Mattayo 4:24 - NEAJEEDA EESH BEA BUUNEESSEAN

²⁴ Gageawiit iittannyi aba ng'eanyiisean bea Sirya, geeyeassa fuga sean miyeani, bearji heeluutka geeyoonung'weakka ea gea mideawa sawanaduutka, ea gea bearji meangeenda, ea gea ahiili, ea gea abittu damealga, ak ghoahaap.

Bibliyeeda Ghaydit

²⁴ Gageawiit iitaanyi aba ng'eanyiisean bea Shaamu, geeyeassa fuga sean miyeani, bearji heeluutka geeyoonung'weaka ea gea mideawa sawanaduutka, ea gea bearji meangeenda, ea gea ahiili, ea gea abitu damealga, ak ghoahaap.

Mattayo 4:24 Referans Kwoze

Mattayo 17:15

“Ng'uttamiida, eaniyean bwayda balleandeanyu, aba gideaba goohiili, nea iissa gwasawana muuchchi; niny imisean gang'adeesa jeeda beasta, ghana galannya jeeda beega.

Mattayo 8:6

ak gamearmearani nea gwayeeshsha, “Ng'uttamiida soomjeandeanyu gwalil aba ghoah goobittu damealga nea gwasawana muuchchi.”

Lukka 5:15

Ak gageawiit iitta aba daroorakka sean, ak ghapka Emeeda headaannyi goleeysiit nea ghoahaap fuga bearji geyoonung'weakka.

Lukka 2:2

Ng'oordi dea madeeda, nea gwanda sugoochcheandumeeda Sirya Gireeniyo.

Mattayo 17:18

Ng'atta goojuursa Yeesu niny, ak gwaritteaysa meangeenda, ak ghahaap balleanda aba geeshangiga.

Mattayo 15:22

Hean ghwahidu headannyi gatmoomba fuga Ganaayo bea ng'eanyiitta goojuur muuchchi, nea gwayeeshsha, “Bwaydanaan, Ng'uttamiida, Balleanda Dawdi, gabearji hudeanyu meangeenda.”

Mattayo 12:22

Hean Geeyeassa siisi ng'oaw bissea manda ghuutta bearji meangeenda; ghoahaap ak ghoang'wearda nea gabalool.

Gadiyeeda Giijasoodiga 10:38

gidamwaarda Aseetta Yeesuyda Nasareetti aba Gurorooda Ghaydit ea uurda; ea gidaneayeatta nea gwasin ng'asheega miyaas nea ghoahaap buuneessean minighis meang'nyeandeendean, aba gideaba Aseetta gwandeayi sea niny.

Gadiyeeda Giijasoodiga 15:23

ak ghwaat barawajeanda sung'waardunu, “Fuga eaduupcheewi was giijasoodiga ea gweargwa, heeda fuga siduupcheewi was fuga Emoojiga mida Antiyokiya ea Siriya ea Gilikiya, ghaghachcheagwa.

Marko 2:3

Iiduw ghwahidu Fii ang'wan nea gwasareennu siisi miyaan bearji gibittunooda damealga

Marko 1:32

Mikta Aseetta ghapka Buuneeda heeda Yeesu nea geyeassa fuga sean miyeani ea fuga bearji meangeeniga.

Mattayo 4:23

Gwaneayeewa jeeda ng'eanyiida sean bea Galilaaya, nea goonealshi aba jeeda ghoorajeega nyaawa siinnealshachcheewa, nea gwarukkwiida giijasta miy bea sugoochcheandumeeda, nea ghoahaap geeyoonung'weakka sean ea sawanaduutka mideawa buuneeda.

Gadiyeeda Giijasoodiga 15:41

Hean ghang'eat gwasik ng'eanyiida Siriya ea Gilikiya nea goomajeek ganiisajeega.

Lukka 4:14

Iiduw gabiigu Yeesu aba uurda Gurorooda ak gawa Galilaaya, ak gageawiit iitaannyi aba daroorakka sean neekki.

Marko 1:28

Gabay gageawiit iitta Yeesu aba jeeda ng'eanyiida sean bea Galilaaya.

Mattayo 14:1

Aba damandida ghwayiiy sugoochcheanda suguura Heroode geawunda iitta Yeesu;

Yohaana 10:21

Gwayi mwaatkwa, “Ng'asheega sunu maba siida bearji meangeeda. Neada meangeeda ghoammu ghwajaat gheanyanga siida ng'oowi?”

Mattayo 9:35

Gwaneayeewa Yeesu jeeda mujiinajeega sean ea gharang'weakka nea goonealshi aba jeesinga ghoorajeega nyaawa siinnealshachcheewa ikkaanyaawa nea gwarukkwiida Giijasta miy bea sugoochcheandumeeda, nea ghoahaap geeyoonung'weakka sean ea gili nyoo ea sawanadeeda.

Mattayo 9:26

Gageawiit iitteaba ng'asheanji aba jeedeaba ng'eanyiitta seaniin.

Mattayo 8:28

Iiduw nea nuwa gigheawda mida ng'eanyiida Gadarene gwaroonnyi fii iyyeenya bearji meangeenda, nea gwaleabu heeda subunnyiisa buuneeda. Fiisu abeeda ea ng'weani ea eeyi bwak ea ghoawal buuneeda sigoodeaba naweetta.

Mattayo 8:33

Ghwahal geat haghweadoodiga ak gaweay mujiini ak ghoadaarda iitteaba ng'asheesu seaniin sea iitteaba fukka bearji meangeendean.

Marko 2:4

Sihhiidu siida miyaan nea geegasa eayaat gah heeda mida Yeesu ghwaroat naweeda aba seang'ayda buuneeda. Gaweay ak ghwasaaw uhuuda gheeda deascheeda mida Yeesu, ak gessiik siitta miyaniin nea gwanda badayda muundaannyi, ea eaghatghat ammadeeda Yeesu.

Marko 2:9

Awussus anneeda aba hedeang'wa gideaba gearukusi siisi abittu damealgean gideaba, ‘Sisamsa ring'eedaang'u ghana gideaba geyeeshsha ng'eada, Geanda mundaang'u ak guwi?’

Lukka 4:38

Iiduw ghang'eat ak gwaritteawa jeeda ghooriida sinnealshachcheewa, ak gawa gheeh Simon. Nea abeeda gheamatta agweaji Simon ghamnyaan, gabearji sheagheeda ng'waan ak geemus ghoahap.

Lukka 5:24

Asi geagasayi anala gideaba Balleanda Siida gwandeawa gheambalmeeda aba jeeda ng'eanyiida jea gwasamsiina ring'eega iiduw gwayeeshsha siitta abittu damealgeani, geayi, ng'eada, sareana muundaang'u ak guwi ghoah.”

Gadiyeeda Giijasoodiga 8:7

Aba gideaba gwarinna meangeenda munyas jeeda fuga saang'a ghayi ninyas, ak goojuur aba ghuutta haw; ak eara fuga saang'a abiittu damealgean ghana fuga badoojiga geahhaap.

Lukka 7:17

Gageawiit iittaannyi aba ng'eanyiida Yudeeya ea geng'oojigaaschi.

Gadiyeeda Giijasoodiga 28:9

Iiduw nea geesin ng'asheanji, ghapka fuga miyeani sean bea ng'eanyiitta ak geehaap.