Mattayo 3:2 - NEAJEEDA EESH BEA BUUNEESSEAN

² “Aduukkuunana, aba gideaba sugoochcheandumeeda humng'eeda nineekkiit.”

Bibliyeeda Ghaydit

² “Aduukuunana, aba gideaba sugoocheanduumeeda humng'eeda nineekiit.

Mattayo 3:2 Referans Kwoze

Mattayo 4:17

Ghang'eada damandida ghoang'eat Yeesu rukkwiideayeayda ng'asheega Aseetta nea gwayi, “Adukkuunana aba gideaba sugoochcheandumeeda humng'eeda nineekkiit.”

Marko 1:15

nea gwayeenniisa, “Nugul damanda, nea gheambalmeeda Aseetta ea nineekkiit, Adukkuunana ring'oojiga ak ghoamwaschi Giijasta Miy.”

Lukka 24:47

ea gideaba duukkuunooda ea samsiinda ring'eega gajeerukkwiida aba gheawungaaschi, aba jeeda emoojiiga sean, ghang'eada Yerusaleemu.

Mattayo 6:10

Sugoochcheandumeadaang'u nung' ghwahidu, Gidigasayi gagasa eesin, aba hiji bea ng'eanyidean gawuurji gissisinniida aba hoowa bea humng'edean.

2 Goriinto 7:10

Aba gideaba giseaneega fuga bada Aseetta iissa gweadu dukkuunooda eadu lealeanooda ak ea manda gichchea ghwanung' giisana, nea giiseaneega muunda ng'eanyiida gaygweadu miyeeda.

Mattayo 10:7

Aba jeeda neayeedeang'wa arukkwiida gideaba, ‘Sugoochcheandumeeda humng'eeda nineekkiit.’

Gadiyeeda Giijasoodiga 3:19

Asi aduukkuunana, ak goobiikti ayamni geat, ak abeeda gegeanda ring'eegeagwa, ak abeeda ghwahidu damanda hawdeayda jea gwaleabu heeda Ng'uttamiida,

Lukka 15:10

Asi gwasnu, ak geayeeshshineegwa, gaygahoosan malaykajeega Aseetta appadayda siida assagi mideawa ring'eada iduukkuuna.”

Lukka 13:3

Geayeeshshineegwa, Manda; imoduukkuunani ring'eegeagwa eara agooga gajooshshealda saawa.

Lukka 11:20

Ama iyearuutti meangeenda aba uurda Aseetta abeeda ghoanalli gideaba sugoochcheandumeeda Aseetta nihissegwa.

2 Betro 3:9

Asi Ng'uttamiida mii lambeech aba heelleesiindaannyi gawuurji girarda mwaatkwa gideaba alambeech, niny iissa ghamilightaneagwa, nea magassa gideaba gayghwaroat sih, niny gagasa gideaba gayghwanyas sean dukkunooda.

Gadiyeeda Giijasoodiga 17:30

Damanda lendeeda ninaawa geaw Aseetta, ak ghamneawa gwarukusa buuneeda gideaba aduukkuunana ring'eegeagwa,

Gadiyeeda Giijasoodiga 11:18

Iiduw nea ghwayiiy ng'asheesu ghwasiinda. Ng'atta geakghambiit Aseetta nea geeyi, “Aseetta niidaw eara Emoojiga gheatta duukkuunooda ak ghwanyas eaweega.”

Gadiyeeda Giijasoodiga 2:38

Ghwalamda Betro ak gwayeeshsha, “Aduukkuunana, giliwas sih geeppaattiisananeegwa gheawunga Yeesu Gristo aba samsiinda ring'eegeagwa; ak gegooneegwa Gurorooda Ghaydit.

Lukka 6:20

Iiduw gagatgat gheanyangaaschi goong'weersa ginealangaaschi, ak gwayeeshsha: “Ghoang'wani agogeeda barbari, aba gideaba sugoochcheandumeeda Aseetta deang'wa.

