Mattayo 20:28 - NEAJEEDA EESH BEA BUUNEESSEAN

²⁸ aba sareani eara Balleanda Siida mwoani egadiyeesa niny ghwaan gagadiyi, ak ghoadayda aweagaaschi ghoaw leadeeda fuga saang'a.”

Bibliyeeda Ghaydit

²⁸ aba sareani eara Orjeeda Siida moani eegadiyeesa niny ghoan gagadiiy, ak ghoadayda eaweagaaschi ghoah leadeeda fuga saang'a.”

Mattayo 20:28 Referans Kwoze

Ebraniya 9:28

gwasnu eara Gristo, niny ghayi geattayda nibwagi ak gageanda ring'eega fuga saang'a, gayghwahidu deaba iyyeenya, ak ea mayghwahidu appadayda ring'eeda niny gayghwaan gwalealu fukka amuukku niny muuchchiin.

Lukka 22:27

Aba gideaba ahaw ng'eaha, siida apteada ak gweagiischi, ghana siitta gadiyeesa buneedeani? Ak ghaghanyi gajea siitteani agiischiini. Ak aniini aba jeedeang'wa geawurjeewi siida gadiyeeda.

Ditto 2:14

nea niny ghoadayda geaw appadahuukkaasa ak ghaweadaneasa ng'asheega munyas sean ak ghoammiidu fuga jea ghoaw gaaschi nea gamilmiliidi aba sinooda ng'asheega miyaas.

1 Betro 3:18

Aba gideaba Gristo eara niny ghami nibwagi appadayda ring'eeda, ninnyeeda doabiiwaat appadayda gea mii doobiiweadi, aba gideaba gweanneassa heeda Aseetta ak geenuus saseadaannyi nea guroroodaannyi geettuudu;

1 Dimotteo 2:6

nini gabeagu eaweegaaschi nea gabwageaw ak ghoaw siida jea goottin buuneessean, ak gajeemuuwwu aba damandaanyi.

Giidaheechta 1:5

biissa gwaleabu heeda Yeesu Gristoyda was muushoochcheanda doabiiwaat, was duweachcheeda fuga nimeewa, ak goombal sugoodiga mida ng'eanyiida. Heedeaba ninnyeeda bwariinyeasa ak gottineasa ehelleewana ring'eegaasa aba foojeandaannyi

2 Goriinto 8:9

Aba gideaba noanalli dagheerjeandumeeda Ng'uttamiideanya was Yeesu Gristo, earappeadi baruuriin, hean ghabwarbwariit appadahuukkeagwa, ak abeeda aba barbarandaannyi ghoahuuyi baruurji.

Ebraniya 5:8

Earappeadi was Balleanda, ghwanal mureeda aba gitta ghayi sawaniin;

1 Betro 2:24

Niny ghwasar ring'eagaasa aba saseadaannyi aba uhuuda geetta, ak abeeda geemeewayi aba ring'eeda, ak geewoschi majeekcheewi aba doabiiwnatta, aba deanneaduutkaaschi ea siihabeasa.

Efeeso 1:7

Aba niny geendeawi ghuhooda aba foojeandaannyi, was samsiinda ring'eeda, aba gitteenna dagheerjeandumeadaannyi.

Marko 14:24

Gwayeeshsha Yeesu, “Suuh foojeandeanyu neajeeda ghayi sihhiida appadahuukka fuga saang'a gil.

Mattayo 26:28

Aba gideaba suu foojeandeanyu bea neajeeda gil, ak geahiida appadahuukka fuga saang'a aba geandeayda ring'eeda.

Efeeso 5:2

Ak ghoabeawi bariinyeega, gawuurji gidabwariiydaneasa Gristo ak ghoadayda geaw appadahuukkaasa, ak ghoaw haleanjeeda sisappa geadi bea ghadoweeda ng'andit aba heeda Aseetta.

Galattiya 3:13

Gristo goottinnaneasa jeeda mooshteayda deaweeda, aba gideaba niny sumwaashta aba badahuukkaasa aba gideaba gwayi Ng'ooruutka, “Sumwaashta gilinyoo ea sii gil siratta aba uhuuda geetta,”

Ruumi 4:25

ak geenuus aba gidiinyeannyeakkaasa ak gooduudu ak geenyaschi doobiiwnatta.

1 Yohaana 2:2

nea niny ea siida jea ghoadayda leadeeda riing'eagaasa, ak ea meakghusa gaasa akghwahit eara riing'eega muunda ng'eanyiissean.

Ebraniya 2:10

Aba gideaba ghwahit aba headaannyi, niny ea aba heeda dea ghayi abiideewa haleanjeessean, ak gweadu balloojiga sean heeda gigheambiitta ak ghoaw gidamadeeda jea gagadiyeatta bea lealeanoodean aba sawanadeeda.

Yohaana 10:15

gidanaldanaan Bwaabwa, ghaanalli Bwaabwa; aniini ghaghaashti eaweegeasu appadahuukka gisilga.

Mattayo 8:20

Gwayeeshsha Yeesu, “Fureayoonga gwandeawa shoomeanga, dariidakka gwandeawa ghoorajeega; nea Balleanda Siida ea mandeawana heechea ghwayiin uhuudannyi.”

Mattayo 20:27

nea siida wassean aba jeedeang'wa igasa ghoaw siida madeeda ea doawa ging'ng'oonyaneedeang'wa;

Marko 10:45

Aba gideaba Balleanda Siida ghayi mwoani egadiyeesa. Ghayi ghwaan Niny gagadiyeesa buuneeda nea ghwaan gabeagu eaweegaaschi aba gittinnooda fuga saang'a.”