Mattayo 21:31 - NEAJEEDA EESH BEA BUUNEESSEAN

³¹ Heappi! Aba jeedeaba fiisu assiyyeenyean gwasin anneeda gidagasa ghwaan?” Gwayeeshsha saawa, “Diitta bea madeedeani.” Ng'atta gwayeeshsha Yeesu saawa, aba huumwa, geayeeshshineegwa, fuga ang'ng'oonyi gwaadi ea fuga hiseada gaygoosheedeaweegwa beatta jeeda sugoochcheandumeeda Aseetta.

Bibliyeeda Ghaydit

³¹ Heapi! Aba jeedeaba fiisu asiyeenyean gwasin aneeda gidagasa ghwaan?” Gwayeesha saawa, “Diita bea madeedean.” Ng'ata gwayeesha Yesu saawa, “Aba huumwa, geayeeshiineegwa, fuga ang'oonyi gwaadi ea fuga hiseada gaygoosheedeaweegwa beata jeeda sugoocheanduumeeda ASEETA.

Mattayo 21:31 Referans Kwoze

Lukka 7:29

(Iiduw nea ghwayiiy fukka ng'asheesu sea fuga ang'ng'oonyi gwadiin geamwas dobiiwnatta Aseetta aba gideaba fiisu fuga ghayi sippattiisan aba gibattiisanda Yohaana;

Mattayo 7:21

“Mii giliwas sih ennisean, ‘Ng'uttamiida, Ng'uttamiida,’ jea gawa jeeda sugoochcheandumeeda humng'eeda, geaghus siida sin gidagasa Bwaabwa mida humng'eeda.

2 Betro 3:9

Asi Ng'uttamiida mii lambeech aba heelleesiindaannyi gawuurji girarda mwaatkwa gideaba alambeech, niny iissa ghamilightaneagwa, nea magassa gideaba gayghwaroat sih, niny gagasa gideaba gayghwanyas sean dukkunooda.

Ruumi 5:20

Deaweeda ghwahidu ak gwaheedu gidinyeandida muuchchi, ammuchchu nea gwaheedu ring'eeda hean gwaheedu dagheerjeandumeeda ea ghwanaawda,

Ruumi 3:19

Asi sinalli gideaba ng'asheega sean rugu deaweeda gwarukuna badahuukka fuga mida jeeda deaweeda, ak abeeda gearat ghuusiga sean, ak gawa ng'eanyiisean jeeda girgweageeda Aseetta;

Mattayo 20:16

Asi, gwasunu eara fuga huydean gayghoaw fugeammwadi, nea fugeammwadi gayghoaw fuga huydean.”

Gadiyeeda Giijasoodiga 17:30

Damanda lendeeda ninaawa geaw Aseetta, ak ghamneawa gwarukusa buuneeda gideaba aduukkuunana ring'eegeagwa,

Lukka 19:22

Gwayeeshsha niny, ‘Gaydeargweaksinaneey ng'asheanda ghuuttaang'u, soomjeanda muy! Ginali gideaba geawoschi hang'waay geageandi gidamiideanyu, ak ghaalaji gea meahistani?

Lukka 15:10

Asi gwasnu, ak geayeeshshineegwa, gaygahoosan malaykajeega Aseetta appadayda siida assagi mideawa ring'eada iduukkuuna.”

Mattayo 18:3

ak gwayi, “Aba huumwa geayeeshshineegwa, imwoayami geat ea awuurjeewana diibiga, ea majaghannyi aweayeena jeeda sugoochcheandumeeda humng'eeda.

Mattayo 12:50

Aba gideaba siida wassean nyoo gwasin gitta bwariiy Bwaabwa mida humng'eedean, siisi abeeda oorjeeda giyyeanya gil, ea huda giyyeanya, ea iyya.”

Mattayo 9:9

Damanda ng'attaawa Yeesu aba hoowa ghwadaa siisi suguura Mattayo nea gwanda jeeda ghoriida sing'ng'oonnya gwaadi; gwayeeshsha, “Eanni geeshteanyu.” Ghang'eat ak ghwaat geeshta.

Mattayo 6:5

“Asi iyoamwaashchi Aseetta, ea adoowurjeewi fugiga ammiittu geadiin; saawa ghabwariiy ghamwaash Aseetta nea ghaminaada aba jeesinga ghorajeega siinnealshachcheewa ea ghuusiga naweadinga, ghwadaa buuneeda. Aba huumwa, geayeeshshineegwa, nigeawiit ghwanyas gimearda nyaawa.

Mattayo 5:18

Aba huumwa geayeeshshineegwa; eara ghang'atta humng'eeda ea ng'eanyiida, ghanyeamanda eara hiji mwanang', ghana roobadeanagi mwanang', muuchchi bea deaweeda majeegeanda ea gwasa ng'asheega sean.

Mattayo 5:46

Aba gideaba iyoabwariinyi gea bwariinyeagwa agooga, gajanyasa anagiimwaar? Neada eara fuga ang'ng'oonyi gwaadi saawa ea masinniidunu?

Mattayo 21:30

Gaweesa siitta bea iyyeenyean ak gwarukuteayda gidagwachchi; ghwasha nea gwayeeshsha, ‘Gaydawa, Siida mureeda,’ ak ea mawa.

Yohaana 3:3

Ghwasha Yeesu ak gwayeeshsha niny, “Aba huumwa, aba huumwa geayeeshshineey siida imebiikta eeji deaba iyyeennya ea mayghwadaah sugoochcheandumeeda Aseetta.”

Yohaana 3:5

Ghwasha Yeesu ak gwayeeshsha, “Aba huumwa, aba huumwa, geayeeshshineey, siida imiyeejiilna beega ea Gurorooda ea mayghoammu gawa jeeda sugoochcheandumeeda Aseetta.