Biblia Todo Logo
Bib sou entènèt

- Piblisite -




Mattayo 10:2 - NEAJEEDA EESH BEA BUUNEESSEAN

2 Gheawungeaba giijasoodusu attamaniyyeenyean ea suhu, dea madeeda Simoneeda suguura Betrohi ea oorjeeda ghaamwat suguura Andereya, ea Yakkobo balleanda Sebedaayo ea Yohaana oorjeeda ghaamwat.

Gade chapit la Kopi

Bibliyeeda Ghaydit

2 Gheawungeaba giijasoodisu atamaniyeenyean ea suh, dea madeeda Simoneeda siguura Betarohi ea orjeeda ghaamwat siguura Andreya, ea Yakobo orjeeda Sebedayo ea Yohana orjeeda ghaamwat.

Gade chapit la Kopi




Mattayo 10:2
44 Referans Kwoze  

iiduw nea gehitta, gaweay jeemba ghooriini sideeksa uhuumba nuut, ak goobiitpiit geaba Betro, Yohaana, Yakkobo, Andereya, Filippo, ea Domaso, Batlomayo, ea Mattayo, Yakkobo balleanda Alfayo, Simoneeda Selotte, ea Yuuda balleanda Yakkobo.


Gawa mwadi ak ghwadaa oorju iyyeenya bea ghaamwadagi, suuk Yokkobo balleanda Sebedaayo ea Yohaana oorjeeda ghaamwat, nea gwanda jeeda maleambooda sea Sebedayooyda was ghweanda nyaawa nea gwasin gheareedanga nyaawa, ak gaguursa.


Gawa Filippo ak gwarukusa Andereya; ak godeayi Andereya sea Filippo ak gwarukusa Yeesu.


Gwayeeshsha oorjeanagi was ginealaneedaannyi suguuura Andereya bea gennyea Simon Betro,


nea abeeda gwanda Yakkobo ea Yohaana was balloojiga Sebedaayo sinuudayi gadiyeeda sea Simon. Ng'atta gwayeeshsha Yeesu Simon, “Adibeali; ghang'eada ghamneawa gaylealluuni buuneeda.”


Damanda neayeewa aba ghuutta basooda Galilaaya, ghwadaa oorju iyyeenya bea ghaamwadagi, nea Simoneeda suguura Betro gil ea oorjeeda ghaamwat suguura Andereya, nea ghoabuutta gheareedanga nyaawa jeeda basooda; aba gideaba fuga leallu ghweayeega.


Ak gwayi weaghuumeeda Aseetta, ‘Gaydeajeakta sibanga ea giijasoodiga ak gaygwanuuseada mwatkwa nea geesawan,’


Aniini geawoschi Yohaana, oorjeeda giyeang'wa deaghayi oppareannyeewi sawanadeeda ea sugoochcheandumeeda ea milikghteayda nea ghoahhangng'waanyi, nea gwanda ng'eanyiida neaweesa beega suguura Batmo appadayda ng'asheanda Aseetta ea muwuunooda ng'asheega Yeesu.


Gweargweeda, ea gheamatta siloat sea diibigaaschi, abwariinyi aba huumwa, ea meaghusaan aniini eara fuga sean nal huumeanda,


Simon Betro gil, soomjeanda ea giijasoochcheanda Yeesu Gristo, heeda fukka ninyas masaweega uurjeewaneasean, aba doobiiwnata Aseetteanya, ea lealnoochcheanda was Yeesu Gristo.


Betro, giijasoochcheanda Yeesu Gristo, fuga was mang'aweannyeekka ak ea Dardawaat aba ng'eanyiida Bonto, ea Galattiya, ea Gabadokiya, ea Asiya, ea Bittiniya,


Asi fuga eaduupcheewi ghaydidi, siguuyeesi guurnooda humng'eeda, asikteawana Yeesu, was giijasoochcheanda ea ashoohoochcheanda haw masaweagaasa.


Hean gageanu mwaatkwa ghoaw giijasoodiga, nea mwaatkwa ghoaw sibanga, nea mwaatkwa ghoaw fuga jea gwarukkwiida giijaasta miy, mwaatkwa ghoaw haghweadoodiga ea ginealshoodiga,


Iimuchchu gabussiinnyi sea Yakkobo, ea gichcha giijasoodiga sean.


Ghwang'waay Yakkobo oorjeeda geennyaawa Yohaana, ak gwanuus aba bwaanga;


Ng'atta gaweay Betro ea Yohaana gheeda sibatta Aseetta damanda simwaasha Aseetta nea gaba Aseetta shageash.


