Mattayo 2:6 - NEAJEEDA EESH BEA BUUNEESSEAN

⁶ ‘Nea ang'iing'i, Ea Betlehemooda ng'eanyiida Yuuda, ang'iing'i muwosi mwanang'eawa eara hay sugoodiga ng'eanyiida Yuuda; aba gideaba headaang'u gaygwarinna sugoochcheanda, jea ghoahaghwa buneedeanyu was Israeeli.’”

Bibliyeeda Ghaydit

⁶ ‘Nea ang'iing'i, Ea Betlehemeeda ng'eanyiida Yuda, ang'iing'i muwoosi mwanang'eawa earahay sugoodiga ng'eanyiida Yuda; aba gideaba headaang'u gaygwarina sugoocheanda, jea ghoahaaghwa buuneedeanyu was Israeli.’”

Mattayo 2:6 Referans Kwoze

Yohaana 7:42

Neada ng'oruutka ea mayi, Gristo gaygwaleabu dooshta Dawdi, ak gwaleabu Betleheemu gharang'da abiitta Dawdi?”

Giidaheechta 11:15

Ghaghuut durumbeatteadaannyi malaykajeandeaba ispwa, ak ghwanya ghuusiga ajuur aba humng'eeda, nea geeyi, “Sugoochcheandumeeda ng'eanyiida goolla ghoaw sugoochcheandumeeda Ng'uttamiideanya ea dea Gristoydaannyi, ak gaygoombaliischi ea ghoaw damanda manda muudeanooda.”

Mattayo 28:18

Ghwaan Yeesu heannyaawa ak goobalool ak gwayeeshsha, “Sugoonan gheambalmeeda sean aba humng'eeda ea ng'eanyiida.

Giidaheechta 2:27

ak gayghoohaaghwiida saawa bileangida gharinnyeanda, gawuurji gidiissa ghwanyarda haleanjeeda sisna sigeeda ak ghoaw banajanga, gwasnu earaniini naanyaschi uurda leabu heeda Bwaabwa;

Golosaayi 1:18

Nea niny ea uhuuda saseeda gil, nea dea Ganiisa, nea niny ea ging'eetta, ak ea duweachcheeda leabu miyeeda, ak abeeda ghoaw siichchea goosheedeawa haleanjeessean.

Mattayo 2:1

Damanda sijiila Yeesu aba Betleheemooda Yudeeya, damanda waseewa Herode sugoochcheanda. Ng'ulla, ghwahidu Yerusaleemu weaghoodiga leabu heeda ghayeawa nea gwayi,

Efeeso 1:22

ak ghwayiin haleanjeesean hing'eadayda geeshangaaschi ak ghoadaw hawunda haleanjeessean appadayda ganiisa,

Yohaana 21:16

Gabiikta gwayeeshsha niny deabiyyeenya, “Simon, balleanda Yohaana, gibwarinyaani?” Gwayeeshsha Betro niny, “Eah, Ng'uttamiida; ginali gideaba ghabwarinyeay.” Gwayeeshsha, “Ahaaghwana gisilgeasu.”

Ebraniya 7:14

Hean adaach gideaba Ng'uttamiideanya gwaleabu jeatta Yuuda, iiduw aba gidaguyeatta sea emeetta ghanyea marukuna gil Muusa appadayda ashoohoodiga.

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoaw jeagiischoochcheanda nyaawa, ak gaygoodoobiiwseegwa gheang'deenda mida beega mideawa eaweega; ak Aseetta gaygoobuus dabeakka sean mida gheanyanga nyaawa.”