Mattayo 27:51 - NEAJEEDA EESH BEA BUUNEESSEAN

⁵¹ Ghabwaasha, hang'da subwaasha gheeda sibatta Aseetta nibiyyeenya, ghang'eada humng'eeda ea gagul ng'eanyi, gwasim geaw ng'eanyiida ak gabearshachchi lagheanga hees;

Bibliyeeda Ghaydit

⁵¹ Ghabwaasha, hang'da sibwaasha gheeda sibata ASEETA nibiyeenya, ghang'eada humng'eeda ea gagul ng'eanyi, gwasim geaw ng'eanyiida ak gabearshachi lagheanga hees;

Mattayo 27:51 Referans Kwoze

Marko 15:38

Hean ghabwaasha bugusta hang'dida subwaasha jeeda Gheeda Sibatta Aseettean, ak ghoaw iyyeenya ghang'eada uhuuda ea gagul ng'eanyi.

Ebraniya 6:19

Geendeawi ng'asheanji nea gwargu huumwa ak gawuurji alooheeda jea ghaweat gisimeanda, ghusooda iissa gawa heeda ghaydit laabwa hoowa hang'da subwaasha gheeda,

Lukka 23:45

iiduw nea gagarbiit aseetta; hean ghang'at bugusta hang'dida subwaasha jeeda gheeda sibatta Aseettean nibiyyeenya.

Giidaheechta 11:19

Ng'atta geettin Gheeda sibatta Aseetta mida humng'eeda, ak geadaah sandakwajeanda digheanda aba jeedeaba gheannyi sibatta Aseetta; abeeda gwanda dadamandeeda, ea nyeashta, ea gighweendandeeda humng'eeda, ea sawooda ng'eanyiida, ea roopta haw muuchchi bea lagheanga.

Mattayo 27:54

Hean daa shirikkarajeanda haw ea fukwachchi fur Yeesu gidasimda geaw ng'eanyiida ea ng'asheekka ghwanyawa bunuun, ghabeal muuchchi nea gwayi, “Aba huumwa siisi Balleanda Aseetta gil!”

Mattayo 28:2

Hean gwasimgeaw ng'eanyiida muuchchi, ak gwashubean malaykajeanda humng'eeda bea Ng'uttamiida leabu humng'eeda amwahit ghoarakghrakghta lagheaneedida sidukuteawa ghuutta bung'eedean ak goopteadawa.

Giidaheechta 11:13

Nea aba damandida abeeda gwanda sawooda haw bea ng'eanyiida, ak ghoabeada mwaatkweanagi mwanang' bea mujiin; ak gameewa fii sagalamnyooji ispwa aba sawoodida bea ng'eanyiidean, ak ghang'ut muuwda geesippuut, ak ghoaghaambiit Aseetta humng'eeda.

Ebraniya 9:3

Badaydeaba hang'deaba iyyeenya bea heashooda gwanda mahemajeanda was heeda Ghaydit muuchchi,

Lukka 23:47

Daa shirikkarajeanda haw gwaduumsheesa Aseetta nea gwayi, “Aba huumwa siisi ea doabiiwaat!”