Mattayo 13:52 - NEAJEEDA EESH BEA BUUNEESSEAN

⁵² Ng'atta gwayeeshsha saawa, “Asi gilinyoo ea ng'oorshoochcheanda gil was giinealaneeda sugoochcheandumeeda humng'eeda, gawuurji sea siida mideawa gheeda geanu aba jeeda gheaseadaannyi haleanjeeda eashish ea gea woosi.”

Bibliyeeda Ghaydit

⁵² Ng'ata gwayeesha saawa, “Asi gilinyoo ea ng'oorshoocheanda gil was giinealaneeda sugoocheanduumeeda humng'eeda, gawuurji sea siida mideawa gheeda geanu aba jeeda gheaseadaanyi haleanjeeda eashish ea gea woosi.”

Mattayo 13:52 Referans Kwoze

Ditto 1:9

nea ghoang'ng'waay muuchchi ng'asheanda gawuurji gissinnaalda, ak abeeda ghoammu ghoadayda ng'asheega gichchea eabeeda aba ginealshooda huumwa nea ghwajoar fukka heawaan.

Mattayo 12:35

Siida miy aba jeeda gheaseadaannyi miy iissa gwargu ng'asheega miyaas, nea siida muy aba jeeda gheaseadaannyi muy iissa gwargu ng'asheega munyas.

Lukka 11:49

Ak gwayi weaghuumeeda Aseetta, ‘Gaydeajeakta sibanga ea giijasoodiga ak gaygwanuuseada mwatkwa nea geesawan,’

Mattayo 23:34

Ak gaydeajeagu sibanga ea weaghoodiga ea ng'oorshoodiga, mwaatkwa gajanuuseada nea goongoorsi iheenga beehajeega, nea suurja gajabwara aba jeesinga ghoorajeegeagwa siinnealshachcheewa nea ghoahoannyi aba gilinyoo ea mujiini,

Golosaayi 3:16

Anung' goobiida ng'asheanda Gristo jeedeagwa nea gwaheedu, anaala nea gaba siisi reekusa nuut aba weaghumeeda sean, nea goosarmannyi nyiigheega ea sarmoojiga guroorooda nea goobadiischeesi Aseetta aba guroruunatkeagwa.

Golosaayi 1:7

gawuurji gidanaaldaneegwa Epafra was soomjeanda subwariinyi. Niny ea doabiiwaat nea gagadiyeesa Gristo appadahuukkeagwa

Efeeso 3:8

Aba aniini, earappeadi eawoschi mwanang'eawa fuga sean ghaydidin, abeeda geegu dagheerjeandumeani, ak gearukkwiiisi fuga Emoojiga meanang'oochcheandumeeda meesikkideawana bea Gristo,

Yohaana 13:34

Geagonnyeegwa digheanda eesh, abwariinnya geat, ak ghoabwariiydi geat gida abwariiydaneegwa.

Efeeso 3:4

Ak iyoassoomi ng'asheesu ang'waarjiin, abeeda gajajeeng'ni gidaanaldi gili funyaat bea Gristohiin,

2 Goriinto 6:10

geewuurjeewi fuga giisan, nea ghana gehoosannyi galeagasean; nea geewuurjeewi fuga barbari, nea ghana geepparuurji fuga saang'a; geewuurjeewi fuga mandeawana gil, nea ghana geendeawi haleanjeessean.

1 Dimotteo 3:6

Ak ea adaghoaw siida duughwalalaan askwearjoojusu neekiin, ak ghaghwargeaw ak goobeedeaysa jeeda girgweaksiinda gawurji gidasihinda Shataan.

Mattayo 13:51

“Heappi nojeeng'u ng'asheesu seaniin?” Ghwalamda Saawa ak gwayeeshsha, “Eah.”

Mattayo 13:53

Iiduw nea ghoahiit Yeesu galeegiga ghang'eat gawa,

Mattayo 28:19

Asi aweayeena ak ghoanung' ghoaw emoojiga sean giinealanga, nea gobattiisannyi saawa aba gheawunga Aseetta was Bwaabwa, ea gea Balleanda, ea gea Gurorooda Ghaydit.