EESH BEA BUUNEESSEAN

¹¹ “Ghoang'wani agooga iyang'eawweegwa buuneeda nea geesawaneegwa nea geerukuna badahuukkeagwa ng'asheega munyas sean aba ng'uyyeega appadaydeanyu.

Bibliyeeda Ghaydit

¹¹ “Ghoang'wani agooga iyang'eaweegwa buuneeda nea geesawaneegwa nea geerukuna badahuukeagwa ng'asheega munyas sean aba ng'uyyeega aba badaydeanyu.

Mattayo 5:11 Referans Kwoze

1 Betro 4:14

Iisiyeattaneagwa ghuut aba gheawunga Gristo ea ng'wanaweegeagwa gil aba gideaba gurorooda gigheambiitta bea Aseetta gwanda badaydeang'wa.

Lukka 21:17

ak agooga gajeasteagwa aba gheawungeasu.

Marko 13:13

Ak agooga gayghwasteagwa Buuneeda aba gheawungeasu. Nea siida jea ghamilikghta ea gagul damandida bea mudeanoodean, siisi gayghaghu.”

Mattayo 24:9

Iimuchchu gheeda gajealabeagwa bwadaw eesawaneegwa amaduw geenuuseegwa; gayghwasteagwa Emoojiga sean appadaydeanyu aba gheawungeasu.

Lukka 6:22

Ghoang'wani agoogeeda sideagwa buuneeda, nea gwahistaneegwa nea gong'eawweegwa ak geemmunyasiidi gheawungeagwa, appadayda Balleanda Siida!

1 Betro 2:23

Niny ghayi iisiing'ng'eawi ea miighoodeelda ging'weakka; nea eara iisawana ea miigoomuuw sih; ghaghus ninyeeda laja girgweageeda nea ghoadoabiiw.

Yohaana 15:21

Amaduw gaygwasinneegwa ng'asheesu seaniin appadaydeanyu, aba gideaba saawa mwanala dea ajeaknean.

Mattayo 10:22

Nea gayghwasteagwa buuneassean aba gheawungeasu. Nea siichchea ghamilikghta ea gammudean abeeda ea siichea eelealu.

Mattayo 10:39

Siida agaba aweagaaschi gaygahutteawi, nea siida hutteawi aweagaschi appadaydeanyu gaygwalealu.”

Giidaheechta 2:3

ak ghaanalli gihang'ooydaang'u nea gimilikghti nea gidiing'di gheawungeasu, ak ghanyea mii bura.

Mattayo 19:29

Nea giliwas sih nung'usa heeda gheeda ghana oorjeeda ghaamwat ghana haweega ghaamwat ghana ghwaan ghana ghamwaat ghana diibiga ghana madameega, appadayda gheawungeasu, gayghwanyas niba bughala ak gwahearan eaweega manda mudeanooda.

2 Goriinto 4:11

Aba gideaba aseaseeni sindiin iissa geattaydaneasa enuusseasa galeagasean appadayda Yeesu, ak abeeda geattahaach eaweega Yeesu aba sasanuukkaasa jea gameewa.

1 Goriinto 4:10

Aseasa geewooschi dasheahi appadayda Gristo, amaduu agooga goondeawi weaghuumeeda appadayda Gristo. Aseasa geewooschi ng'arng'ar, nea agooga goondeawi uurda. Agooga geesinneegwa mureeda, nea aseasa ghanyea meesinneasa mureeda.

Ruumi 8:36

Gawuurji gidaghayi sung'waarda, “Apwadaydaang'u geenuuseasa askwearda sean, sinung' eewuurjeewana gisilga jea eenuuseada.”

Lukka 21:12

Ak damanda migapnu ng'asheesu seaniin gajeang'ng'waanyeagwa ak geesawaneegwa, nea geayadeagwa gealga sinnealshachcheewa ak gajeejakseegwa ghealooniga ak gajeayadeagwa madeeda sugoodiga hees ea madeeda fuga hees ambaliischi aba gheawungeasu.

Lukka 9:24

Aba gideaba siida wassean iigasa gwalealu eaweagaaschi gaygabeagu, nea siida hutteawi aweagaaschi aba badaydeanyu gaygwalealu.

Marko 8:35

Aba gideaba siida gasa ghoaghu aweagaaschi gaygabeagu, amaduw siida beagu aweagaaschi appadaydeanyu ea badayda Giijasta miy gayghoaghu.

Mattayo 10:25

Ghwahit iwuurji giinealaneeda sea giinealshoochcheandaannyi, ak gawuurji somjeanda sea siidaannyi haw bea gadiyeeda. Abeeda iisuguura siida bea gheeda Beelsebuuli, heappi abeeda ea maygwasissa ng'asheega munyas muuchchi fuga mida jeedeaba gheannyi.”

Gadiyeeda Giijasoodiga 9:16

ak gaydaahiimsa ng'asheega saang'a jea ghwanyasa sawanadeeda aba gheawungeasu.”

Marko 13:9

“Asi agooga ashageada, aba gideaba gayghwadeagwa Buuneeda gheeda sirgweachcha, nea geabwareagwa aba jeesinga ghoorajeega sinnealshachcheewa. Gajeayadeagwa madeeda fuga hees ea madeeda sugoodiga appadaydeanyu, ak abeeda gajahuuwa mushoodigeasu aba madeannyaawa.

Mattayo 27:39

Iissa fuga ng'atta aba naweeda goong'eawi nea goodiindiil iheenga nyaawa nea gwayeeshsha,

Marko 4:17

Ghanyea mandeawana hawunga issa ghanyi gageanu gheadi nuwaas iihidu sawanaduutka ea munyinda gabay ghwalagaan.

Mattayo 10:18

Gajeayadeagwa madeeda sugoodiga ea dea fuga ahaaghwa ng'eanyiida appadaydeanyu, ak goomuwiisi Giijasta miy saawa ea fuga Emoojiga.

Yohaana 9:28

Geng'ng'eawi nea geyeeshsha, “Ang'iing'i guwosi ginealaneadaannyi ak aseasa gewoschi ginealanga Muusa.

Filippi 1:29

Aba gideaba agooga geegooneegwa gheatta appadayda Gristo jea agadiyeesiina, ea mabeachchi masaweega gwanda eara gideaba gajeesawaneegwa appadaydaannyi,