Mattayo 12:18 - NEAJEEDA EESH BEA BUUNEESSEAN

¹⁸ “Ng'ulla siideanyu bea gadiyeeda aloachchi, abwariinyi nea iissa ghwanung'u gahoosan jeedeanyu. Gaydayiin guroroodeanyu badaydaannyi, nea gaygwarukkwiida girgweageedeanyu aba jeeda Emoojiga.

Bibliyeeda Ghaydit

¹⁸ “Ng'ula siideanyu bea gadiyeeda aaloachi, aabwariinyi nea iissa ghwanung' gahoosan jeedeanyu. Gaydayiin guroroodeanyu badaydaanyi, nea gaygwarukwiida girgweageedeanyu aba jeeda Eemoojiga.

Mattayo 12:18 Referans Kwoze

Lukka 4:18

“Gurorooda Ng'uttamiida gwanda badaydeanyu, aba gideaba nimwaaran dawa darukkwiisa fuga barbari Giijasta Miiy. Gojeaknean darukusa fuga mida ghealooniga siksiinda nyaawa nea fuga ng'oowwi gayghoang'wearda, ak gojeaknean dalealu fuga sighabwas,

Gadiyeeda Giijasoodiga 10:38

gidamwaarda Aseetta Yeesuyda Nasareetti aba Gurorooda Ghaydit ea uurda; ea gidaneayeatta nea gwasin ng'asheega miyaas nea ghoahaap buuneessean minighis meang'nyeandeendean, aba gideaba Aseetta gwandeayi sea niny.

Yohaana 3:34

Aba gideaba siida ghayi ajeagu Aseetta iissa gabaloola ng'asheega Aseetta ak ghoadaw gurorooda nea modeena;

1 Betro 2:4

Beenni headaannyi, ninyeeda was lagheaneeda mideawa eaweega, ghayi heawa buuneeda ak aba heeda Aseetta ea siloat ak gaba sheayeeda haw;

2 Betro 1:17

Nea aba damanda nyasa mureeda ea gigheambiitta aba heeda Aseetta was Bwaabwa ak ghwanya ghuutta leabu heeda dea mideawa uurda gigheambiitta, “Nii Balleandeanyu abwariinnyi, ahoosanana muuchchi,”

Golosaayi 1:13

Ak niny gwalealnaneasa jeeda uurda misanumeeda ak goobaleegeasa ea ghwadeasa jeeda sugoochcheandumeeda Balleandaannyi bwariiy,

Golosaayi 1:1

Baulo was giijasoochcheanda Gristo Yeesu aba gidagasiida Aseetta, ea Dimotteo oorjeeda iyya.

Efeeso 1:6

aba duumsheesiinda gigheambiitta dagheerjeandumeeda gooneasa mwadaagha aba naweeda Balleandaannyi bwariiy.

Gadiyeeda Giijasoodiga 14:27

Iiduw nea ghwahitta, geebwadageat ganiisa ak geerukusa ng'asheega sean nisissa Aseetta saawa, ea gidanijaatta Aseetta gidaghuutta masaweega aba heeda fuga Emoojiga.

Gadiyeeda Giijasoodiga 11:18

Iiduw nea ghwayiiy ng'asheesu ghwasiinda. Ng'atta geakghambiit Aseetta nea geeyi, “Aseetta niidaw eara Emoojiga gheatta duukkuunooda ak ghwanyas eaweega.”

Lukka 23:35

Ghaminaada buuneeda nea geeng'ula, nea fukka ahaaghwa ng'eanyiidean gang'ula nea gwashka nea gwayeena, “Gwalealu suurja, asi dalealna geaw, iiwas Gristoyda Aseetta loat niny!”

Lukka 9:35

Ghwanya ghuutta nyaasha jeeda shamoghooda, nea gwayi, “Nii Balleandeanyu aloachchi, olleeysiiniit niny.”

Lukka 3:22

ak gwashubeesa uhuudaannyi Gurorooda Ghaydit wunnda ghariibajeanda ak ghwanya ghuutta nyaasha humng'eeda nea gwayeeshsha, “Ang'iing'i guwosi balleandeanyu abwariinyi gwadan jeedeanyu.”

Marko 9:7

Miighoaw gil ea nuhoonu shamoghooda ak gwadukuta. Ghwanya ghuutta Siida nyaasha jeeda shamoghooda nea gwayi, “Nii Jeepteanyu abwariinyi olleysiiniit.”

Marko 1:11

Ghwanya Ghuutta leabu humng'eeda nea gwayeeshsha, “Ang'iing'i guwosi Jeepteanyu abwariinyi gwadan jeedeanyu.”

Mattayo 17:5

Damani duu gabalolean deagheatta ghwahidu shamoghooda eesh ak gwadukta, ak ghwanyaasha ghuutta jeeda shamoghooda nea gwayi, “Nii Balleandeanyu abwariinyi ahoosanani, olleeysiina iit niny.”

Mattayo 12:17

Abeeda gwasa gida ghayi rugu sibaneeda suguura Isaaya nea gwayi: