Mattayo 19:29 - NEAJEEDA EESH BEA BUUNEESSEAN

²⁹ Nea giliwas sih nung'usa heeda gheeda ghana oorjeeda ghaamwat ghana haweega ghaamwat ghana ghwaan ghana ghamwaat ghana diibiga ghana madameega, appadayda gheawungeasu, gayghwanyas niba bughala ak gwahearan eaweega manda mudeanooda.

Bibliyeeda Ghaydit

²⁹ Nea giliwas sih nung'usa heeda gheeda ghana orjeeda ghaamwat ghana haweega ghaamwat ghana ghwaan ghana ghaamwat ghana diibiga ghana madameega, aba badayda gheawungeasu, gayghwanyas niba bughala ak gwahearan eaweega manda muudeanooda.

Mattayo 19:29 Referans Kwoze

Filippi 3:8

Aba huumwa ghaanung' ghoaw haleanjeesean gil nirooda aba gitta naawda aba nalooda Gristo Yeesu was Ng'uttamiideanyuun. Appadaydaannyi naanung' gwarooda haleanjeessean, ak ghanung' ghoaw haleanjeeda mwadaagha, ak abeeda ghaanyaschi Gristo

Lukka 14:26

“Siida iihidu heedeanyu nea mwasta ghwaan ea ghaamwaat ea gatmoadaannyi ea diibigaaschi ea oorjooga ghamwaat ea haweega ghaamwat, nea amwasta eaweagaaschi mwoammu ghoaw ginealaneedeanyu.

Mattayo 16:25

Aba gideaba siida gasa ghoaghu aweagaaschi gaygahutteawi, nea siida hutteawi aweagaaschi appadaydeanyu, gayghwadaah.

Mattayo 6:33

Anyoo ghannyi oshsheeda agassa sugoochcheandumeadaannyi ea doobiiwnattaannyi, ak abeeda gajeehheaneegwa haleanjeeni seaniin gajea geagwa.

1 Betro 4:14

Iisiyeattaneagwa ghuut aba gheawunga Gristo ea ng'wanaweegeagwa gil aba gideaba gurorooda gigheambiitta bea Aseetta gwanda badaydeang'wa.

Mattayo 10:22

Nea gayghwasteagwa buuneassean aba gheawungeasu. Nea siichchea ghamilikghta ea gammudean abeeda ea siichea eelealu.

Yohaana 15:19

Inyeetta ghwanyawa gobeayi ng'eanyiida, gwachchi gayghabwariiy ng'eanyiida fugaaschi; asi aba gideaba moabeahi ng'eanyiida, geaghus gideaba ghaloachcheagwa aba jeeda ng'eanyiida, aba sareani ghwasteagwa ng'eanyiida.

Lukka 6:22

Ghoang'wani agoogeeda sideagwa buuneeda, nea gwahistaneegwa nea gong'eawweegwa ak geemmunyasiidi gheawungeagwa, appadayda Balleanda Siida!

Mattayo 5:11

“Ghoang'wani agooga iyang'eawweegwa buuneeda nea geesawaneegwa nea geerukuna badahuukkeagwa ng'asheega munyas sean aba ng'uyyeega appadaydeanyu.

1 Goriinto 2:9

gawuurji gissung'waarda, “Haleanjeeda manda gheang'da nidaa, ghana iitta niyiiy, ghana ghoapkaat guroorooda siida, haleanjeeda nigeawiit gwasissin Aseetta appadahuukka fuga bwariiy niny.”

Gadiyeeda Giijasoodiga 9:16

ak gaydaahiimsa ng'asheega saang'a jea ghwanyasa sawanadeeda aba gheawungeasu.”

Mattayo 25:34

“Ng'atta gaygwayeeshsha sugoochcheanda fukka mida meatkweadaannyi bea geattinda dugwean, ‘Abeenni agoogeeda ghayi nugooneegwa Bwaabwa ghawooda ahearana sugoochcheandumeeda ghayi sibay erarseegwa ghang'eada dea ghayi subwada ng'eanyiida;

Mattayo 19:16

Hean gabeessa Siyagi ak gwayeeshsha, “Giinealshoochcheanda, gaydasin ana ng'ashaan miy ijadanyas eaweega manda mudeanooda?”

Mattayo 13:23

Nea dea sihisa heeda sigeeda miyasiin ea siitta iiy ng'asheandideaniin ak gwajeeng'uuni; nii dea jih haghweega, gwaji akkalealla bughala, akwaji nii laadam, akwaji nii diktam ea damanamughuush.”

2 Goriinto 5:16

Ghang'eada ghamneawa, asi aseasa meesissiini siida wassean mureeda aba ng'asheega saseeda; earappeadi aseasa sinalli Gristo gideaba siida gil, amaduw ghamneawa ea mudea gissinaldi.

Mattayo 25:46

Abeeda fiisu gaygaweay jeeda ghoorjooda manda mudeanooda, nea fukka doobiiweadiin gaygaweay jeeda eaweega manda mudeanooda.”

Mattayo 13:8

Suuk goobitpissa heeda mida sigeeda miyaas, gwardu ak gwaji akkalealla bughala, gwaji niirja laadam, gwaji niirja diktam ea damanamughuush.

3 Yohaana 1:7

Aba gideaba saawa gaweay appadaydaannyi ak ea moang'ng'waanya gil aba heeda fuga emoojiga.

Lukka 5:11

Aruunna maleambajeega nyaawa jeeda basooda ghang'eatng'eat gwanung'sa heeda haleanjeessean ak geayaat geeshta.

Yohaana 4:36

Siida lach booga ninyas mushahareadaannyi, nea iissa ghoawaam haghweega aba eaweega manda mudeanooda, ak abeeda gaygahoosan duwaawi siida heetta hista ea daalach.