Mattayo 24:31 - NEAJEEDA EESH BEA BUUNEESSEAN

³¹ ak gaygoojeakta malaykajeegaaschi ghaghuut muuchchi durumbeatti ak gaygaweay gooweamu fugaaschi loat aba murdajeega assang'wan bea ng'eanyiida, ghang'eada murdeeda humng'eeda meatkweeni ea gagul meatkweetta.

Bibliyeeda Ghaydit

³¹ ak gaygoojeakta malaykajeagaaschi ghaghuut muuchi durumbeati ak gaygaweay gooweamu fugaaschi loat aba murdajeega asang'wan bea ng'eanyiida, ghang'eada murdeeda humng'eeda meatkweeni ea gagul meatkweedida.

Mattayo 24:31 Referans Kwoze

1 Desaloniikke 4:16

Aba gideaba Ng'uttamiida gaygwashuubean niny nea gwaleabu humng'eeda ea shookcheanda haw mideawa digheanda, ea nyeashta malaykajeanda haw, sea nyeashta durumbeatteeda Aseetta. Ak abeeda fukka ghayi meewwiisa jeeda Gristohiin gajeshsheeda ettuuttu;

Marko 13:27

Ak Gaygoojeakta giijasoodigaaschi bea humng'eeda godearsa meadajeega assang'wan bea ng'eanyiida gaweay goweamu fuga loossa geaw, ghang'eada mudeanooda ng'eanyiida ea ghoaw mudeanooda humng'eeda.”

1 Goriinto 15:52

aba gheadi nuwaas, aba dukuteayda gheanyanga ea jeaditta, damanda jea ghwanyaasha durumbeatteeda huydean. Aba gideaba gayghwanya durumbeatti, ak gaygwaduuttu fuga nimeewa, ak ea maygudu ghwadaa miyeeda, ak aseasa gajeayameesa.

Mattayo 13:41

Balleanda Siida gaygoojeagu malaykajeagaaschi, ak ghoawaam aba jeeda sugoochcheandumeadaannyi haleanjeessean eadu ringeeda ea fuga sean sina ng'asheega munyas.

2 Desaloniikke 2:1

Asi ghamneawa aba iitta hinnooda Ng'uttamiideanya was Yeesu Gristo ea bassiinda jea eabwada geat ak gendeawi niny, geemuscheegwa, fuga eaduupcheewi,

Efeeso 1:10

ak goguuyi haleanjeessean aba niny, haleanjeeda mida humng'eeda ea gea mida badayda ng'eanyiida.

Yohaana 11:52

ak ea mii badaydeaba eameani gil akghwahit, ghabwada gideaba gagasa gonyeaschi diibiga Aseetta nigeawiit ghwadarda ak ghoaw gilagi.

Mattayo 25:31

“Damanda jea ghwahinna Balleanda Siida aba jeeda gigheambiittaannyi, nea goodeana malaykajeega, hean gaygoopteada aba uhuuda hoorgda giigheambiittaannyi.

Giidaheechta 7:1

Iing'atta suu ghaadaayi malaykaji ang'wan nea ghamiinaada aba murdajeega assang'wan bea ng'eanyiida, nea ghwadeal jeammeeda leabu murdajeega assang'wan bea ng'eanyiida, aba gideaba ea mwaghuunna jeammeeda appadayda ng'eanyiida, ghana aba jeeda basooda ghana ghaghuut geetta wassean.

Giidaheechta 8:2

Ak ghaadaayi malaykajeandeaba ispwa nea ghamiinaada aba madeeda Aseetta, ak geattaw saawa durumbeataji ispwa.

Ruumi 10:18

Ak ghanyaashti gichcha, neada saawa ea mii ghwayiiyi? Huumwa gil niyiiy; “Ghuusiga nyaawa nighayda aba ng'eanyiissean, nea ng'asheega nyaawa ea nihitta muudeanooda ng'eanyiida.”

Mattayo 28:18

Ghwaan Yeesu heannyaawa ak goobalool ak gwayeeshsha, “Sugoonan gheambalmeeda sean aba humng'eeda ea ng'eanyiida.

Mattayo 24:22

Nea ghwanyawa askwearjoojusu dagheeda ea meannuwaasa ghwanyawa ea maygwanda sichchea ghwalalaan; iiduw geelagu askwearjoojusu appadahuukka fukghayi sibay ealoat.

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Lukka 24:47

ea gideaba duukkuunooda ea samsiinda ring'eega gajeerukkwiida aba gheawungaaschi, aba jeeda emoojiiga sean, ghang'eada Yerusaleemu.

Giidaheechta 1:20

Makcheameedeaba miingiga as ispwa ideaksi geattindeanyu bea dugean, ea hoorgajeekka as ispwa meang'meang'iin, miingiga as ispwaan, malaykajeega ganisajeekka as ispwaani ak eara hoorgajeekka as ispwa meang'meang'iin ea ganiisajeekka assispwaan gil.

Mattayo 24:24

Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoammu gahutteawi fuga ghayi bay ealoat.

Mattayo 24:32

“Ajeeng'ni ng'asheesu eagali shaboogheechcheandean: ifirfiir damealgaschi ak gwardu seenga, goojeeng'u gideaba damanda domeelda ninekkiit.

Ebraniya 12:19

ea nyeashta duruumbeatti, ea ghuutta siida ama nyaah ghwanung' ghabeal fuga iiy ak ghwanung' ea magassa gabiikta ghwayiiy giijasi nea geerukusa saawa.