Mattayo 17:20 - NEAJEEDA EESH BEA BUUNEESSEAN

²⁰ Gwayeeshsha Yeesu, “Gwasin gheashooyda masaweegeagwa. Geayeeshshineegwa aba huumwa, inyeeda goondeawi masaweega deenna ghajilleanda haradaali, gajoammusa ayeeshshiina giijeeni, ‘Loadadawana hiji ak guwi hoowa,’ ak gaygawa, ak ghannyi ea manda ng'asheanda hang'waay mwajoammuusa sinooda.

Bibliyeeda Ghaydit

²⁰ Gwayeesha Yesu, “Gwasin gheashooyda masaweegeagwa. Geayeeshiineegwa aba huumwa, inyeeda goondeawi masaweega deena ghajiileanda haradaali, gajoamuusa ayeeshiina giijeeni, ‘Loadadawana hiji ak guwi hoowa,’ ak gaygawa, ak ghanyi ea manda ng'asheanda hang'waay majoamuusa sinooda.”

Mattayo 17:20 Referans Kwoze

Lukka 17:6

Gwayeeshsha Ng'uttamiida, “Inyeeda goondeawi masaweega deenna gheang'nyeanda geetta suguura haradaali, abeeda gajoammuusa ayeeshshiina meagheayeanda, ‘Loadaana ak geng'eapseey jeeda basooda,’ ak gayghoawal gheang'deang'wa.”

Marko 11:23

Aba huumwa Gaydarukuneegwa gideaba, ‘Ghamneawa siida eashsha,’ gijeeni loadaadawana hiji ak guwi jaksiina geaw jeeda basooda nea siisi gwarukuta ng'asheanji nea mwanyeaha jeadaannyi, ak ghamwas gideaba ng'asheega sean rugu gaygwasa, ng'asheanji gajeesissa.

Lukka 18:27

Ng'atta gwayeeshsha, “Ng'asheega hang'oonyi aba heeda siida aba heeda Aseetta miihang'waay.”

Lukka 1:37

Aba gideaba manda ng'asheanda jea ghwaraay Aseetta.”

Mattayo 21:21

Ghwasha Yeesu nea gwayeeshsha saawa, “Aba huumwa geayeeshshineegwa, iyondeawi masaweega nea manda jeesingeagwa machmajeega, ghoammuuschi nea majeaghus nii bea shaboogheechcheandean akghwahit, gajoammusa eara gideaba gajayeeshshiina giijeeni, loadaada ak geejakseey jeeda basooda, ak gaygwasa.

Marko 9:23

Gwayeeshsha Yeesu, “Gwayi immuusi gili! Aba siida mideawa masaweega manda gichchea gwadilna.”

1 Goriinto 13:2

Nea eara dandeawa uurda sibaneandumeeda, ak ghaanalli makcheamuutka sean bea fughareeda, ak geandeawi masaweega sean, ammu goobaleak giijeega, ak ea meandeawani bariinyeega, meawosi gil.

Mattayo 13:31

Gwarukta gichcha galeega nea gwayeesha, “Sugoochcheandumeeda humng'eeda gawuurji sea ghajiileandageetta suguura haradaali ghayi geanu siida akwahisa jeeda madamnyandaannyi;

Yohaana 11:40

Hean gwayeeshsha Yeesu niny, “Heappi midarukuneeyi gideaba iimwasi gaydaaha gigheambiitta Aseetta?”

Marko 4:31

Gaydagala ghajilleanda haradaali. Ghajilleandeaba geedi amwanang' ea ghwalaabwa hoowa ghajilleamba geat nuut.

Ebraniya 3:19

Hean geadaayi gideaba mayghoammu gaweay jeeda aba nyootta masaweega.

Mattayo 17:17

Ghwalamda Yeesu nea gwayeeshsha, “Ea seaygeeda mandeawana masaweega biissa ea roodeadi, gajeendeaydooscheena ea ghoaw eeju? Agooga gaydamilikkiidaneegwa ea ghoaw eeju? Ayeanni heedeanyu”

1 Goriinto 12:9

nuut geattaw masaweega aba Guroroodida, nea nuut geattaw giimmuusta jea ghoahaabwa buuneeda aba Gurorooda assagiin,

Mattayo 17:9

Iiduw nea ghwararang'aana giijeeda, gwayeeshsha Yeesu, “Adiiduw goorukusi eara sih iitteaba ng'asheesu oadayiin ea eaghus ea niduunna Balleanda Siida jeeda miyeeda.”

Mattayo 8:26

Gwayeeshsha Yeesu, “Anda nung'udeagwa muuwda, Ea fuga mwanang' masawi.” Ghang'eat ak gwareekusa jeammeeda ea basooda ak ghahawuda basooda ea gwayi saw.

Mattayo 17:19

Iiduw ghoahudaada Giinealanga ea gaweay heeda Yeesu, ak gwayeeshsha, “Anda aseasa gearaannyi erruutta?”

Marko 11:22

Ghwalamda Yeesu ak gwayeeshsha, “Agooga amwasa Aseetta.

Mattayo 14:29

Gwayeeshsha, “Beenni.” Ng'atta ghwararang'aada Betro aba jeeda maleambooda ak gawa appadayda beega nea gagal heeda Yeesu;