Mattayo 26:13 - NEAJEEDA EESH BEA BUUNEESSEAN

¹³ Aba huumwa geayeeshshiineegwa, heeda wassean aba muunda ng'eanyiida surukwiideaysa Giijasi Miyiin, gili sin gatmooniin, gajeebaloolla aba giipkeattannyi.”

Bibliyeeda Ghaydit

¹³ Aba huumwa geayeeshiineegwa, heeda wassean aba muunda ng'eanyiida sirukwiideaysa Giijasi Miyiin, gili sin gatmooniin, gajeebaloola aba giipkeataanyi.”

Mattayo 26:13 Referans Kwoze

Marko 14:9

Ak ghamneawa aba huumwa ghoanung' darukuneegwa, heeda wassean aba muunda ng'eanyiida jea eweay ak gerukkwiida Giijasta Miy, ng'asheanji sin gatmooniin gajeerukku ghoaw gichchea epkkeatta niny.”

Mattayo 24:14

Gichcha gajeerukkwiida Giijasta Miy bea sugoochcheandumeeda aba ng'eanyissean ghoaw muwwunooda aba emoojiga sean, ama ng'atta abeeda ghwahidu mudeanooda ng'eanyiida.”

Ebraniya 6:10

Aba gideaba Aseetta mandeawana ghwanooda ea ghoanaawa ghaang' gadiyoojigeagwa ea bariinyeega ghayi oahhiimu appadaydaannyi aba gadiyeesiinda fuga ghaydidi, duu asna eara ghamneawa.

Giidaheechta 14:6

Hean ghaadaayi malaykajeanda nuut nea ghang'eatta aba bugusta humng'eeda, nea gwandeawa giijasta miy manda muudeanooda jea gwarukwiisa fuga mida muunda ng'eanyiida, ea giliwas eamwa ea emeeda ea iitta ea buuneeda;

1 Dimotteo 2:6

nini gabeagu eaweegaaschi nea gabwageaw ak ghoaw siida jea goottin buuneessean, ak gajeemuuwwu aba damandaanyi.

Golosaayi 1:23

Asi iyoppiidi jeeda masaweega, ak ghoomiinaadi nea noahang'waanyichchi, nea meayameagwa aba heeda giijasta miy oayiinyi, ghayi surukkwiisa haleanjeessean mida hiing'eadayda humng'eeda, nea aniini Baulo geawoschi siidaannyi bea gadiyeeda.

Golosaayi 1:6

nea nihidu heedeang'wa, ea gidaguulleatta ng'eanyiissean gil, ak gwaji haghweega ak gwaheedu gawurji gidaheetteayda aba heedeang'wa, ghang'eada damanda ghayi oayinyi ak ghoanalli dagheerjeandumeeda Aseetta bea huumwa,

2 Goriinto 10:18

Aba gideaba mii siida gwarageawiini gil jea eamwas geaghus siitta jea ghaghwar Ng'uttamiidean.

Ruumi 15:19

aba uurda gwadeagooda ea ng'asheega deamdeameadi, aba uurda Gurorooda Ghaydit, nea gwaneayeewa ng'eanyiissean ghang'eada Yerusaleemu ea geeng'oojiga ea ghwahitta Ihiriko ak gearukkwiidi Giijasta miy bea Gristo,

Ruumi 10:18

Ak ghanyaashti gichcha, neada saawa ea mii ghwayiiyi? Huumwa gil niyiiy; “Ghuusiga nyaawa nighayda aba ng'eanyiissean, nea ng'asheega nyaawa ea nihitta muudeanooda ng'eanyiida.”

Lukka 24:47

ea gideaba duukkuunooda ea samsiinda ring'eega gajeerukkwiida aba gheawungaaschi, aba jeeda emoojiiga sean, ghang'eada Yerusaleemu.

Marko 16:15

Hean gabiissa Gwayeeshsha, “Aweayeena ng'eanyiissean ak gorukkwiidi Giijasta Miy aba heeda buneassean.

Marko 13:10

Nea hinnooda jea ghwahidu mudeanooda ng'eanyiida, abeeda gajeasurukusa buuneessean Giijasta miy.

Mattayo 28:19

Asi aweayeena ak ghoanung' ghoaw emoojiga sean giinealanga, nea gobattiisannyi saawa aba gheawunga Aseetta was Bwaabwa, ea gea Balleanda, ea gea Gurorooda Ghaydit.

Gadiyeeda Giijasoodiga 10:4

Gang'ula nea nibeal ak gwayeeshsha, “Naaha gil Ng'uttamiida?” Ghwalamda ak gwayeeshsha, “Mooshtaang'u bea Aseetta ea haleanjeeda isabi geadi nidiyeada ak ghoaw giipkeatta aba madeeda Aseetta.