Mattayo 14:19 - NEAJEEDA EESH BEA BUUNEESSEAN

¹⁹ Gwayeeshsha anung' goobiitpiit emeeda aba heeda mida nyeega; ng'atta gageanu mukkattajeekka ammudiin ea ghweayeekka assiyyeenyean ak gang'ula humng'eeda, ak gang'ushsha, ng'atta ghabwanajaada mukkattajeegiga ak ghoadaw giinealangaaschi, amahit ghoadaw giinealanga emeeda.

Bibliyeeda Ghaydit

¹⁹ Gwayeesha anung' goobiitpiit eemeeda aba heeda mida nyeega; ng'ata gageanu mukaatajeegiga amuudiin ea ghweayeegiga asiyeenyean ak gang'ula humng'eeda, ak gang'usha, ng'ata ghabwanajaada mukaatajeegiga ak ghoadaw giinealangaaschi, amahit ghoadaw giinealanga eemeeda.

Mattayo 14:19 Referans Kwoze

Lukka 24:30

Damandida mideayeewa aba agiischoodean gageanu mukkatte ak gang'ushsha ak ghabwanach ak ghoadaw saawa.

Gadiyeeda Giijasoodiga 27:35

Iiduw nea ghoahiit balooli, hean gageanu mukkatte ak gabadiischeesa Aseetta aba madeennyaawa hean ghabwanach ak ghwaak.

Marko 6:41

Ngatta gageanu Yeesu mukkattajeekka ghwanyawa ammuudiin ea ghweayeekka ghwanyawa assiyyenyean ak gong'weersa humng'eeda ak gabadiischeesa Aseetta. Gageanu mukkattajeega ghwanyawa ak ghabwanajaada aba geattingaaschi ak ghoadaw ginealangaaschi gwalakkiisa buuneeda. Eara ghweayeega ghwanyawa assiyyeenya ghwanung' goguulli buuneessean.

1 Goriinto 11:24

hean, iing'atta badiischeesiinda, ghabwanach, ak gwayi, “Nii saseedeanyu gil ghayi sibeagu appadahuukkeagwa, asindunu aba giipkeatteanyu.”

Ruumi 14:6

Siida ng'ulla askwearjeanda, iissa gang'ulla aba sinooda mureeda aba heeda Ng'uttamiida. Gwasnu eara siida iyak gida, ghwaak aba sinooda mureeda aba heeda Ng'uttamiida, nea gabadiischeesa Aseetta; nea siida nung'waada, ghwanung'waadawa mureeda aba heeda Ng'uttamiida ak gabadiischeesa Aseetta.

Golosaayi 3:17

Nea gilwassean osinyi, aba ng'asheanda ghana sinooda, asna sean aba gheawunga Ng'uttamiida was Yeesu, nea goobadischeesi Aseetta was Gheanda aba naweedeaba niny.

1 Goriinto 10:16

Bayooktida bea ghawooda sippareannyi aba ghawoodean, heappi mii giibareannyeeda foojeanda Gristohi? Ama mukkateeyda subwanajaadi mii giibareannyeeda saseeda Gristohi?

Lukka 9:14

Abeeda fiisu headiga akghwahit ea sagalamnyooji muut. Hean gwayeeshsha ginealangaaschi, “Anung' gobiitpiit nea gwasna gharmuchcheekka eatta fii haradam adamanamughuush.”

Marko 7:34

Hean gong'weersa Yeesu humng'eeda, amahit gosiima, ak gwayeeshsha siida ghwanyawa miyaan, “Efwatta!” Nea gideaba, “Jaadana.”

1 Goriinto 10:31

Asi iyooyeagiischi ghana iyooleeshi, ghana iyoosinnyi ng'asheanda wassean, asna sean aba gigheambiitta Aseetta.

Yohaana 6:23

Nea abeeda ea nihidu maleambajeega leabu ng'eanyiida Diberiya ea ghwahitta heeda neekkeewa heeda aksa buuneeda mukkatte, heeda ghayi moasha Ng'uttamiida ghawooda.

Marko 6:39

Hean gwayeeshsha Yeesu ginealanga anung' gobiitpiit buuneeda aba heeda mida nyeega nyawiiri nea ghoanung' gwasna gharmuchcheekka eatta fii bughala ea gea eatta fii haradam ea damanamughuush.

Yohaana 11:41

Hean gegeanda lagheaneetta. Ng'atta gong'weersa Yeesu humng'eeda ak gwayi, “Geabadischoweey Bwaabwa aba gideaba iissa giyiinyi gideargu.

Lukka 22:19

Ak gageanu mukkatte, ak gabadischeesa ak ghabwanachchi ak ghoadawaada saawa nea gwayeeshsha, “Nii saseedeanyu gil siittayda aba badahuukkeagwa. Ahinniidunu aba gipkeatteanyu.”

Lukka 9:16

Ng'atta gageanu mukkattajeekka ghwanyawa ammuudiin ea ghweayeekka ghwanyawa assiyyeenyean ak gagatgat gheanyangaaschi gogeal humng'eeda, ak gabadiischeesa ak ghabanajaada, ak ghoadaw ginealangaaschi ghoang'attaawa emeeda.

Mattayo 14:18

Gwayeeshsha, “Ayeanni heedeanyu.”

Lukka 22:17

Hean gageanu bayookta, ak gabadischeesa ak gwayeeshsha, “Oang'ng'waanya gili, ak goolakkisiina geat;