Marko 9:24 - NEAJEEDA EESH BEA BUUNEESSEAN

²⁴ Gojuur Siida nea gwayeeshsha, “Asi geandeawi masaweesu miihaw nea giheannean.”

Bibliyeeda Ghaydit

²⁴ Goojuur Siida nea gwayeesha, “Asi geandeawi masaweesu mii haw nea giiheanean.”

Marko 9:24 Referans Kwoze

Lukka 17:5

Gwayeeshsha Giijasoodiga Ng'uttamiida, “Aheaneasa masaweega.”

Ebraniya 12:2

nea geeng'ulayi Yeesuuyda asheeda was dea amajeek masaweagaasa, was dea aba hooseaneega siyiin madeadaannyi ghoahang'waay aba beehiida, ak gafool baspaseega, ak goopteada aba meatkweeda geattinda dugwa bea hoorgeeda gheambalmeeda Aseetta.

Efeeso 2:8

Aba dagheerjeandumeeda silealneegwa aba naweeda masaweega; ea masna milmilandeang'wa osinnyi, nii gagu Aseetta,

2 Desaloniikke 1:11

Appadaydeaba ng'asheanji, iissa geamwaashchi Aseetta galeagasean appadahuukkeagwa, gideaba gagasa ghwanung' Aseetteanya gahaguuweegwa guurunoadaannyi, ak ghoahiit gilinyoo aamiy gasa ea gadiyeeda masaweega aba uurdaannyi,

2 Desaloniikke 1:3

Aseasa gammiiseasa ebadiischeesiina galeagasean appadahuukkeagwa, fuga eaduupcheewi, ak ea gittoobiiwsiinda gil, aba gideaba masaweegeagwa niheedu muuchchi, nea bariinyeega gilwas sih aba jeedeang'wa aba hichpa nuut ea niihaada.

Filippi 1:29

Aba gideaba agooga geegooneegwa gheatta appadayda Gristo jea agadiyeesiina, ea mabeachchi masaweega gwanda eara gideaba gajeesawaneegwa appadaydaannyi,

2 Goriinto 2:4

Aba gideaba geang'oorneegwa ng'asheesu nea geandeawi sawanadeeda haw ea hang'weaniidooda aba jeeda gurorooda nea geabeayi dabeakka saang'a, nea mii gideaba geagasayi asawanana gili, geagasayi anala bariinyeegeasu eandeawi appadahuukkeagwa gitteenna aba hawunda.

Ebraniya 5:7

Aba askwearjoojikka bea saseadaannyiin ghamwaash Yeesu Aseetta nea gang'ula humng'eeda ak ghabwat Aseetta, nea goyyeawda aba ghuutta haw ea dabeakka, nea gogeal heeda siida ammu ghoaghuuha niny miyeeda, ak geayiiy aba gidawalda gheang'da Aseetta.

Gadiyeeda Giijasoodiga 10:31

nea gwayi, ‘Gorneliyo, mooshtaang'u bea Aseetta siyiiy ak eara haleanjeeda isabi geadi ea niipkaat Aseetta.

2 Dimoteo 1:4

Ak geagasayi muuchchi deaktaang'u, iyaapkaachi dabeakkaagu ak abeeda ghaanyaschi hooseaneega.

Lukka 7:44

Gwayamsa geaw Yeesu gatmoodida ak gwayeeshsha Simon, “Gung'ulayi gatmooni? Ghawunnyi gheang'u, ak ea miigoona beega jea deahuuna geeshangeasu, nea niny ghwanung' gobitpissa dabeakkaaschi geeshangeasu ak gobuus buudeegaaschi.

Lukka 7:38

hean ghamiinaada appwadaw aba murdeeda geeshangaaschi ak gooyeawda, ea goobitpissa dabeakkaaschi geeshanga ak gobuus aba buudeagaaschi uhuudaannyi ak ghwasam geeshanga nea ghwayeasha nagheedida.

Ebraniya 12:17

Nea ghoanalli gideaba iiduw nea gagasa gwahearan ghawooda, geefool, aba gideaba mwanyasa gheatta duukuunooda, earappeadi gasa nea gobuuttu dabeakka.

Gadiyeeda Giijasoodiga 10:19

Damani gudugooteemsheewa Betro aba ng'asheesu gwachchi dahiin, gwayeeshsha Gurorooda niny, “Ng'ulla, gwanda fii samwagu jarooda nea gagasseey.

Marko 9:23

Gwayeeshsha Yeesu, “Gwayi immuusi gili! Aba siida mideawa masaweega manda gichchea gwadilna.”

Marko 9:25

Daa Yeesu gidawamwaanda emeettuw madeadaannyi gabiissa gojuursa meang'nyeandeenda nea gwayeeshsha, “Meang'nyeandeenda inung' ghwaroat ghuutteaba jeebi nea ghaminyiit, geayi ritteawana saseedeaba jeebi nea adiiduw gudubiiksiina gichcha!”