Mattayo 12:46 - NEAJEEDA EESH BEA BUUNEESSEAN

⁴⁶ Damanda duu gabaloola sea buuneeda, hea ghwahidu ghaamwat sea oorjooga ghaamwat ak ghaminaada aba gidaghuut nea gagasa goobalool.

Bibliyeeda Ghaydit

⁴⁶ Damanda duu gabaloola sea buuneeda, hean ghwahidu ghaamwat sea orjooga ghaamwat ak ghamiinaada aba gidaghuuta nea gagasa goobalool.

Mattayo 12:46 Referans Kwoze

Mattayo 13:55

Neada siisi ea mii balleandeaba siitta sina behajeegeani? Neada ghaamwat ea megureewana Mariya? Nea oorjooga ghaamwat ea mii Yakkobo gil ea Yoseefu ea Simon ea Yuudahi?

Yohaana 2:12

Iing'atta ghangeat ghwararang'aada gawa Gapernaamu nea godeayi ghaamwat ea oorjooga ghaamwat ea ginealangaaschi; gobiida hoowa askwearjoojusu ng'ay.

Yohaana 7:5

Aba gideaba eara oorjooga ghaamwat mwamwasa niny.

Yohaana 7:3

Hean ghwalamda oorjooga ghaamwat ak gwayeeshsha, “Ng'amwana hiji ak guwi ng'eanyiida Yudeeya ghwadaa ginealangaagu gadiyoojiga isnayi.

Gadiyeeda Giijasoodiga 1:14

Fiisu abeeda ghabwat geat ghamwash Aseetta ghawooda, ak gwanda jeedeaba gadeemsu Mariyayda was gheamatta Yeesu, ea oorjooga ghaamwat.

Marko 6:3

Neada nii ea mii siidida sina behajeega was oorjeeda Mariya bea gennyea Yakkobo bea geaba Yose bea Yuda ea Simon? Neada eara haweega ghaamwat ea manda ng'eang'i?” Geamwachmwach ng'asheagaaschi.

Galattiya 1:19

Ak ea manda giijasoocheanji naadaay nuut geaghus Yakkobo oorjeeda gheamatta Ng'uttamiida.

1 Goriinto 9:5

Neada ea mammiiseasa gideaba getteayeewi gatmooda, aba jeeda neayeedeanya eewuurjeewana giijasoodiga suurja sea o oorjooga geenyea Ng'uttamiida sea Geefa?

Yohaana 7:10

Ng'atta nea nuweay Oorjooga ghaamwat ghwelmeetta, iiduw eara niny gawa nea mwabwadakta.

Lukka 2:48

Sidaah niny geahamng'eanyi; ak gwayeeshsha Ghaamwat, “Balleanda, ghwasaan anda gihinduneasa? Ng'ulla, aniini ea gweanu sinyarji aba gassodaang'u.”

Lukka 8:10

gwayeeshsha, “Agoogeeni simeayneegwa makcheameeda sugoochcheandumeeda Aseetta; nea aba fii suuk geaghus eegalla geat, aba gideaba eara iyang'wearda amayghwadaa, ama eara iyiiy amayghwanal gidawas.”

Marko 2:21

“Manda siida ammu gwalagu weasta hang'deesh ak ghawaasa hang'da waas. Iisisin ng'asheanji abeeda gayghwaloadadawa weastida eshiin hang'da waas ak abeeda ghami hang'da muuchchi.

Yohaana 2:5

Ghwalamda Gheamatta ak gwayeeshsha soomjooga, “Agooga asna gilinyoo gwargu niny.”

Lukka 2:33

Hean eara Ghwaan ea ghaamwat ghahamng'eanyi aba gissirgu appadaydaannyi;

Yohaana 2:1

Iimuchchu eaweetteaba samwagu gwanda nyeangiida Gaaneeda mida Galilaaya, eara gheamatta Yeesu abeeda gwanda hoowa;

Lukka 2:51

Ghwararang'aada godeayi ea ghwahitta Nasareetti, nea gwasissa mureada; nea ghaamwat ghwayiin jeedaanyi ng'asheesu seaniin.

Mattayo 2:20

Ak gwayeeshsha, “Ng'eada, aada jeepta ea ghaamwat, ak gibiikti ng'eanyiida Israeeli, aba gideaba fuga ghayi gaseadayyi laknooda eaweega jeepta nimeewa.”

Mattayo 2:11

Weay gah ghwadaa jeepta ea Mariyaayda was ghaamwat ak goobeedeay ak ghaghadoawan. Ng'atta, goottin shageeniga nyaawa ak ghoadaw haleanjeeda miyas, was lagheanga meengmeeng'i ea hideeni ng'andit ea bureatta.

Mattayo 1:18

Jeatta siji Yeesu Gristo ghayi gwasnu. Mariyaayda was ghaamwat damanda duu gonnyearra Yoseefu, damanda mii ghabeawa heedean geadaah nea gweayiideat aba uurda Gurorooda Ghaydit;

Yohaana 19:25

Hean gwasindunu shirikkara. Abeeda murdeeda behiida Yeesu ghamiinaada Ghaamwat ea huda ghamaghaamwat, ea Mariyaayda was gatmooda Gleoppa, ea Mariya Magdaleena.

Lukka 1:43

Gayghoawdaani aba heedeanyu, gideaba ghwahidu heedeanyu gheamatta Ng'uttamiideanyu?

Mattayo 12:47

Ghwalamda Siyagi ak gwayeeshsha, “Ng'ulla gwanda geamadu ea oorjooga geamadu jarooda ghaminaada nea gagasa goobaloolnyi.”

Lukka 2:34

Gang'ushsha Simon saawa nea gwayeeshsha Mariyaayda was ghaamwat, “Ng'ulla, jeebi gajeenung ghoaw gibeedeayda ea ng'eedooda fuga saang'a bea Israeeli, ak gayghoadaw gwadeagooda jea ghaheawa buuneeda