Mattayo 10:7 - NEAJEEDA EESH BEA BUUNEESSEAN

⁷ Aba jeeda neayeedeang'wa arukkwiida gideaba, ‘Sugoochcheandumeeda humng'eeda nineekkiit.’

Bibliyeeda Ghaydit

⁷ Aba jeeda neayeedeang'wa arukwiida gideaba, ‘Sugoocheanduumeeda humng'eeda nineekiit.’

Mattayo 10:7 Referans Kwoze

Gadiyeeda Giijasoodiga 28:31

gwarukkwiida sugoochcheandumeeda Aseetta nea goonealli ng'asheega badayda Ng'uttamiida was Yeesu Gristo ng'asheesu gwasin aba eeshpwaara nea manda siisi adeal.

Mattayo 3:2

“Aduukkuunana, aba gideaba sugoochcheandumeeda humng'eeda nineekkiit.”

Lukka 9:60

Gwayeeshsha niny, “Nung'waada muscheekka gabuy muscheekka nyaawa; ak ang'iing'i, guwi rukkwiida sugoochcheandumeeda Aseetta.”

Mattayo 4:17

Ghang'eada damandida ghoang'eat Yeesu rukkwiideayeayda ng'asheega Aseetta nea gwayi, “Adukkuunana aba gideaba sugoochcheandumeeda humng'eeda nineekkiit.”

Lukka 16:16

Deaweedajeega ea sibanga ea gagul Yohaana; hean geerukkwiida Giijaasta miy bea sugoochcheandumeeda Aseetta, nea gaba siisi abwasaay geaw.

Lukka 9:2

Goojeakta gaweay gwarukkwiida sugoochcheandumeeda Aseetta, nea ghoahaap fuga miyeani.

Marko 6:12

Hean ghang'eatng'eat giijasoodiga gaweay. Gwarukkwiisa buuneeda gideaba, Adukkuunana ng'asheega munyas bea ring'eeda.

Gadiyeeda Giijasoodiga 10:25

Iiduw nea ghwahita Betro ghoah gwaritta jarooda Gorneliyo ghwadeapta ak gwatkuy aba madeeda geeshangaaschi ak ghaghadoawan.

Gadiyeeda Giijasoodiga 4:2

Gwanyareesi muuchchi aba gideaba ghoanaal buuneeda nea gwarukkwiida gideaba Yeesu niduuna miyeeda.

Yohaana 3:2

Siisi Gaweesa Yeesu eawa ak gwayeeshsha, “Rabi, aseasa geanalli gideaba ang'iing'i guwosi ginealshochcheanda ak gileabu heeda Aseetta; aba gideaba manda siida ammu gwasin gwadeagwajeesu isinayiin, geaghus siida mideayi sea Aseetta.”

Lukka 9:6

Hean ghang'eatng'eat gaweay gharang'weakka gwarukkwiida Giijasta Miy nea ghoahaap fuga miyean aba hiji nyoo ghwahitta.

Mattayo 23:13

“Eamuy deang'wa ng'oorshoodiga ea Farisayajeega, ammiittu geat! Aba gideaba ghoakghuumi buuneeda gidaghuutta sugoochcheandumeeda humng'eeda, nea mooweayeeni jeeda, nea fuga jea gaweay ea moosiksiini gaweay jeeda. [

Mattayo 21:43

Aba nii geayeeshshineegwa, sugoochcheandumeeda Aseetta gajearreadeagwa ak geattaw eemwa nuut ammu gagu haghweagaschi.”

Mattayo 21:31

Heappi! Aba jeedeaba fiisu assiyyeenyean gwasin anneeda gidagasa ghwaan?” Gwayeeshsha saawa, “Diitta bea madeedeani.” Ng'atta gwayeeshsha Yeesu saawa, aba huumwa, geayeeshshineegwa, fuga ang'ng'oonyi gwaadi ea fuga hiseada gaygoosheedeaweegwa beatta jeeda sugoochcheandumeeda Aseetta.

Mattayo 11:1

Iing'atta gidawda adadaw Yeesu giinealangaaschi attamaniyyeenya iittaannyi, ghabeawa hoowa ak gawa goonealshi aba jeeda mujiinajeega nyaawa nea gwarukkwiida Giijasta miy.

Mattayo 10:8

Oahaabwa fuga miyeani, ak goottuudu fuga nimeewa, nea ghoammidu fuga bearji udamusuura, nea goorruutti meangeenda. Geegooneegwa mwadaagha, oattayda mwadaagha.