Mattayo 20:26 - NEAJEEDA EESH BEA BUUNEESSEAN

²⁶ Ea maygwasunu aba heedeang'wa nea siida gasa gwaheedu aba jeedeang'wa, ea doawa soomjeandeang'wa,

Bibliyeeda Ghaydit

²⁶ Ea maygwasunu aba heedeang'wa nea siida gasa gwaheedu aba jeedeang'wa, ea doawa soomjeandeang'wa,

Mattayo 20:26 Referans Kwoze

Marko 10:43

Duukku agooga ea mii gichchea awurjeewana. Aba siida gasa hawunda aba jeedeang'wa doawa siideang'wa bea gadiyeeda.

Marko 10:45

Aba gideaba Balleanda Siida ghayi mwoani egadiyeesa. Ghayi ghwaan Niny gagadiyeesa buuneeda nea ghwaan gabeagu eaweegaaschi aba gittinnooda fuga saang'a.”

Marko 9:35

Hean iiduw gawa Yeesu goopteada ak gaguursa ginealangaaschi attamaniyyeenya. Gwayeeshsha, “Siida gasa ghang'atta madeedeaba suurja dayiina geaw ng'eanyi ea gahuuydeana buuneessean ea ghoaw siida gadiyeesa buuneessean.”

1 Betro 5:3

nea adoowuurjeewi fuga ambaliischi aba heedeaba fukka mida hiing'eadaydeang'wean gidabal ghoahuunyi gichchea eegala aba mughusheandida.

Lukka 18:14

Geayeeshshineegwa, ghwararang'ada siitta ang'ng'oonyi gwaadiin gawa gheannyi nea sittaw doobiiwnatta ea ghang'al niirja; aba gideaba siida nyoo godiing'u geaw gajeahiing'u, nea dea hiing'u geaw gajeettiing'u.”

1 Betro 4:11

siida wassean balool, gawuurji dea rukku ng'asheega Aseetta; nea dea wassean sin gadiyeeda, dawuurji dea sin gadiyeeda aba uurda adaw Aseetta; ak abeeda aba haleanjeessean geakghaambiit Aseetta aba naweeda Yeesu Gristo. Gigheambiitta gammiisa niny ea gheambalmeeda ea ghoaw damanda manda muudeanooda. Amin.

Mattayo 25:44

Abeeda gayghwasha saawa nea gwayeeshsha, ‘Ng'uttamiida, nii gajea aneaweechcha gil sidaahaneey nea gibearjeewi jalooda, ghana muwooshta ghana wosa rabascheanda ghana wosa dawiish, ghana miyaana ghana midana ghealooniga, ak ameaweadeay?’

Ebraniya 1:14

Neada malaykajeega gadiiyi ghayi sichcheagu gagadiiyeesa, appadahuukka fuga jea ghwanyas lealeanoodeani?

Filimoon 1:13

Gaydahoosan aniini iyabiida heedeanyu ak ghaweadan aba meatkweedeang'wa damani eandeawi ghealooniga appadayda giijasta miyiin,

2 Dimoteo 1:18

Ang'iing'i ginali muuchi gidaghayi deawiitta aba ngeanyiida Efeso appadaydeanyu. Gagasa ghweadaw Ng'uttamiida eaweedida.

2 Goriinto 1:24

Nea mii gideaba geegasayi eeppala masaweegeagwa; geegadiyi sea agooga aba hooseaneegeagwa, aba gideaba ghoomiinaadi muuchchi aba masaweegeagwa.

Gadiyeeda Giijasoodiga 13:5

Iiduw nea ghwahitta Salami, gwarukkwiida ng'asheega Aseetta aba jeesinga ghoorajeega sinealshachcheewa bea fuga Yahuudi. Nea abeetta gwandeayi sea Yohaana nea ghaweat saawa.

Yohaana 18:36

Ghwasha Yeesu nea gwayeeshsha, “Sugoochcheandumeedeanyu maba badaydeaba ng'eanyiini; ama inyeetta sugoochcheandumeedeanyu gaba badaydeaba ng'eanyiini, ghwanyawa gaygang'uchchi soomjoogeasu aba meatkweedeanyu ameayiinan geattinga fuga Yahuudi; amaduukku ghamneawa sugoochcheandumeedeanyu ea maba ng'eanyiini.”

Mattayo 27:55

Abeeda aba hoowa gwanda gadeemga saang'a ng'ula nea sheagi. Suh gadeemga ghayi eadu geeshta Yeesu nea gwaleabu Galilaaya nea gagadiyeesa.

Giidaheechta 17:6

Ghaadaayi gatmoodida, nea niboogit aba foojeanda fuga ghaydidi sea foojeanda sinuus appadayda Yeesu. Hean nea ghaadaayi gatmoodida ghahamwan ng'eanyi gidahaw.

Mattayo 20:27

nea siida wassean aba jeedeang'wa igasa ghoaw siida madeeda ea doawa ging'ng'oonyaneedeang'wa;

Lukka 22:26

Agooga ea mii gichchea awurjeewana; aba agooga siida gasa hawunda dawuurjeewana siida mwanang'eawa sean, nea siida gasa ghang'atta mwadi dawuurjeewana siida gadiyeeda.