Mattayo 14:33 - NEAJEEDA EESH BEA BUUNEESSEAN

³³ Hean ghaghadoawan fukka sean mida jeeda maleamboodean nea gwayeeshsha, “Aba huumwa ang'iing'i guwosi Balleanda Aseetta.”

Bibliyeeda Ghaydit

³³ Hean ghaghadoawan fugiga sean mida jeeda maleamboodean nea gwayeesha, “Aba huumwa ang'iing'i guwoosi Orjeeda ASEETA.”

Mattayo 14:33 Referans Kwoze

Yohaana 11:27

Gwayeeshsha niny, “Huumwa gil Ng'uttamiida; aniini ghamwaaschi gideaba ang'iing'i guwosi Gristo, Balleanda Aseetta, jea ghwahidu jeeda ng'eanyiida.”

Yohaana 1:49

Ghwasha Nattanaeeli nea gwayeeshsha, “Rabi, ang'iing'i guwosi Balleanda Aseetta! Guwosi Sugoochcheanda Israeeli!”

Ruumi 1:4

Balleanda Aseetta sihhiimu gideaba gwandeawa uurda aba Gurorooda ea ghaydidanda aba duunnoodaannyi aba jeeda miyeeda, Yeesu Gristoyda was Ng'uttamiideanya,

Marko 1:1

Nii gidangeatta Giijasta Miy bea Yeesu Gristohi was Balleanda Aseetta.

Yohaana 6:69

aseasa sumwaschi, ak geanalli gideaba ang'iing'i guwosi dea Ghaydit bea Aseetta.”

Mattayo 16:16

Ghwasha Simoneeda was Betro nea gwayeeshsha, “Ang'iing'i guwosi Gristo, Balleanda Aseetta majeek.”

Yohaana 17:1

Iiduw nea niihiit Yeesu rukunoodeaba ng'asheesu, gong'weersa humng'eeda ak gwayi, “Bwaabwa, nugul damanda; aghambiida Balleandaang'u, ak abeeda eara Balleanda ghoaghambiinnyi ang'iing'i,

Lukka 4:41

Gwaritteaysa fuga saang'a meangeenda nea gojuuri nea gwayi, “Ang'iing'i guwosi Balleanda Aseetta!” Gowoowusa saawa, ak ghwarat ghuusiga ea mabaloola aba gideaba eara saawa ghwanal niny Gristo gil.

Marko 15:39

Abeeda Shirikkarajeanda haw ghwanyawa ghaminaada aba hiji gang'uleadayyi Yeesu. Daa gidabittaayda siida gwayi, “Siisi aba huumwa ghayi Balleanda Aseetta gil!”

Mattayo 28:17

Hean daa ghaghadoawan, nea mwaatkwa ghamwachmwach jeesinga nyaawa.

Mattayo 28:9

Hean gwaroonnyi Yeesu sea saawa ak gwayeeshsha, “Seayu!” Gwaneekkiissa ak ghoang'ng'waay geeshanga ak ghaghadoawan.

Mattayo 26:63

Ghwasiinda Yeesu. Gwayeeshsha Ashoohoochcheanda haw, “Eaniyean aksiina Aseetta majeek habeawooda rukuneasa ang'iing'i ea guwosi Gristo, Balleanda Aseetta.”

Yohaana 19:7

Ghwasha Fuga Yahuudi nea gwayeeshsha, “Aseasa gendeawi deaweeda amaduw aba deaweedeeni ea gideaba gammiisa miyeeda gil, aba gideaba niny gwahinda geaw Balleanda Aseetta.”

Lukka 24:52

Ama ng'atta gabiigu Yerusaleemu nea gahoosan muuchchi,

Mattayo 27:54

Hean daa shirikkarajeanda haw ea fukwachchi fur Yeesu gidasimda geaw ng'eanyiida ea ng'asheekka ghwanyawa bunuun, ghabeal muuchchi nea gwayi, “Aba huumwa siisi Balleanda Aseetta gil!”

Mattayo 15:25

Ghwahidu gatmoota ak gwatkuy aba madeadaannyi ak gwayeeshsha, “Ee Ng'uttamiida weadaan.”

Mattayo 4:3

Ghwahidu headaannyi gichchea gwasimsim ak gwayeeshsha, Iiwosa Balleanda Aseetta giyami lagheangsu ghoaw mukkatte.

Gadiyeeda Giijasoodiga 8:36

Iiduw nea geeweay aba naweeda geeyibwak ea eehitta heeda mida beega, gwayeeshsha siidida was gulaneedean, “Hiji gwanda beega! Gwanda gichchea ghoadealan ea meeppattiisani?” [

Lukka 8:28

Daa siitteani Yeesu gobeedeaysa madeadaannyi ak gojuur aba ghuutta haw nea gwayeeshsha, “Geendeayeesi naaha sea ang'iing'i Yeesu Balleanda Aseetta miida humng'eeda? Aniyean adisawannyean.”

Marko 14:61

Ghwasiinda Yeesu marukuta eara ng'ashaanjagi. Gabiikta asohohoochcheandida ghoanyaash Yeesu nea gwayeeshsha, “Heappi ang'iing'i guwosi Gristoyda was Balleanda Aseetta Ghambidaadi?”

Mattayo 27:43

Niny ghaghus Aseetta ea dalealna ghamneawa iigasa, aba gideaba gwayi, ‘Aniini Balleanda Aseetta.’”

Mattayo 17:5

Damani duu gabalolean deagheatta ghwahidu shamoghooda eesh ak gwadukta, ak ghwanyaasha ghuutta jeeda shamoghooda nea gwayi, “Nii Balleandeanyu abwariinyi ahoosanani, olleeysiina iit niny.”

Mattayo 2:11

Weay gah ghwadaa jeepta ea Mariyaayda was ghaamwat ak goobeedeay ak ghaghadoawan. Ng'atta, goottin shageeniga nyaawa ak ghoadaw haleanjeeda miyas, was lagheanga meengmeeng'i ea hideeni ng'andit ea bureatta.

Mattayo 14:32

Ding'da duwaawi maleambooda ghahawda jeammeeda.