Mattayo 19:22 - NEAJEEDA EESH BEA BUUNEESSEAN

²² Iiy Ghearemaneedida ng'asheanji ghang'eat gawa nea gagiisan, aba gideaba gwandeawa haleanjeessang'a.

Bibliyeeda Ghaydit

²² Iiy Gheareemaneedida ng'asheanji ghang'eat gawa nea gagiisan, aba gideaba gwandeawa haleanjeeda saang'a.

Mattayo 19:22 Referans Kwoze

Mattayo 6:24

“Manda siida ammu gagadiyeesa fiisu hees iyyeenya. Aba gideaba gayghwasit agi nea ghabwariiy niirja, ghana ghoang'ngwaay geat sea nii ak gafool niirja. Majoammuusa agadiyesiina Aseetta ea baruureega.”

Mattayo 13:22

Nea dea abissa jeeda geediga halaghweenga, ea siitta iiy ng'asheanda amaduw aba geawunda gheang'da barureega badayda ng'eanyiida, ghaminighis ak ea mudugwaji haghweega.

Golosaayi 3:5

Asi anung'waada ng'asheega munyas bea munda ng'eanyiida mida saseenuukkeagwa: was hiseadayeandumeeda, ririnnyeanda, geawunda gheang'da muyi, giitteemshooda muy, ea shidoodeaba ghaang', ea ghadoowanda gidamawosa Aseetta.

Efeeso 5:5

Agooga ghoanalli ng'asheanji gideaba siida hiseada ghana dea sina ng'asheega munyas ghana dea gaseadayyi haleanjeeda ea dea (bada gidamwadaagha ghwanung' ghoaw Aseettaannyi) manda dea jea gwahearan gheambalmeeda Gristo ea Aseetta.

Marko 10:22

Iiy Siidida ng'asheanji gafu duwunda ak ghang'eat gawa nea nigiisan, nea gwasin gideaba abeeda siidida meanang'ochcheanda gil.

Mattayo 16:26

Ama siida gaygwaloosa naaha iinyas halanjeassean bea muunda ng'eanyiida, amaduw gahutteawi aweagaaschi? Ghana siida gayghoadayda naaha ak ghoaghiisa aweagaaschi?

Lukka 18:23

Iiy niny ng'asheanji gagiisan, aba gideaba eabaruur muuchchi.

Mattayo 14:9

Gagiisan Sugoochcheanda; amaduw nea ghoapkaat habeawooda ghwanyawa akk ea gheanyanga rabasta ghwanung' eattaw;

Marko 6:26

Iiy Sugoochcheanda ng'asheanji gagiisan muuchchi. Apkaat habeawajeega ghwanyawa ak aba madeeda rabasta ghwaraay gichchea ghaheawaatta ng'asheenji.

Mattayo 19:21

Gwayeeshsha Yeesu niny, “Iigasayi huuwa siida hidaat, guwi ak gishaaydi haleanjeadaang'u indeawi, ak giidawi fuga barbari, ak abeeda gaymideawana gheaseeda aba humng'eeda, ama ng'atta guwuni eanni geeshteanyu.”

Mattayo 19:23

Gwayeeshsha Yeesu giinealangaaschi, “Aba huumwa geayeeshshinegwa gajahang'waay beatta jea gawa meanang'oochcheanda jeeda sugoochcheandumeeda humng'eeda.

Yohaana 16:20

Aba huumwa, aba huumwa, geayeeshshineegwa, agooga gajooyyeawda nea goguttu heareega ak gaygang'weela ng'eanyiida, gajoogiisana amaduw gayghwayamwa giseaneegeagwa ak ghoaw hoseaneega.