Mattayo 26:45 - NEAJEEDA EESH BEA BUUNEESSEAN

⁴⁵ Ng'atta gabiigu heeda giinealangaaschi ak gwayeeshsha, “Abissiina alla nea goofuufchi? Adaaha nihidu damanda ak Balleanda Siida gajeayiin geattinga fuga riing'eega.

Bibliyeeda Ghaydit

⁴⁵ Ng'ata gabiigu heeda giinealangaaschi ak gwayeesha, “Abisiina alila nea goofuufchi? Adaaha nihidu damanda ak Orjeeda Siida gajeayiin geatinga fuga riing'eega.

Mattayo 26:45 Referans Kwoze

Yohaana 13:1

Hean nea mii ghwahidu ghwelmeeda Basakka nea ninal Yeesu gideaba damandaannyi jea ghabeawa ng'eanyiida gawa heeda Bwaabwa nihidu, niny nea ghabwariiy fugaaschi mida jeeda ng'eanyiida, ahuumwa gil ghabwariiy ea ghwanaawda.

Yohaana 17:1

Iiduw nea niihiit Yeesu rukunoodeaba ng'asheesu, gong'weersa humng'eeda ak gwayi, “Bwaabwa, nugul damanda; aghambiida Balleandaang'u, ak abeeda eara Balleanda ghoaghambiinnyi ang'iing'i,

Yohaana 12:27

“Ghamneawa guroroodeanyu nung'ut muuwda. Ak gaydayiin? ‘Bwaabwa, lealnean aba damani?’ Manda, appadaydeaba ng'asheanji naahidu damani.

Lukka 22:53

Eajusu nea gendeaydooschi galeagasean aba jeeda gheeda sibatta Aseetta, ghanea miyoang'ng'wanyaan ak ghamneawa nii ea damandeang'wa gil ea uurda misaneeda.”

Mattayo 26:18

Gwayeeshsha Niny, “Aweayeena mujiini gheappa sih ak gooyeeshshi, ‘Gwayi Ginealshoochcheanda, nigul damandeanyu ak geagasayi daak hamitta Basakka sea giinealangeasu aba jeedeaba gheang'u.’”

Mattayo 26:2

“Mwoanali gideaba ing'atta eawooji iyyeenya abeeda gajea ghweelmeeda Basakka gil, ak gajeattayda Balleanda Siida engoor.”

Mattayo 26:44

Gabiikta gwanung'sa heeda ak gawa ghamwaash Aseetta deaba samwagu nea gwargu ng'asheega gwachchi.

Mattayo 26:46

Ang'eatng'eada, eweaya; oang'ng'wearda siida jea ghwalaabwan bwadaw nukkwa nineekkiit.”

Marko 14:35

Ghwaloat geash gili miigeaw ak gwajaksa geaw ng'eanyi, ak ghamwaash gideaba, nung' danaawa gheadi bea sawanadeedean.

Yohaana 12:23

Ghwasha Yeesu nea gwayeeshsha, “Niiitta damanda jea ekghambiida Balleanda Siida.