Mattayo 13:39 - NEAJEEDA EESH BEA BUUNEESSEAN

³⁹ Nea weajoochcheandida histean ea meang'nyeandeenda, nea lajitta ea mudeanooda ng'eanyiida, nea fuga lach ea malaykajeega.

Bibliyeeda Ghaydit

³⁹ Nea weajoocheandida histean ea meang'nyeandeenda, nea lajita ea muudeanooda ng'eanyiida, nea fuga lach ea malaykajeega.

Mattayo 13:39 Referans Kwoze

Mattayo 13:49

Nii gichchea gawuurji gil eaweetta muudeanooda ng'eanyiida aba gideaba eaweettida gayghwahidu malaykajeega ak gooheelli fuga munyas ea gea doobiiweadi,

Mattayo 25:31

“Damanda jea ghwahinna Balleanda Siida aba jeeda gigheambiittaannyi, nea goodeana malaykajeega, hean gaygoopteada aba uhuuda hoorgda giigheambiittaannyi.

Giidaheechta 19:20

Hean geang'ng'waay diyeaydida, sea sibaneeda ng'uyyeega ghayi sina gwadeagwajeega ammadeadaannyi, ak gwareengani fukkeanji ghayi ning'ng'waay giirooraneedeaba diyeaydida ea fukka ghadoawan gidasirattiida ninyiin. Hean geejaksa suu assiyyeenyean jeeda basooda beasta nea majeekcheewi ak ghwaak beasta ea giikkayda.

Giidaheechta 13:14

nea aba gwadeagwajeega siittaw gwasin aba madeeda diyeaydean, hean gwareengani fukka mida ng'eanyiidean, ak ghwanung' gwasin giduurji diyeayda silasa bwaanga ak ea gudugwanda;

Giidaheechta 12:9

Ak geejaksa ng'eanyi hararjootta haw was ichchiboodeaba garayiin, suguura Meang'nyeandeenda ea Shattaani, was dea reengani ng'eanyiisseaniin, ak geejagu badayda ng'eanyiida, ak eara malaykajeagaaschi geehisu ghapka ng'eanyi sea niny.

Mattayo 24:3

Iiduw nea goopteada Yeesu aba uhuuda gijeeda Maseytuunajeega, gaweesa giinealangaaschi aba heeda funyaat ak geanyasa hichpa geaw ak geannyaash gideaba, “Rukuni ng'asheesu gayghoaw eeju? Amaduw hinnoadaang'u gwanda gwadeagooda jea eadaaha ghana dea mudeanooda damanda?”

Mattayo 13:25

Iiduw nea nilil buuneeda, ghwahidu weajoochcheanda ak gwahisa morookka dang'adiga ngano ak ghang'eat gawa.

Yuuda 1:14

Appadaydeaba suu Enokki aba seaygeedeaba ispwa ng'eada Adamu gayghwaramoaran, nea gwayi, “Ng'ulla, Ng'uttamiida ghwaan nea goodeana malaykajeagaaschi meammu eyiida, gwanuuseada aba girgweaksiinda,

1 Betro 5:8

Andeawana gheadeenda nea ghoang'ng'wearu. Aba gideaba weajoochcheandeang'wa was meang'nyeandeenda gawuurji ng'adiida ak gwanyeara daghatta, nea gwaneay gagasa siida jea ghwanukghuta.

Ebraniya 9:26

aba sareani gwachchi gaygabiikkiida jeeda sawanateeda ghang'eada dea ghayi sisna sindeetta ng'eanyiida. Ak aba nii, ghwahidu nibwagi aba mudeanooda damanda ak gageanda ring'eeda aba gidaydeaydeaba geaw ghoaw lukghumeadaannyi.

Efeeso 2:2

was gea ghayi oayaachchi geeshta nea goommaseawji seareetta bea ng'eanyiidean, nea ghoayaachchi geeshta sugoochcheanda mideawa uurda humng'eeda, gurorootta ghamneawa sin gadiyeeda aba jeeda balloojiga fuga manda mureedean.

2 Goriinto 11:3

Iiduw ghabealli, gawuurji gidaghayi renganniida ichchibooda Haawa aba milmilandaannyi, gajeehutteawi fughareengeagwa ak ghoanung'waadi doobiiwnatta ea alooheeda Gristo.

2 Goriinto 2:17

Aba gideaba aseasa meewuurjeewani buuneeda suurja saang'a, fuga sheahhiida ng'asheanda Aseetta; gagasa ewuurjeewana fuga mideawa doobiiwnatta, was fuga adaw Aseetta gadiyeeda, aba madeeda Aseetta iissa geebaloolli appadayda Gristo.

Mattayo 28:20

Oannaala ghoang'ng'waay ng'asheega sean eagoonnyeegwa. Ang'ulla aniini geendeayi sea agooga galeega sean ea gagul mudeanooda ng'eanyiida.”

Mattayo 13:28

Gwayeeshsha niny, ‘Nii gwasin weajoochcheanda.’ Ghoanyaash soomjooga nea gwayeeshsha niny, ‘Gigasayi eweaya eammughuusha?’

Mattayo 12:32

Amaduw gichcha siida jea gwarukuna ng'asheanda muy badayda Balleanda Siida gajeesamsa, dukku siitta jea gwargu ng'asheanda muy badayda Gurorooda Ghaydidiin, ea majeesamsa aba jeedeaba ng'eanyiini, ghana earaba ng'eanyiitta jea ghwahiiduunu.

Mattayo 13:22

Nea dea abissa jeeda geediga halaghweenga, ea siitta iiy ng'asheanda amaduw aba geawunda gheang'da barureega badayda ng'eanyiida, ghaminighis ak ea mudugwaji haghweega.

Mattayo 13:40

Asi gitta simmugurriida morookka ak geang'uda beastean, ea gichchea gawuurji mudeanooda ng'eanyiida.

1 Goriinto 10:11

Asi ghamneawa, ng'asheesu ghwanyas nea gawuurji reekusiinda, ak geang'waar ghoahiimu gichchea eabeada, aba heeda fuga jeagweadu mudeanooda gweannyeekka.

Ebraniya 1:2

amaduw aba mudeanoodeaba askwearjoojusu goobalooleasa aseasa aba naweeda Balleanda, ghayi loat ghoaw siida jea gwahearan haleanjeessean, ak aba niny gwasin ng'eanyiida appadaydeaba niny.