Mattayo 10:23 - NEAJEEDA EESH BEA BUUNEESSEAN

²³ Ighabwaseagwa buuneeda aba mujiineani, goomng'awsi mujiineannuut. Aba huumwa geayeeshshineegwa majaduulni mujiinajeega ng'eanyiida Israeeli nea miighwahidu Balleanda Siida.

Bibliyeeda Ghaydit

²³ Iighabwaaseagwa buuneeda aba mujiineani, goomng'awsi mujiineanuut. Aba huumwa geayeeshiineegwa majaduulni mujiinajeega ng'eanyiida Israeli nea miighwahidu Orjeeda Siida.

Mattayo 10:23 Referans Kwoze

Mattayo 16:28

Aba huumwa geayeeshshineegwa, gwanda hiji bea jeedeang'wean fuga maygameewa, ea eaghus anidaah Balleanda Siida nea ghwaana jeeda sugoochcheandumeadaannyi.”

Gadiyeeda Giijasoodiga 17:10

Deagheatta gojeakta fuga siduupcheewi Baulo ea Sila eawa gaweay Berooya; hean hitta hooweanji geeweay jeeda ghooriida sinnealshachcheewa bea fuga Yahuudi.

Gadiyeeda Giijasoodiga 8:1

Ak ghamwas Sauli miyeadaannyi. Nea aba eaweettida ghwanyas ganiiseeda mida Yerusaleemu ghabasta haw; ak ghwadarda sean aba jeeda ng'eanyiida Yuudeeya sea Samariya, ea eaghus giijasoodiga.

Marko 13:26

Ak gajeadaah Balleanda Siida nea gwashubeana jeeda shamoghuutka nea gaygwandeawa uurda haw ea gigheambiitta.

Lukka 21:27

Ak gajeadaah Balleanda Siida nea ghwaana jeeda shamoghooda nea gwandeawa uurda ea gigheambiitta haw.

Lukka 18:8

Geayeeshshineegwa, Gayghwalamwachi ghoadaw gidamiisa, nea Balleanda Siida ihiidu gayghwadaah masaweega aba jeeda ng'eanyiida?”

Yohaana 7:1

Ng'atta ng'asheesu gwaneayeewa Yeesu jeeda ng'eanyiida Galilaaya, aba gideaba magassa gwaneayi aba jeeda ng'eanyiida Yudeeya aba gideaba fuga Yahuudi gagasa gwanuus niny.

Mattayo 26:64

Gwayeeshsha Yeesu niny, “Girgu ang'iing'i. Asi gaydayeeshshineegwa, ghang'eada ghamneawa gajadaaha Balleanda Siida nea goopteada aba meatkweeda geattinda dugwa hoauur, nea ghwaana badayda shamooghuutka humng'eeda.”

Mattayo 24:30

ng'atta gajeadaah gwadeagooda Balleanda Siida aba humng'eeda, abeeda emoojiga sean bea muunda ng'eanyiida gayguuttu heareega idaah Balleanda Siida nea ghwaan aba badayda shamooghuutka humng'eeda nea gwandeawa uurda ea gigheambiitta haw;

Gadiyeeda Giijasoodiga 17:14

Deagheatta gojeakta fuga siduupcheewi Baulo gawa ng'eanyiida ghuutta basooda nea Sila ea Dimotteo saawa goobiida hoowa.

Mattayo 25:13

Hean gwayeeshsha, asi oang'ng'wearni, aba gideaba mwoanali eaweetta jea gawaseewa ghana damanda.”

Mattayo 24:48

Amadukku soomjeandida muyiin iyeeshsha geaw aba jeadaannyi nishing'da Siideanyu hawiin,

Mattayo 24:27

Aba gideaba gawuurji dadamandeetta abwaay heeda ghayeawa ea gagul heeda biyearean nii abeeda gichchea gawuurji hinnooda Balleanda Siida.

Mattayo 23:34

Ak gaydeajeagu sibanga ea weaghoodiga ea ng'oorshoodiga, mwaatkwa gajanuuseada nea goongoorsi iheenga beehajeega, nea suurja gajabwara aba jeesinga ghoorajeegeagwa siinnealshachcheewa nea ghoahoannyi aba gilinyoo ea mujiini,

Mattayo 4:12

Hean nea ghwayiiy gideaba Yohaana gwanda ghealooniga, gawa Galilaaya;

Mattayo 2:13

Ing'atta nea nuweay fukka, ng'ulla ghwahidu heeda Yoseefu Malaykajeanda Ng'uttamiida aba jeeda girgweatka ak gwayeeshsha, “Ng'eada ak giyaadi jeepta ea ghaamwat, amng'awsiina Misri, ak gooppiidi hoowa ea darukuneey, aba gideaba gagasa Herode gwanuus jeepta.”

Gadiyeeda Giijasoodiga 20:1

Iiduw nea ning'atta deakghuyandeedida, hean gaguursa Baulo ginealanga ak goomajeek jeesinga nyaawa ak ghang'eat gawa ng'eanyiida Makkedoniya.

Mattayo 16:27

Aba gideaba Balleanda Siida gayghoana gigheambiitta Ghwaan nea goodeana malaykajeega ak abeeda gayghoadaw gilinyoo asihi gidageattindaannyi aba sinaweagaaschi.

Mattayo 23:36

Aba huumwa geayeeshshineegwa ng'asheesu seaniin gayghwahidu badaydeaba seaygeani.”

Mattayo 24:34

Aba huumwa gaydarukuneegwa gideaba mayghwanawda seaygeani nea miighwahidu suu seaniin.