Ng'atta geeng'alealleesa saawa, ak iiduw gealoat Mattiya; ak gheawungaaschi geeng'oorsiinnyi sea gea giijasoodikka attamwanagiin.


Ginealaneani nii dea muuwwu ng'asheesuun gil, ak ghang'waar; ak geanalli gideaba muuwwunoadaannyi huumwa gil.


Iiduw ghwayamgeaw Betro ak ghwadaa ginealaneetta bwariiy Yeesuun, nea ghwaat geeshta, nea diitta ghayi diiw geaw aba daghattannyiin gil shing'ada damanda agiischooda nea ghoanyaash gideaba, “Ng'uttamiida siida jea ghwalaapnyi bwadaw ng'eaha?”


Simon Betro, ea Domasoyda suguura Saleaygweanda ea Nattanaeliyda ng'eanyiida Ganeeda Galilaaya, balloojiga Sebedaayo, sea ginealangaaschi suuk iyyeenya, nea abeeda gwandeayi sean.


Ng'atta ghafwach ea ghwahitta heeda Simon Betro ea ginealaneeda niirja ghayi bwariiy Yeesuun ak gwayeeshsha, “Sigeanda Ng'uttamiida aba jeeda bung'eeda ak ameanali heeda siyiin.”


Nea ginealaneanagi bwariiy Yeesu abeeda eaneekkeewa daghatta Yeesu;


Hitta damanda agiischooda goopteada niny ea giijasoodigaaschi gweagiischi.


Iiduw gojeakta Yeesu Betro ea Yohaana nea gwayeeshsha, “Aweayeena asissina heechchea eyeaksiina Basakka.”


Muchchu ea nibiigu Giijasoodigaaschi gwarukusa iitta ginnisin. Ghwaat saawa ea ghwahitta mujiineeda suguura Betsayda.


Eaweechcha Yeesu goopteada aba uhuuda Gijeeda Masaytunajeega deaschi Gheeda Sibatta Aseetta gaweay geaba Betro ea Yakkobo ea Yohaana sea Andereya ak ghoanyaash Yeesu nea gaba geat gideaba,


Deagheatta gwaritteawa Yeesu jeeda ghooriida sinnealshachcheewa ak gawa nea godeayi Yakkobo ea Yohaana ea gaweay jeeda gheeda geaba Simon bea Andereya


Ghwaat Betro sea orju iyyeenya bea Sebedaayo, ak ghang'ut giseaneega ea gwadeawiit.


Ng'atta gawa Gheamatta jiilu balloojiga Sebedaayo ak gawa heeda nea goodeayi oorjooga aschi ama hitta gwatkuy ak gamus ng'ashaan.


Iing'atta eawooji lah ghwaat Yeesu Betro ea Yakkobo ea oorjeeda ghaamwat suguura Yohaana, ak goodeayi uhuuda giijeeda heeda geaw.


Aniini Yohaana ghaayiinyi nea ghaadaayi ng'asheesu. Damandida ayiinyi nea ghaadaayiin, hean geabeedeaysi ng'eanyi ak ghaghadoawannyi aba madeeda malaykajeanda ahiimnaan ng'asheesuun;


Nii giidaheachta Yeesu Gristo gil, ghayi adaw Aseetta niny gohiimsa soomjoagaaschi ng'asheega jea gabay ghwahidu; ak ghwanung' eanal aba gijeakteayda malaykajeandaannyi gaweesa soomjeandaannyi was Yohaana,


Gweargweeda, heeda Gaayooyda abwariinyi, eabiissi dabwariiy aba huumwa.


Ahoosana appadaydaannyi, Ea humng'eeda, Ea fuga ghaydidi ea giijasoodiga ea sibanga, aba gideaba Aseetta nugoneegwa girgweaksiinda appadaydaannyi!”


Muchchu ea nibiigu fuga ghayi ajeakta Yeesu was Ginealangaaschi, hidu ghoadaw Yeesu iitta ginnisin ea gidanaal buuneeda.


Gwayeeshsha Yeesu fukka attamaniyyeenyean, “Eara agooga googasayi aweayeena?”


Ghwasha Yeesu nea gwayeeshsha, “Aniini miidagwalneegwa nea gowoschi damaniyyeenya, nea siyagi aba jeedeang'wa ea mii meang'nyeandeendea?”


Nea abeeda gabaloola badayda Yuuda, balleanda Simon Iskariyotte, aba gideaba niny gaba jeedeaba ginealangiga attamaniyyeenyean, ak ea dea jea ghwala bwadawi.


Swiv nou:

Piblisite


Piblisite