Mattayo 24:30 - NEAJEEDA EESH BEA BUUNEESSEAN

³⁰ ng'atta gajeadaah gwadeagooda Balleanda Siida aba humng'eeda, abeeda emoojiga sean bea muunda ng'eanyiida gayguuttu heareega idaah Balleanda Siida nea ghwaan aba badayda shamooghuutka humng'eeda nea gwandeawa uurda ea gigheambiitta haw;

Bibliyeeda Ghaydit

³⁰ ng'ata gajeadaah gwadeagooda Orjeeda Siida aba humng'eeda, abeeda eemoojiga sean bea muunda ng'eanyiida gaygagutu heareega iidaah Orjeeda Siida nea ghwaan aba badayda shamooghuutka humng'eeda nea gwandeawa uurda ea giigheambiita haw;

Mattayo 24:30 Referans Kwoze

Giidaheechta 1:7

Ng'ulla, ghwaan nea godeana shamooghuutka, ak gayghwadaa niny giliwas gheang'da, ea giliwas sii ghayi ng'ut niny; ea emoojiga sean bea ng'eanyiida gaygaguuttu heareagaaschi. Asaha. Amin.

Gadiyeeda Giijasoodiga 1:11

ak gwayi, “Fuga Galilaaya ghwasaan anda ghoamiinaadi nea gong'ulayi humng'eeda? Yeesuheeni beawa heedeang'wa ak gawa humng'eedean, gaygabiikteaydunu gawuurji gidaghamneawa oadaakti nea gawa humng'eedean.”

Mattayo 26:64

Gwayeeshsha Yeesu niny, “Girgu ang'iing'i. Asi gaydayeeshshineegwa, ghang'eada ghamneawa gajadaaha Balleanda Siida nea goopteada aba meatkweeda geattinda dugwa hoauur, nea ghwaana badayda shamooghuutka humng'eeda.”

Lukka 21:27

Ak gajeadaah Balleanda Siida nea ghwaana jeeda shamoghooda nea gwandeawa uurda ea gigheambiitta haw.

Mattayo 24:3

Iiduw nea goopteada Yeesu aba uhuuda gijeeda Maseytuunajeega, gaweesa giinealangaaschi aba heeda funyaat ak geanyasa hichpa geaw ak geannyaash gideaba, “Rukuni ng'asheesu gayghoaw eeju? Amaduw hinnoadaang'u gwanda gwadeagooda jea eadaaha ghana dea mudeanooda damanda?”

2 Desaloniikke 1:7

ak gagooneegwa fuufta sea aseasa agoogeeda sisawan, damanda jea eattahaaja Ng'uttamiida was Yeesu jea gwaleabu humng'eeda sea malaykajeegaaschi mideawa uurjeenga beasta yeat,

Marko 13:26

Ak gajeadaah Balleanda Siida nea gwashubeana jeeda shamoghuutka nea gaygwandeawa uurda haw ea gigheambiitta.

Lukka 22:69

Nea gidang'eada ghamneawa Balleanda Siida gaygoopteada aba meatkweeda geattinda dugwa bea Aseetta hoauur.”

Marko 13:4

“Aniyean rukuneasa ng'asheesu gayghoaw eeju? Ak gajerroorda naaha aba hinnoodeaba ng'asheesu.”

Mattayo 24:37

Aba gideaba gaygawuurji gidaghayi bea damanda Nuuhu, nii gichchea gawuurji hinnooda Balleanda Siida gil.

Mattayo 24:39

nea majeeng'na ea ghwahidu roopta duw ak gwaduulu buuneessean, nii abeeda gichchea gawuurji hinnooda Balleanda Siida gil.

Giidaheechta 12:1

Ng'atta geadaa gwadeagooda haw aba humng'eeda was gatmooda siikwealsa aseetta, nea gwanda jeeda baneaguukka geeshangaaschi sheeda, nea uhuudaannyi gwanda shiipka miinga attamaniyyeenya;