Mattayo 19:28 - NEAJEEDA EESH BEA BUUNEESSEAN

²⁸ Gwayeeshsha Yeesu saawa, “Aba huumwa, geayeeshshineegwa, agoogeeda oyeadu geeshteanyu aba ng'eanyiideesh, jea ghwahidu eaweeda jea goopteadawa Balleanda Siida hoorgeadaannyi ghambiidaat, abeeda earagooga gajooppiidana hoorgajeekka attamaniyyeenyean ak goorgweaksi eemoojikka attamaniyyeenya bea Israeeliin.

Bibliyeeda Ghaydit

²⁸ Gwayeesha Yesu saawa, “Aba huumwa, geayeeshiineegwa, agoogeeda ooyeadu geeshteanyu aba ng'eanyiideesh, jea ghwahidu eaweeda jea goopteadawa Orjeeda Siida hoorgeadaanyi ghaambiidaat, abeeda eara agooga gajoopiidana hoorgajeegiga atamaniyeenyean ak goorgweaksi eemoojigiga atamaniyeenya bea Israeliin.

Mattayo 19:28 Referans Kwoze

Mattayo 25:31

“Damanda jea ghwahinna Balleanda Siida aba jeeda gigheambiittaannyi, nea goodeana malaykajeega, hean gaygoopteada aba uhuuda hoorgda giigheambiittaannyi.

Giidaheechta 20:4

Hean ghaadaayi hoorgajeega gheambalmeeda, nea goobiitbiida badahuukka fuga jea goorgweach. Ak ghaadaayi guroruunatka fuga ghayi silajaada gheatkweaka aba badayda muwunnooda Yeesu ea appadayda ng'asheanda Aseetta, ea giikka ghayi mii ghaghadoawan diyeaydideaniin ghana gitta sirattiidean nea miighwanyas giroraneadaannyi aba gheamamuuunatka nyaawa, ghana geattinga nyaawa. Ak gwaduuttu, ak goombaliischi sea Gristo gweannyeew sagalam.

Giidaheechta 7:4

Ghaayiinyi monneeda fuga sirroor, fii sagalamnyooji bughala ea haradam ea ang'wan sirroor, aba giliwas eamwa aba jeeda balloojiga Israeeli,

2 Betro 3:13

Nea aba heelleedaannyi geammuughu humng'eedeesh ea ng'eanyiideesh mida jeeda doabiiwnatta.

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Giidaheechta 21:5

Ng'atta gwayi siitta apteada aba badayda hoorgeeda gheambalmeedean, “Ng'ulla, gaydanung'u gaweeriidi haleanjeessean.” Ak gwayi gichcha, “Ng'waara ng'asheesu, aba gideaba ng'asheesu doobiiwanatta gil ak ea huumwa.”

Giidaheechta 4:4

Ak gwaneaweesa hoorgeedida bea gheambalmeedean hoorgaji diktam ea ang'wan bea gheambalmeeda, ak ghaadaayi gwearu diktam ea ang'wan, aba uhuudeaba hoorgajeegiga bea gheambalmeedean nea goobiitbiit, nea siikwealsa hang'weakka eashish, nea iheenga nyaawa gwanda shiipka lagheanga meeng'meeng'i.

Giidaheechta 3:21

“Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeatti ak geapteadi sea Bwaabwa aba uhuuda hoorgeedaannyi bea gheambalmeeda.

2 Dimoteo 2:12

Nea isimilikghiti, gajeembalischeena sea ninyi, Nea isiheawu ninyi, ninyi earada gay ghwaheawaneasa.

Gadiyeeda Giijasoodiga 3:21

was dea gasa goobiida humng'eeda ea ghwahitta damanda jea eang'ng'eada ng'asheega sean ghayi rugu Aseetta aba ghuusiga sibangaaschi ghaydidi ghang'eada dea waas.

Mattayo 20:21

Gwayeeshsha niny, “Gigasayi naaha?” Ak gwayeeshsha, “Rukta gideaba orjoosu ikkeasu assiyyeenyean nung' goopteada akkalealla aba gattindaang'u bea dugwa ak ginung' goopteada niirja aba gattindaang'u ghadaam aba jeeda sugoochcheandumeedaang'u.”

Giidaheechta 22:2

nea bugusta naweadinga mujiini, earada, meatkwajeega sean bea enda, abeeda gwanda geetta eaweega, mideawa haghweega heeluut damaniyyeenya, nea inyeessa gooruudu haghweagaaschi gilashsheah; nea seengeaba geedi gaba giheapta emoojiga.

Giidaheechta 12:1

Ng'atta geadaa gwadeagooda haw aba humng'eeda was gatmooda siikwealsa aseetta, nea gwanda jeeda baneaguukka geeshangaaschi sheeda, nea uhuudaannyi gwanda shiipka miinga attamaniyyeenya;

Mattayo 6:33

Anyoo ghannyi oshsheeda agassa sugoochcheandumeadaannyi ea doobiiwnattaannyi, ak abeeda gajeehheaneegwa haleanjeeni seaniin gajea geagwa.

Mattayo 8:20

Gwayeeshsha Yeesu, “Fureayoonga gwandeawa shoomeanga, dariidakka gwandeawa ghoorajeega; nea Balleanda Siida ea mandeawana heechea ghwayiin uhuudannyi.”

Mattayo 19:27

Deagheatta ghwasha Betro nea gwayeeshsha, “Ang'wearda, aseasa sinung'wi heeda haleanjeessean ak geeyeadu geashtaang'u. Abeeda gajeanyasa naha?”

Marko 10:37

Ghwalamda Saawa ak gwayeeshsha, “Aniyean nung' goobiida siyagi meatkweadaang'u bea geattinda dugwa, nea goobiida niirja meatkweadaang'u bea geattinda ghadaam eaweetta sikghambidaneey.”

Giidaheechta 11:16

Ak gwearguga attiktam ea ang'wan abiitbiida hoorgajeega nyaawa bea gheambalmeedean ammadeeda Aseettean goobeedeayi ak ghabwada jeesinga ng'eanyi nea ghamwaash Aseetta,

Giidaheechta 22:5

Ak ea maygutgwanda eaweeda; nea magasa weeshinda gheaboong'nyeanda ghana aseetta aba gideaba Ng'uttamiida was Aseetta gayghoaw weeshinda nyaawa, saawa gaygoombaliischi ea ghoaw damanda manda muudeanooda.