Marko 9:50 - NEAJEEDA EESH BEA BUUNEESSEAN

⁵⁰ Balang'da gida miy gil. Amaduw balang'da inuhutta samneadaannyi gaygudu esma naaha? Gagasa ahuuwa balang'da aba jeedeang'wa nea gobeayi hoyyoo nea gororoochchi.”

Bibliyeeda Ghaydit

⁵⁰ Balang'da gida miy gil. Amadu balang'da iinihuta samneadaanyi gaygudu eesima naaha? Gagasa ahuwa balang'da aba jeedeang'wa nea goobeayi hoyyoo nea goorooroochi.”

Marko 9:50 Referans Kwoze

Golosaayi 4:6

Asi ng'asheegeagwa gagasa gwandeawa dagheerjeandumeeda galeagasean, nea gwasamu balang'da, ak abeeda ghoanalli gichchea ashaayda ng'asheega buuneessean.

Ruumi 12:18

Iiduw aba meatkweedeang'wa abeaha weayda aba heeda buuneessean.

Mattayo 5:13

“Agooga goowoschi balang'da ng'eanyiida; ama balang'da iimudugwasamu gil, gajeahindaan iijeagwasamu gil? Mudugwarachchi gil geaghus eahiisa jarooda ak ghoallaplaap buuneeda.

Ebraniya 12:14

Gagasa gimiriikta hoyyoo aba heeda buuneessean, aba ghaydidanda nea manda siida jea ghwadaa Ng'uttamiida iimandeawana.

2 Goriinto 13:11

Aba huuydeanda, abeaha seayu fugeaduupcheewi. Asna naweadingeagwa, ayiinya gideargu, daba siisi mwas nuut, abeaha weayda, ak abeeda Aseetta mideawa bariinyeega ea weayda gaygoobiida heedeang'wa.

Filippi 1:27

Anung' ghoaw searoojigeang'wa bea eaweega gweatteayyi sea giijasta miy bea Gristo, ama iyaawunnyi dadaheagwa ak ghadayeagwa ghana ea meandani, geagasayi dayiiy appadahuukkeagwa gideaba ghoamiinaadi muuchchi aba jeemba guroroonagi, nea goobeayi fughareanagi nea goong'alealleesi masaweega giijasta miy,

1 Desaloniikke 5:13

asissiina mureeda nea ghoawwalli gheang'da aba bariinyeega aba gadiyoojiga nyaawa. Gagasa abeaha weayda nea gobeayi geat.

Efeeso 4:29

Adagwarinna ghuusigeagwa ng'asheega munyas, inyeessa goobalooli gaamiyaas jea ghaweat gilinyoo ea siida gil, ak ghoadaw dagheerjeandumeeda fuga aleeyseegwa iit.

1 Betro 3:8

Ng'asheanda huydean nii gil, awoosa gilagi, ak goobayiidi geat nea ghoabwariiydi geat oorjoospwa ghaamwadagi, nea goowoschi ng'eeni ak gooyeadayi geat ng'eanyi.

Yakkobo 1:20

aba gideaba nyarasta siida maygwasin doobiiwnatta Aseetta.

2 Dimoteo 2:22

Asi mang'wana ng'asheega munyas bea gheareemaneandumeeda wa geawunda gheang'da, aada geeshta ng'asheega doobiiwnata ea masaweega ea bariinyeega ea hoyyoo sea fuga sean guurriisa Ng'uttamiida aba jeeda miy.

Golosaayi 3:12

Asi okkwealsheatta fuga niloat Aseetta, ghaydiidi subwariiy, bea jeesinga bayyiida buuneeda, ea ng'eeninda, eattoodeaba geat bea ng'eanyi, miyinda ea milighteayda,

Galattiya 5:22

Ak haghweega Gurorooda ea barinyeega, hooseaneega, hoyyoo, milighteayda, inyeanda jeeda, miyinda, ea doobiiwnatta,

Marko 9:34

Ghwasiinda Saawa, aba gideaba gwachchi nea gwanda naweeda gwasheang'nyeesa gideaba ahaw ng'eaha aba jeannyaawa.

Marko 9:49

Gaygaba siisi simmiinna beasta.