Mattayo 13:52

Ng'atta gwayeeshsha saawa, “Asi gilinyoo ea ng'oorshoochcheanda gil was giinealaneeda sugoochcheandumeeda humng'eeda, gawuurji sea siida mideawa gheeda geanu aba jeeda gheaseadaannyi haleanjeeda eashish ea gea woosi.”

Mattayo 13:47

“Gichcha sugoochcheandumeeda humng'eeda gawuurji sea gheareedanga siippuutta jeeda basooda, ak ghoang'ng'waay heeluutka sean bea ghweayeega;

Mattayo 13:33

Gwarukusa saawa gichcha galeega, “Sugoochcheandumeeda humng'eeda geegala sea hamiiraayda geanu gatmooda, ak googuuyi sea dearangspa gweeraji samwagu ak geeyi bwak ea ghaghuut geaw sean.”

Mattayo 12:41

Gayghamiinaada fuga Ninaawi eaweeda girgweaksiinda ak gaygoorgweaksa seaygeani aba gideaba gwandeawa gidinyeanda. Aba gideaba fuga Ninaawi ghayi saawa gwadukkuuna ring'eeda aba ng'asheega rukkwiida Yoona, nea aba hiji gwanda siida haweawa Yoona.

2 Dimoteo 2:25

Aba damandida rekkusiina fuga mwamwasa ng'asheegaashciin, gamiisa ea garbabu aba gideaba ideapa gwasa gwadeapa ghwaadaw Aseetta fiisu duukuunooda ak ghwanal humeanda.

Golosaayi 1:13

Ak niny gwalealnaneasa jeeda uurda misanumeeda ak goobaleegeasa ea ghwadeasa jeeda sugoochcheandumeeda Balleandaannyi bwariiy,

Gadiyeeda Giijasoodiga 20:21

ak geamuuwwiisi sean fuga Yahuudi ea fuga Yunaani ak gearukusi iitta duukkuunooda aba heeda Aseetta ea iitta masaweega mida jeeda Ng'uttamiideanya was Yeesu Gristo.

Lukka 15:7

Asi gwasnu, ak geayeeshshineegwa, gaygwanda hooseaneega muuchchi aba humng'eada appadayda siyagi mideawa ring'eeda ak gwaduukkuna, maygawuurji fukka was seedam ea damwashshageesh doobiiweadi magassa duukkuunoodean.”

Lukka 13:5

Manda; geayeeshshineegwa, imoduukkuunaani eara agooga gajooshshealda gidashealda saawa.”

Lukka 9:2

Goojeakta gaweay gwarukkwiida sugoochcheandumeeda Aseetta, nea ghoahaap fuga miyeani.

Marko 6:12

Hean ghang'eatng'eat giijasoodiga gaweay. Gwarukkwiisa buuneeda gideaba, Adukkuunana ng'asheega munyas bea ring'eeda.

Marko 1:4

Yohaaneeda Abattisachchi gedeaksa jeettareapcheeda nea gwarukkwiisa buuneeda gideaba adukkuunana ng'asheega munyas ak geppattiisan ak gwasamsa Aseetta ring'eega nyaawa.

Mattayo 5:10

Ghang'wana fuga sisawana aba doobiiwnatta, aba gideaba sugoochcheandumeeda humng'eeda daanyaawa.

Mattayo 5:3

“Ghang'wana fuga barbari guroruunat, aba gideaba sugoochcheandumeeda humng'eeda daanyaawa.

Giidaheechta 2:21

Ak ea naadawji gheatta gwaduukkuuna, ak ghaheawa duukkuunooda mealuuleegaaschi.

Mattayo 13:31

Gwarukta gichcha galeega nea gwayeesha, “Sugoochcheandumeeda humng'eeda gawuurji sea ghajiileandageetta suguura haradaali ghayi geanu siida akwahisa jeeda madamnyandaannyi;

Mattayo 13:11

Ghwasha nea gwayeeshsha saawa, “Agooga sugooneegwa nalooda makcheameeda sugoochcheandumeeda humng'eeda, nea saawa ea miyeattaw.

