Biblia Todo Logo
Bib sou entènèt

- Piblisite -




Mattayo 23:8 - NEAJEEDA EESH BEA BUUNEESSEAN

8 Ak agooga ea adagaguureeweegwa sih Rabi, aba gideaba Ginealshoochcheandeang'wa aa akkalealla amaduw agooga goobeayi ghaamwadagi.

Gade chapit la Kopi

Bibliyeeda Ghaydit

8 Ak agooga ea adagaguureeweegwa sih Rabi, aba gideaba Giinealshoocheandeang'wa ea akaleala amadu agooga goobeayi ghaamwadagi.

Gade chapit la Kopi




Mattayo 23:8
34 Referans Kwoze  

Fuga eaduupcheewi, adoohuuyi ginealshoodiga saang'a aba gideaba ghoanalli beadi aseaseeni anealshiin jea eanyasa girgweaksiinda haw ea ghwanaawda.


nea adoowuurjeewi fuga ambaliischi aba heedeaba fukka mida hiing'eadaydeang'wean gidabal ghoahuunyi gichchea eegala aba mughusheandida.


ak aniini ea namwaaschi Aseetta amwasuunya masaweagaagu, ama ibiikeani gimajeegi oorjooga geamadu.”


Biissa gichcha ea adeeguureeweegwa fuga hees, aba gideaba, siida haw aakkalealla, nea Gristo gil.


Damani duu gabalolean deagheatta ghwahidu shamoghooda eesh ak gwadukta, ak ghwanyaasha ghuutta jeeda shamoghooda nea gwayi, “Nii Balleandeanyu abwariinyi ahoosanani, olleeysiina iit niny.”


Aniini geawoschi Yohaana, oorjeeda giyeang'wa deaghayi oppareannyeewi sawanadeeda ea sugoochcheandumeeda ea milikghteayda nea ghoahhangng'waanyi, nea gwanda ng'eanyiida neaweesa beega suguura Batmo appadayda ng'asheanda Aseetta ea muwuunooda ng'asheega Yeesu.


hean gwayeeshshinean, “Adiiduw gisni gitta! Aniini geawoschi soomjeanda sea ang'iing'i sea fuga siduupcheewi was sibanga, ea fukka ang'ng'waay ng'asheegeaba gittaaboaniin. Aghadoawana Aseetta.”


Ak geabeedeaysi madeeda geeshangaaschi ak ghaaghadoowannyi niny hean gwayeeshshinean, “Adiiduw gisni ng'asheesu! Aniini geawoschi soomjeanda sea ang'iing'i sea fuga iduupcheewi mideawa muuwunooda Yeesu. Ghadoawana Aseetta.” Aba gideaba muuwunooda Yeesu gurorooda sibaneandumeeda.


was gumdooda gealga sean bea ng'eanyiida ea humng'eeda ak geguushteawa,


Aba gideaba meerukkuuni ng'asheega badahuukkaasa aseasa geerukku gideaba Gristo Yeesu Ng'uttamiida, ea gideaba aseasa geewoschi soomjoogeagwa appadayda Yeesu.


Nea mii gideaba geegasayi eeppala masaweegeagwa; geegadiyi sea agooga aba hooseaneegeagwa, aba gideaba ghoomiinaadi muuchchi aba masaweegeagwa.


Hean gwanekkiissa Yuuda Yeesu ak gwayeeshsha, “Seayu Siida haw!” Amwahit ghwasam.


Ghwahit iwuurji giinealaneeda sea giinealshoochcheandaannyi, ak gawuurji somjeanda sea siidaannyi haw bea gadiyeeda. Abeeda iisuguura siida bea gheeda Beelsebuuli, heappi abeeda ea maygwasissa ng'asheega munyas muuchchi fuga mida jeedeaba gheannyi.”


Iissa ghabwariiy gideaba gajeeyeenniisa seayu aba naadajeega nea gaguura buuneeda Rabi.


Gwayeeshsha Yuudayda jea ghwala bwadaw, “Rabi, aniini ghanea?” Gwayeeshsha niny, “Girgu ang'iing'i.”


Gwayeeshsha Betro Yeesu, ea, “Ginealshoochcheanda, amiy muuchchi gideaba geendi hiji. Anda meesni ghooraji samwagu aba hiji. Ghoriida mabeanyi ang'iing'i niirja gaba Muusa, nea niirja gaba Eliya.”


Ghoanyaash Yeesu nea gwayeeshsha, “Gigasayi dasinneey naaha?” Gwayeeshsha Siitta ng'oawiin, “Ea Ginealshoochcheanda, aniini geagasayi dabiikta dang'wearda.”


Apkaat Betro gidaheetta surukusa shabogheechcheanda gwayeeshsha Yeesu, “Ea Ginealshoochcheanda, ang'wearda! shabogheechcheanda heetta imwaashtiin nighajamiit!”


Hidu Yuuda ghang'atta ama hitta heeda Yeesu gwayeeshsha, “Ea Ginealshochcheanda!” Nea ghwasam gheatta.


Ghwayam geaw Yeesu ak ghwadaa nea ghwaat geeshta ak ghoanyaash saawa nea gwayeeshsha, “Gogaseadayyi naaha?” Hean geyeeshsha niny, “Raabi” (nea gideaba Ginealshochcheanda gil), “ang'iing'i gibiitti yeenu?”


Ghwasha Nattanaeeli nea gwayeeshsha, “Rabi, ang'iing'i guwosi Balleanda Aseetta! Guwosi Sugoochcheanda Israeeli!”


Siisi Gaweesa Yeesu eawa ak gwayeeshsha, “Rabi, aseasa geanalli gideaba ang'iing'i guwosi ginealshochcheanda ak gileabu heeda Aseetta; aba gideaba manda siida ammu gwasin gwadeagwajeesu isinayiin, geaghus siida mideayi sea Aseetta.”


Hean iiduw gaweay heeda Yohaana ak gwayeeshsha, “Rabi, siida heetta indeawi aba gigheawda Yordaan ghayi imuuwwu ng'asheagaaschi eara niny ghamneawa gobattisan, nea gaweay headaannyi buuneessean.”


Aba damandida gamearmearani Ginealangaaschi nea gwayeeshsha, “Rabi, agischeena.”


Iiduw nea geanyasa gigheawda basooda meatkweeda niirja geannyaash nea geyeeshsha, “Rabi, gihidu eeju hiji?”


Iiduw ghoanyaash ginealangaaschi niny nea gwayeeshsha, “Rabi, gwasin ng'eaha ring'eeda, gwasin siisi ghana sin ghwaan ea ghaamwat inyas geeji nea ng'oawiini?”


Hean ghoanyaash Ginealanga nea geyeeshsha, “Rabi, migageawiit damanda gasseewa fuga Yahuudi gaftaneey lagheanga ak ghamneawa gigasayi biikta gichcha hoowa?”


Gwayeeshsha Yeesu, “Mariya.” Ghwayam geaw ak gwayeeshsha aba iitta Ebraniya, “Rabooni!” (nea gideaba Ginealshoochcheanda gil).


niny mudugawuurji ging'ng'oonyaneeda, niny ning'al ging'ng'oonyaneeda, niny gawuurji oorjeediyya abwariinyi, raanya aba heedeanyu ak gaygawuurjiin muuchchi aba headaang'u, aba saseeda ea heeda Ng'ttamiida.


Swiv nou:

Piblisite


Piblisite