Mattayo 22:13 - NEAJEEDA EESH BEA BUUNEESSEAN

¹³ Gwayeeshsha Sugoochcheanda fuga gadiyeeda, ‘Arada geattinga ea geeshanga, ak ghoayaachchi ak goojaksi jeeda misaneeda jarooda, aba hoowa gaygooyyeawda nea goowiiri geeshatka aba sawanadeeda.’

Bibliyeeda Ghaydit

¹³ Gwayeesha Sugoocheanda fuga gadiyeeda, ‘Arada geatinga ea geeshanga, ak ghoayaachi ak goojaksi jeeda misaneeda jarooda, aba hoowa gaygooyeawda nea goowiiri geeshatka aba sawanadeeda.’

Mattayo 22:13 Referans Kwoze

Mattayo 8:12

amaduw balloojiga sugoochcheandumeeda gajeehisa jeeda misaneeda jarooda; heeda jeagwanda shookka ea giwirrooda geeshatka.”

Mattayo 25:30

Duukku soomjeanji marachchi giliin, ajaksiina jarooda jeeda misaneeda; hoowa gaygwanda shookka ea giiwiirrooda geeshatka.’”

2 Betro 2:17

Fiisu gawuurji gheanyanga eenda manda beega, ak gawuurji gichcha dung'usta ghuutta jeameeda, ak giibinda nyaawa ea siyiin heeda misana muuchchi.

2 Betro 2:4

Aseetta ghayi iimwanung'waada malaykajeega adiiy, hean gwahisa jeeda maloonghajeega ak ghwayiin jeesinga shoomeanga misana earassa ea ghwahitta eaweeda girgweaksiinda;

2 Desaloniikke 1:9

Ak gaygwasawana aba ghoorjooda nyariida manda mudeanooda ak geegeandeawa madeeda Ng'uttamiida ea heeda gigheambiitaannyi mideawa uurda,

Lukka 13:28

Abeeda gayghwahidu shookka ea giwiirrooda geeshatka, iyoadaayi Abrahaamu ea Isakka ea Yakkobo ea sibanga sean aba jeeda sugoochcheandumeeda Aseetta nea agooga ea sihisaneegwa jarooda.

Mattayo 24:51

Ak gayghwaaga ghorjooda, ak ghwanung' gwandeayi sea fuga ammittu geat; abeeda gaygwanda shookka ea giwiirrooda geeshatka.

Mattayo 13:50

ak gwahisa fuga munyas jeeda duwayda beasta; abeeda gaygwanda buuneeda nea giwiirda geeshatka.”

Mattayo 13:42

Ak geehisa jeeda duwayda beasta; ak gooyyeawda fuga nyaawa aba hoowa nea goowiiri geeshatka aba sawanadeeda.

Giidaheechta 21:27

Nea jeadaannyi ghanyea maygawa gidamuy, ghana deasina ng'asheega munyas ghana gea ng'uyyeega, geaghus giikka sing'oorsa jeeda gittaabooda eaweega bea Dayeenda Gisilleandean.

Yuuda 1:13

laweajajeega hees bea basooda, jakkiisa humng'eeda furghooda aba baspaseega nyaawa; miinga neayi nea heeda hiing'aada gwanda misaneeda haw sittiiw ea ghwahitta damanda manda muudeanooda.

Yuuda 1:6

Nea malaykajeega mang'ulla muuchchi hoorgajeega nyaawa ak ghang'amwa heeda eajusu abiitta ea nirattiisa niny jeeda munyaloalajeega maygammuudean aba jeeda misaneeda ea ghwahitta eaweetta haw bea girgweaksiindean;

Gadiyeeda Giijasoodiga 7:54

Ng'atta nea ghwayiiy ng'asheesu gwanyareesi nea goowiiri geeshatka nyaawa appadaydaannyi.

Mattayo 13:30

Anung'waada gwaheettu sean ea ghwahitta damanda lajiitta; damandida gaydayeeshsha fukka jea ghwalajiin, oshsheeda oammughuusha morookka ak ghoarachchi gharmuchcheekka ak geaghwarda, nea nngano goowweamsi gijigoodeanyu.’”

Mattayo 12:29

Gayghoammustaan siida gideaba gayghabwasay gheeda siida mideawa uurda ak ghoawreat halanjeadannyi, nea mighannyi gwarada siitta mideawa uurdean? Ak abeeda gayghoammu ghoareat halanjeadannyi.

Gadiyeeda Giijasoodiga 21:11

Hidu heedeanya gageanda ghealooda mananda Baulo ak ghwarada geeshangaaschi ea geattingaaschi ak gwayeeshsha, “Gwayi Gurorooda Ghaydit, ‘Fuga Yahuudi mida Yerusaleemu gayghwarattunu siisi bea ghealooniin, ak geeyiin geattinga Emoojiga.’”

Yohaana 21:18

Aba huumwa, aba huumwa, geayeeshshineey, ghayi nea guduwosa gheareemaneeda iissa gimmuusi rada manandaang'u ak guwi heeda wassean igasayi; amaduw nea nihuwi gweargweeda, gajadoabiiwa geattingaagu, ak ghwarannyi siinuut ak ghwaannyi heeda ghwanyawa migassi una.”