Marko 9:31 - NEAJEEDA EESH BEA BUUNEESSEAN

³¹ Nea nii abeeda gwasin gideaba niny iyanaal ginealangaaschi gwayeenniisa, “Balleanda Siida gajeenung' goobissa geattinga buuneeda jea ghabwar ghami. Nea ing'atta eawooji samwagu gaygwaduudu.”

Bibliyeeda Ghaydit

³¹ Nea nih abeeda gwasin gideaba niny iyanaal ginealangaaschi gwayeeniisa, “Orjeeda Siida gajeenung' goobissa geatinga buuneeda jea ghabwar ghami. Nea iing'ata eawooji samwagu gaygwaduudu.”

Marko 9:31 Referans Kwoze

Mattayo 16:21

Ghang'eada damandida gwaruksa Yeesu giinealangaaschi gideaba gammiissa beatta jea gawa Yerusaleemu, ak aba hoowa gayghwanyas sawanadeeda haw aba heeda gweargwa ea ashoohoodiga hees ea ng'oorshoodiga, ak geenuus, ama eaweetteaba samwagu gwaduudu.

Marko 9:12

Gwayeeshsha, ada huumwa, “Eliya gayghanyi goshoohu ghwaan gwasissin halanjeassean. Eara gwasa, ghwasaan anda geang'waar aba jeeda Ng'ooruutka Ghaydit gideaba, Balleanda Siida gayghwanyas hang'weanidooda muuchchi nea gefool?

Marko 8:31

Gabiissa hean goneali Yeesu ginealangaaschi nea gwayeeshsha, “Asi anala gideaba Balleanda Siida gayghwanyas sawanadeeda haw muuchchi nea gayghaheawa gweargwa, ea ashoohoodiga hees ea ginealshoodiga diini. Gaygwanuus ama ng'atta eawooji samwagu gaygwaduudu.”

Lukka 24:26

Mammisiina gideaba Gristo gayghwanyas sawanadeeda ama ng'atta gawa jeeda gigheambiittaannyi?”

Mattayo 26:2

“Mwoanali gideaba ing'atta eawooji iyyeenya abeeda gajea ghweelmeeda Basakka gil, ak gajeattayda Balleanda Siida engoor.”

Mattayo 20:28

aba sareani eara Balleanda Siida mwoani egadiyeesa niny ghwaan gagadiyi, ak ghoadayda aweagaaschi ghoaw leadeeda fuga saang'a.”

2 Dimoteo 2:12

Nea isimilikghiti, gajeembalischeena sea ninyi, Nea isiheawu ninyi, ninyi earada gay ghwaheawaneasa.

Yohaana 10:18

Manda siida geandeawanean, ghaghaashti aniini aba uhuudeanyu nea gabwageaw. Geandeawi uurda jea daghashtaawa ak geandeawi uurda jea dabiikta dageanna; nii gidaghayi adeaganean Bwaabwa sinooda.”

Yohaana 3:14

Gawurji gida ghayi attoasta Muusa ichchibooda aba dareapcheeda, gwasnu eara Balleanda Siida gajeattoastunu.

Yohaana 2:19

Ghwasha Yeesu nea gwayeeshsha, “Anyarja gheawi sibatta Aseettean ak gaydadeas aba jeemba askwearjooji assamwagu.”

Lukka 9:44

“Anung' gaweay ng'asheesu jeesinga iidigeagwa; aba gideaba Balleanda Siida gajeayiin geattinga buuneeda.”

Mattayo 27:63

gwayeeshsha, “Ea Siida mureeda, sipkaachchi gidaghayi rugu siitta milmiliin damanda mii ghameawa gideaba, ‘Ing'atta eawooji samwagu gaydaduudu.’

Marko 10:34

Ak gaygwajuuga, nea gong'urriisa ng'usheega nea geabwar aba mughoowooda ak gwanuus. Amaduw eaweetteaba samwagu gaygwaduudu.”