Mattayo 10:16 - NEAJEEDA EESH BEA BUUNEESSEAN

¹⁶ “Asi Aniini geajeakteaydaneegwa gisilga jeeda suyeekka; asi andeawana weaghumeeda ea awuurjeewana ichchibooda, nea goong'eeniitti ghariibajeanda.

Bibliyeeda Ghaydit

¹⁶ “Asi Aniini geajeakteaydaneegwa gisilga jeeda suuyeeka; asi andeawana weaghuumeeda ea awuurjeewana ichibooda, nea goong'eeniiti ghariibajeanda.

Mattayo 10:16 Referans Kwoze

Lukka 10:3

Asi aweayeena; nea gong'ulayi aba gideaba geajeakteaydaneegwa dayeega gisilga jeeda suyeekka.

Filippi 2:15

ak ea meerukunana badaydahuukkeagwa ng'asheega munyas nea ghoahuyi fuga manda giidinyeanda, diibiga Aseetta meerukunana badahuukka ng'asheega munyas mida bugusta seaygeeda gwaneadi bea ng'ooweatta, ak ghoayeatti weeshinda, aba jeannyaawa aba jeeda ng'eanyiida,

1 Goriinto 14:20

Fuga eaduupcheewi, adoahuuyi diibiga aba fughareengeagwa; ahuuwa diibiga aba ng'asheega munyas, nea aba fughareengeagwa ghoahuuyi fuga hees.

Golosaayi 4:5

Abeawana weaghumeeda aba madeeda fuga mwamwasa, nea googadiyeatti muuchchi damanda sugooneegwa.

Lukka 21:15

aba gideaba gaydagoneegwa ng'asheega ea weaghumeeda jea inyeessa eara weajoodigeagwa ghwaraay ng'alealleeda ghana gichchea ghwashang'da.

Gadiyeeda Giijasoodiga 20:29

Ak ghaanalli iimuchchu nea neawi gayghwahidu jeedeang'wa suuyeekka ng'weani, jea ea mayghwalach hawanda;

2 Goriinto 11:3

Iiduw ghabealli, gawuurji gidaghayi renganniida ichchibooda Haawa aba milmilandaannyi, gajeehutteawi fughareengeagwa ak ghoanung'waadi doobiiwnatta ea alooheeda Gristo.

1 Desaloniikke 5:22

ohhelleewana geat munyinda wassean.

2 Goriinto 11:14

Ak ea mayghaham fih ng'eanyi, aba gideaba eara Shattaani iissa ghwayamyam geaw gawuurji malaykajeanda weeshinda.

1 Desaloniikke 2:10

Agooga gowoschi muushoodiga, ak gwasnu eara Aseetta, ea gidaghayditta ea gidadoabiiwatta ak gabiissa ea meeyeatteana ghuut searoojigaasa aba heeda fugeagwa mideawa masaweega;

Golosaayi 1:9

Ak aba sareani dea ghayi siyinyi ng'asheesu ea miyeenung'waada mooshta ghawooda appadahuukeagwa, gideaba gagooneegwa Aseetta fughareeda huumwa bea gidagassiida niny ak gagooneegwa weaghumeeda ea nalooda aba jeesingeagwa,

2 Goriinto 1:12

Aba gideaba aseasa geaghwari geat ng'asheanji, nea gitta muuwwu fughareengaasaan gil ak ghoaw gissibeadi aba jeeda ng'eanyiida, ak gabiissa ghwaraanya muuchchi aba heedeang'wa, aba ghaydidanda ea baditta Aseetta bea huumwa, nea mii aba weaghumeeda ng'eanyiida gil geaghus aba dagheerjeandumeeda Aseetta.

2 Goriinto 8:20

Ak ea meagassi gideaba gaygwarukuna sih badahuukkaasa ng'asheega munyas appadayda gimmuusta sugu ak gang'ula gisilachchiida haleanjeeda,

Mattayo 24:25

Ang'ulla nigeawiit dareekuseegwa ammwadi.

Mattayo 24:45

Nii gajea anasihi was soomjeanda doabiiwaat mideawa weaghumeeda, iin siidaannyi haw uhuudeaba gheannyi ak ghoadaw buuneeda daghwarda aba damandaannyi?

Mattayo 25:2

Aba jeannyaawa ea dasheahi haw muut nea suurja gea ammuut ea weaghoodi.

Mattayo 25:4

duukku haweekka mideawa weaghumeedean gageanu nagheeda ak ghwayiin jeeda haleanjeeda sea gheaboonyanga nyaawa.

Mattayo 25:9

Gwayeeshsha giikka mideawa weaghumeedean, ‘Manda mayghoahideasa aseasa ea agooga! Ghang'wana ghoang'ng'waanyi naweeda ak gooweesi fuga sheahida nagheeda ak ghoashaayi.’