Mattayo 6:33

Anyoo ghannyi oshsheeda agassa sugoochcheandumeadaannyi ea doobiiwnattaannyi, ak abeeda gajeehheaneegwa haleanjeeni seaniin gajea geagwa.

Giidaheechta 2:5

Asi apkaada gidabwaanyi, ak giduukkuuni ak gibiiksi gadiyoojiga ghayi isni bea madeeda. Ak imisni, gaydahidu headaang'u, ak gaydageanda hoorgeeda gheaboonyaneedaang'u aba heeda mida, ea eaghus duukkuunana.

Ebraniya 6:1

Asi aseasa eweaya mwadi eanung'waada ng'asheekka ghayi bea garayi bea ginealshooda Gristohiin nea gehittiisi heeda, ak ea adagudeesinnyi sindeetta duukkuunooda aba gadiyoojiga nimeewa ak geendeawi masaweega aba heeda Aseetta,

Gadiyeeda Giijasoodiga 26:20

ak aba madeeda ghaang'eachchi rukwiideayda ng'asheega Aseetta aba ng'eanyiida Dameski, ea Yerusaleemu ea ng'eanyiisean bea Yahuudi, ea heeda fuga Emoojiga, gideaba gwaduukkuuna ak gwayamsa geat Aseetta ak ghoahiimu aba gadiyoojiga nyaawa gideaba niduukkuuna.

Mattayo 22:2

“Sugoochcheandumeeda humng'eeda gawuurji sea sugoochcheanda gasa gageesheesa balleandaannyi,

Mattayo 25:1

“Abeeda sugoochcheandumeeda humng'eeda gaygawuurji sea haw damanamughuush geanu gheaboonyaanga nyaawa akkaweay ghwadeapta siida geeshi.

Mattayo 23:13

“Eamuy deang'wa ng'oorshoodiga ea Farisayajeega, ammiittu geat! Aba gideaba ghoakghuumi buuneeda gidaghuutta sugoochcheandumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Mattayo 20:1

“Aba gideaba sugoochcheandumeeda humng'eeda gawuurji siida bea gheeda ritteawa sakteayda duw ak gagasa fuga jea ghabwar ng'eanyi aba jeeda madamnyeandaannyi bea misabiibu.

Mattayo 18:23

Aba dascheani sugoochcheandumeeda humng'eeda gawuurji sea sugoochchanjagi gasa gwayiida haleanjeeda sea soomjoogaaschi.”

Mattayo 11:20

Iimuchchu goojuursa mujiinajeegiga ghayi sissa niny ng'asheega deamdeameadi ak ea madukkuunana riing'eega nyawaan.

Lukka 21:31

Asi eara agooga iyoadaayi ng'asheesu nea gapnu, anala gideaba sugoochcheandumeeda Aseetta nineekkiit.

Lukka 16:30

Hean gwayeeshsha, ‘Manda ghweandeanyu Abrahaamu; inyeeda gabiiksa saawa siida leabu miyeeda, gaygwadukkuuna.’

Mattayo 25:14

Damandida gaygawuurji sea siida gasa gawa bareannyeekka, gaguursa soomjoogaaschi ak goodeaga haleanjeedaannyi;

Mattayo 13:24

Gwarukuta gichcha galeega nea gwayeeshsha, “Sugoochcheandumeeda humng'eeda gawuurji siida weah gwahista histeanga miyaas aba jeeda madamnyeandannyi.

Mattayo 4:23

Gwaneayeewa jeeda ng'eanyiida sean bea Galilaaya, nea goonealshi aba jeeda ghoorajeega nyaawa siinnealshachcheewa, nea gwarukkwiida giijasta miy bea sugoochcheandumeeda, nea ghoahaap geeyoonung'weakka sean ea sawanaduutka mideawa buuneeda.

Lukka 1:16

Ak gaygooguumsa balloojiga saang'a bea Israeeli Ng'uttamiida was Aseetta nyaawa,