Mattayo 25:6 - NEAJEEDA EESH BEA BUUNEESSEAN

⁶ Bugusta eaweeda agweena ghwanya sideechcheekka nea gwayi, ‘Asaghayneawa, nihidu siida geeshi! Aweayeena deepteayda.’

Bibliyeeda Ghaydit

⁶ Bugusta eaweeda agweena ghwanya sideecheeka nea gwayi, ‘Asaghayneawa, nihidu siida geeshi! Aweayeena deepteayda.’

Mattayo 25:6 Referans Kwoze

2 Betro 3:10

Nea eaweeda Ng'uttamiida gay ghwahitaayda mareanghweanda, aba eaweettida gay ghwaroat humng'eeda aba nyeashta haw, nea haleanjeeda sean ghayi bea mwadi gayghwanyar aba jeeda beasta, nea ng'eanyiida ea gadiyoojigaaschi mideawa gajeaghwarda goosha.

Mattayo 25:1

“Abeeda sugoochcheandumeeda humng'eeda gaygawuurji sea haw damanamughuush geanu gheaboonyaanga nyaawa akkaweay ghwadeapta siida geeshi.

Mattayo 24:44

Gwasnu eara agooga asissina geat, aba gideaba Balleanda Siida gayghwahidu damanda morarsiini.”

Mattayo 24:31

ak gaygoojeakta malaykajeegaaschi ghaghuut muuchchi durumbeatti ak gaygaweay gooweamu fugaaschi loat aba murdajeega assang'wan bea ng'eanyiida, ghang'eada murdeeda humng'eeda meatkweeni ea gagul meatkweetta.

Giidaheechta 16:15

“Asi, gaydoanda mareanghweanda! Ghang'wana siida majeek, nea ghaghamwat hang'weakaaschi ak ea mawa nea dawiish ak geadaa baspaseagaaschi!”

1 Desaloniikke 4:16

Aba gideaba Ng'uttamiida gaygwashuubean niny nea gwaleabu humng'eeda ea shookcheanda haw mideawa digheanda, ea nyeashta malaykajeanda haw, sea nyeashta durumbeatteeda Aseetta. Ak abeeda fukka ghayi meewwiisa jeeda Gristohiin gajeshsheeda ettuuttu;

Lukka 12:46

gaygabiigu siitta haw bea soomjeandida eaweeda mararsiina ea damanda mwanala. Gayghwaaga ghoorjooda ak ghwayiin hijagi sea fuga miidobiiweadi.

Lukka 12:20

Ak gwayeeshsha Aseetta niny, ‘Rageananeeda! Aweani geegasa eaweegaang'u; abeeda haleanjeeda idiiwusi geaw gay gaba ng'eaha?’”

Mattayo 25:31

“Damanda jea ghwahinna Balleanda Siida aba jeeda gigheambiittaannyi, nea goodeana malaykajeega, hean gaygoopteada aba uhuuda hoorgda giigheambiittaannyi.

Mattayo 25:5

Iiduw nea ghwashing'da siida geeshshi geeyi bwak ea ghang'utta ghaat ak gwalil.

Mattayo 25:7

Ghang'eat ng'eat haweegiga seaniin aba geeshangiga ak gwasissin gheaboonyanga nyaawa.